Rommi 12:12 - Sümi Tiqhelimi Bible

¹² Lajupu akeu lo alovilo, aghime lo kutuu lo, akighini lo amlotsüqhiyi shilo.

BAIBEL (BSI)

¹² Nongu lajupu akeu huno nongu pelo alokiqi shipelo, shilukusalo theqhikulu alo, akighinilo azuni alo.

Sumi Naga CL (Re-edited) Bible (BSI)

¹² Lajupu küdau juno alovilo, aghime lo kheakulu shilo, akighini lo pükhükulupu shilo.

Rommi 12:12 Referans Kwoze

Rommi 15:13

Nongu no pa shou pükhübe ake toi, lajupu tsü chekeu Lhou pelo alokiqi eno alokughuno chhitoi nongu shepichhi tsü peniu, tishi keu lono nongu pelo Aghungu Kimthe küká vechewo lajupu qochililu apeniu.

IBRIMI 10:36

Nongu ye tsükhoi shini keu avehupu shi ani, tishianguno kughou nono Alhou pulou shini keno no ye kiu piqhipüa keno tipau ithulu nani.

1 Peter 4:13

Ikemu nongu no Khristo ghime lo küsaje akeu qhemi alovishelo, tishianguno kughou pa juküvü pephe-piye nike no nongu pelo shishe alovishelu peniye ke.

James 5:7

Tishiaye athiküzümi eno achelimiqo, Ampeu ighimo ke kutólo kheakulu shilo. Alukichiu no kíshi ayeghi lo ameküa tüxatini lhoipeghi penike ghenguno kutuu ghi mütsü ngò tsülu tsütsüghuqo khe acheni keno julo.

IBRIMI 6:15

Ikehu kutuukulu shi khea kethiu, Abraham ye pa lau kiu piqhipüa keno ithulu ke.

IBRIMI 6:12

Ningu ye nongu pelo akipichi shive penishi amoe, ikemu timi khunoqo no aküpülü ngò kutuukulu vechewo piqhipüa keu mheghi ighíluni keno tipaqo toi shipe nishi ani.

FILIPIAMI 4:4

Alhokuthu Ampeu lono alovishelo. I no itaghi piani: Alovishelo!

IBRIMI 12:1

Tighenguno, ningu ye thopimi aqokitikhi hijejehi no ningu sümxa pe anike ghenguno, ningu lakha chekeu thimeqo eno mülalei kitimeve chekeu xinéqo kümtsü ikhipe peveni nolo. Eno ningu pelo pokuxu penike ghenguno amichi shipüa keu gholo tsükhoi shi no poni nolo,

Kolosiami 4:2

Tamo no inikhulo, jukutokughoi lo eno Alhou shikimthiqhiyi alo.

2 Thes. 3:5

Ampeu pelo nongu mlo kiche sasü Alhou kikimiye eno Khristo’w tsükhoi keu lo wulu peniu.

1 Thes. 5:8

Ikemu ningu ye aküvü lo akemi timiqo ke ghenguno ningu ye alokütsü shini nolo. Aküpülü eno kikimiye pesü amla küküzüpu toi pepulo, eno xakuluw lajupu no ayikütsüqho toi pepulo.

Apostolmi 1:14

Apostolmiqo ye tamo no totimiqo eno Jisü pazá Mary ngò pa thiküzümiqo gholo kümtsü küqha no inikhu ache.

1 Tim. 6:11

Ikemu no Alhou’w timio, hipaqo kümtsü lono pove lo eno achipiumikuchou, Alhou sükümsa, aküpülü, kikimiye, kutuukulu eno mütshaivü keu phulo.

IBRIMI 10:32

Püzüu tsalaqo lo nongu no Jisü ithiluve kethiu, nongu no aghime chhitoi keu küküpüna kijè puqhe keqo hu kümsülulo.

Kolosiami 4:12

Epaphras khuu Khristo Jisü qeu lakhi eno nongu gholo kuposhu ache keno pa ghí petha tsüpuwu ani. Pa ye pülhapuju nongu ghenguno pulopiniyi inikhu acheni, tiye nongu pelo thowkha kümtsü lo Alhou pulou shilu no ithamo püzü tekhoi eno mütsüqhei shi puthugholu peniye ke.

Kolosiami 1:11

nongu pelo shishe kutuukulu eno kheakulu shilu penike ghenguno pa juküvüpu kumto vechewo no aküka kümtsü pesü nongu shikumtolu,

IBRIMI 5:7

Jisü no ayeghi lo xü ake ghuloki lo, pa ye shishe qa eno anhezü-piji ghi khuu no akithí lono pa xalu nani keno pa lau akighini gholo no qhüiniju puku ke, eno pa no Alhou sümsa ghi aqhokighe shikeu ghenguno pa kighini chilutsü ke.

Piyeküsü 13:10

“Khunoqo akughu shiwuve kepu shi akeno, panongu ye akughu shiwuve nani. Akihizüta pesü khunoqo ghiqhive kepu shi akeno, akihizüta pesü panongu ghiqhive nani.” Hiye Alhou’w timiqo pelo kheakulu shi kutuulu eno amikucho shipe niye ghutú akeu ke.

