Rommi 12:10 - Sümi Tiqhelimi Bible

¹⁰ Athiküzümi kimiyekilé ketoi nongu lakhi no lakhi kimiyekilé lo. O nguno akiqheu shi lakhi no lakhi gihu kilé lo.

BAIBEL (BSI)

¹⁰ Athikuzumi kimiyekile ketoi nongu lakhino lakhi kimiyekilelo; gihukilenikeulo kuhakilelo.

Sumi Naga CL (Re-edited) Bible (BSI)

¹⁰ Akibolomi dolo kimiye kile ketoi lakhino lakhi ivükile lo. Gihukileni keu lo nongu paghino alomsü lo.

Rommi 12:10 Referans Kwoze

FILIPIAMI 2:3

Alakimine momu alikhi asüqhe keu pesü kiu-kiumu shi kevilo. Tishini ke züqhulo, aqhokigheu shi püzü kütami no O nguno akiviu kepi kihi lo.

IBRIMI 13:1

Athiküzümi eno achelimiqo toi lakhi no lakhi kimiyekilé achelo.

1 John 4:11

Kimiye chekemi shompamiqo, Alhou no shishe ningu kimiye ke ghenguno ningu ghí lakhi no lakhi kimiye moayesae.

1 Peter 1:22

Itehi ye nongu pelo kuchou gholu keu vechewo amikucho shi lakhi no lakhi kimiyekilé penike ghenguno nongu ye thakütsüghüvea ke amlo lono thonhei shi no lakhi no lakhi kimiyekilé lo.

1 Peter 2:17

Kümtsü lau agigihu achipi shi pìyelo, athiküzümi eno achelimi küpülümiqo kimiye lo, Alhou sümsa lo, qhasükükau gihu lo.

1 Thes. 4:9

Itehi nongu vilo lakhi no lakhi kimiye nikeu vehu lo ningu ye nongu lau yè akepu kiumu kühavae, kughengu nongu lakhi no lakhi kimiye nikeu vehu ye Alhou ampi no nongu kütsüvae.

Galatiami 5:13

I thiküzümi eno I chelimiqo, nongu ye kuqhopheve keu küxü xüpe niye kulù ke. Ikemu nongu ye kuqhophevea kepi tino ajekukivi shive no timi lhoaye pulou lo chhosü wuve kevilo; tishini ke züqhulo kikimiye vechewo akuchunu shi püzü nongu lakhi no lakhi qe lo.

Galatiami 5:22

Ikemu Aghungu xathi ye kikimiye, alokiqi, aloino keu, kheakulu, küpüqhiyi keu, akivi, pichebekulu,

1 John 4:20

Khukhumu Alhou kimiye cheni ipi pükha cheni püzü athiküzümi momu achelimi lakhi mithi aye tiye kimkimi lakhi ke. Kughengu khukhumu athiküzümi eno achelimi, khikhi panongu no ithulu cheni keno, kimiyemo kemi ye Alhou khuu panongu no ithulu mphi keno, kimiye mülae.

2 Peter 1:7

eno Alhou sümsa keu gholo lakhi no lakhi lau ivüilai keu; eno lakhi no lakhi lau ivüilai keu gholo kikimiye süküqha lo.

1 Peter 5:5

Tipau tho lono, nongu khunoqo no alhothe shi ani keno, nonguw kichimiqo lau aghokulu shilo. Nongu kümtsü lakhi no lakhi lau aqhokigheu shilo, kughengu, “Alhou ye aqheküzami lachile cheni ikemu aqhokighemi kümgha tsü cheni.”

John 15:17

I yeza ye hike: Lakhi no lakhi kimiye lo.

Rommi 13:7

Nono api pù akemi kümtsü lau kiu tsü kepu ani keno tsülo: Zame tsü kepu shi aghí aye, zame tsülo; yepeka lau asüqha jeli tsü moayesa kepu shi aghí aye, tsülo; qhoqhü moayesa kepu shi aghí aye, qhoqhü lo; gihu moayesa kepu aghí aye, agigihu tsülo.

Apostolmi 4:32

Küpülümiqo kümtsü amlo eno akükümsü lakhi shie. Khunomu pa no kiu pighi aghí keno tiye paw kepi pükhamoe, ikemu panongu no kiu aghí keno kümtsü pesü aqǘ shi küsaje cheke.

Luke 14:10

Ikemu kughou timi no O kusüni keno no ye aqhokighe lakhü lo iqalo, tishianguno kughou O kusü keu no ighini keno pa no O vilo ishi pi nani, ‘Aküsàu, alakhü akiviu küdau ikuve lo.’ Tishiaye, no ye inami kütamiqo zülo agigihu ithulu nani ke.

MATTHEW 20:26

Nongu dolo ye tishi kepu kumoe. Tike kumo no, nongu dolo khuu no akijeu shinishi ani keno, pa ye kütami qeu shi moayesae,

2 Thes. 1:3

Athiküzümi eno achelimiqo, ningu ye nongu ghenguno alhokuthu Alhou shikimthi ani pütsá ke, eno hiye achipi ke, kughengu nongu küpülü ye alau shi thuwukithe anie, eno nongu kümtsü no lakhi no lakhi kimiye akeu lo alau iko-ishe anie.

Kolosiami 1:4

kughengu nongu no Khristo Jisü shou aküpülü akeu eno Alhou’w timiqo kümtsü lau nonguw kikimiye akeu ningu no chilu ke—

Galatiami 5:6

Kughengu Khristo Jisü gholo ye aphighüyiko ghave keu momu aphighüyiko ghamo keu nomu akhoto kumoe. Ikemu kikimiye vechewo aküpülü pephe-piye keu likhi kihi cheni ke.

John 17:21

Apùo, nono I lolo ake toi eno I no O lolo ake toi, panongu kümtsü pelo lakhi shilu pelo. Panongu ghí nikujo lolo apelo tishianguno ayeghilomi pelo nono I puwu kepi pülülu penike.