2 Peter 1:6

eno akighithi gholo alikhi aghasülu keu; eno alikhi aghasülu keu gholo tsükhoi keu; eno tsükhoi keu gholo Alhou sümsa keu;

IBRIMI 3:6

Ikemu Khristo ye Anu lakhi kehu Alhou kibolomi shou ghí pükhübekulu shike. Ningu no ninguw pülükibe eno ningu no ajuküvü shi achekeu shou lajupu qhi akeu lo ithamo no tsüqüpe aye mütsüqhei no ningu ye pa kibolomi ke.

2 Thes. 1:4

Tighenguno, nongu no pishi-puju keu eno peju keu kümtsü sholu akeu dolo tsükhoi shi no kutuukulu eno aküpülü pighi akeu ghenguno ningu ye Alhou kukuhou dolo ghí nongu jupe agijivilei acheni.

1 Kor. 13:13

Tishiaye thime hipano küthü ani: aküpülü, lajupu, eno kikimiye. Ikemu hipaqo gholo akiqheu ye kikimiye ke.

Rommi 15:4

Thime hitoi keqo no ningu shika niye püzüu no Kuchoyesü lo yèpe qhivae. Eno Alhou’w pikiqhi shikupu niye ningu no kutuukulu shi khe akelo Kuchoyesü no lajupu ningu tsü eno shikumto cheni.

Luke 21:19

Mtotoi puthugho lo, eno no ye kuchou küxü ithulu nani.

Luke 8:15

Ikemu ayeghi kivi lo apitì vesülu keu ye xüpivi chekemi eno amlo kivimiqo, panongu ye Alhou tsa chilu no ikhilu kemiqo, eno akumto shikeu vechewo athi kutomo pithílu kemiqo ke.

1 Peter 4:7

Thime kümtsü ashehove nikeu ye kupunúvae. Tighenguno kutokughoi lo eno tsükhütsüvai keu kükümsü xapu ngo lo tishianguno nongu ye akighini shilu peniye ke.

Titus 2:13

Ningu no kükümgha lajupu khe akelo—Ni Lhou akughushuu eno Xakuluu Jisü Khristo, ajuküvü lono ipeghi niye akeu,

Kolosiami 1:27

Kughengu Alhou no timiqo pelo tuqhou hipau juküvüw küakini Jewkumomiqo ghenguno ghí ani kepi ithi peniye nongu kishelu ke. Eno Alhou’w tuqhou ye hipau ke: tiye, nongu lolo Khristo akeu, ajuküvü lajupu hu ke.

Rommi 8:25

Ikemu ningu no ithumla no akeu shou lajupu qhi aye, ningu ye kutuukulu shi tipau ngokhe acheni.

Titus 3:7

tishianguno, paw küpükini vechewo ningu pelo achipikaluve pe no lajupu akeu gholo no lhokta küxü mheghi ighílu kemi shilu peniye ke.

2 Tim. 3:10

Ikemu Timothio, no ye I kükütsü, I küxü ghola eno I kimiji kümtsü ithi ani. No ye I küpülü, iw kheakulu, iw kikimiye, iw kutuukulu ithi ani.

1 Thes. 1:3

Ningu ye ningu Lhou eno Apù zülo nongu küpülü vechewo akümlà ipeghi keu, kikimiye vechewo nongu kümlà kite keu, eno ningu Mpeu Jisü Khristo lono lajupu akeu no müzüsütsü keu vechewo nongu no kutuukulu shi akeu kümsülu acheni.

FILIPIAMI 3:1

I thiküzümi eno I chelimiqo, tinguno alau no Ampeu lono alovishelo! I no pive keqo itaghi atho nongu lau yè kithe aní keu I ghenguno kushokütsü kumoe, eno tiye nongu ghenguno sükushopu lakhi ke.

2 Kor. 12:8

I lau no ikhi sawuve tsü penike ghenguno I no ghuthu küthü kutólo Ampeu vilo qhüiniju ke.

Rommi 2:7

Khunoqo no tamo no akümlà kivi shikeu lono ajuküvü, agigihu eno khilemu thivemo nikeu phu cheni keno, Alhou no lhokta küxü tsü nani.

Apostolmi 12:5

Ikehu Peter ye akughuki lo khathapüa, ikemu akukuhou no pa ghenguno pulopiniyi Alhou vilo inikhu ae.

Apostolmi 6:4

no ningu ye akighini eno Alhou tsa pichebekümlà lo amlo tsünie.”

Apostolmi 2:42

Küpülümiqo no pulopiniyi shi apostolmi no kütsü keu pape, kuposhu, asho süpho kijé chu, eno akighini shie.

Luke 10:20

Tishi namu, aghawuqo no nongu qhoqhü keu lo alovi akevilo, ikemu nongu je atsütsǘ lo yèpüa keu ghenguno alovishe alo.”

MATTHEW 5:12

Alovishelo eno alovi alo, kughengu kungugha lo nonguw qesaxu kijè ani, kughengu panongu ye nongu züu tungkupumiqo ghí tihutoi pishi-puju acheke.