Piyeküsü 9:4 - Sümi Tiqhelimi Bible

⁴ Tülhaquqo vilo ayeghi lo atsüni momu asütsüni momu asübo lakhimu shipüsa kevilo pi, ikemu timi khunoqo no panongu kishe lo Alhou’w amichi chishida keu küha keno tipaqo likhi ghimeqhi lo ipi.

BAIBEL (BSI)

⁴ Panongu pelo ayeghilo asutsuni momu ashubo shipusapemo nike ahzatsu pua; ikemu timi khunoqo kishelo Alhou wu amchi chishidakeu kuhakeno tipaqo ghimenikeu shiae.

Sumi Naga CL (Re-edited) Bible (BSI)

⁴ Khunono akishe lo Alhouw michida küha keno tipaqo kumo aye ayeghi lo atsüni küxü momu asübo jeli kiumu shipüsa pemoni ke azah panoqo tsüpüa.

Piyeküsü 9:4 Referans Kwoze

Piyeküsü 14:1

Tisheno I no ju akelo ye I gizülo Ambeti no Zion Naghuto lo puthugho ae eno pa gholo akishe lo pa je eno paPù je yèpüa kemi timi 1,44,000 ngo ae.

Piyeküsü 8:7

Kungumi atüghiu no pa fuko küigha kemtsa murasü eno ami pesü ajì gholo süküqhave no ayeghi lo leqhi piqive. Ikelo ayeghi kikijé küthü pitileve, asübo kikijé küthü pitileve, eno atsüni kümtsü pitileve.

Piyeküsü 6:6

Tipathiu aküxü akeu lhoxü bidí dolo lakhi no piakeu sütsa toi I no hitoi chilu, “Atsala lakhi jume ghenguno ashothi ahukimighi lakhi, eno atsala lakhi jume ghenguno barelythi ahukimighi küthü, eno thazü ngò atsaiji shipüsa kevilo!”

Ephesiami 4:30

Eno Alhou Ghungu Kimthe shikulosü kevilo, nongu ye xachilekulu tsalá ghenguno pa gholo mekha küqhavea ke.

MATTHEW 24:24

Kughengu kichileu messiahqo ngo kichileu tungkupumiqo no pishiqhi niye ipeghi püzü akümzapu eno amichipu kümlà kijè shi nani, eno tsalá shikulupu shi aye kisheluve kemiqo ghí pishiqhi niye shi nani.

Piyeküsü 7:1

Hipathiu kungumi bidí no ayeghi cheku bidí lo puthugho akeu I no ithulu. Panongu no ayeghi mülhü bidí pelo ayeghi shou momu azüghi shou momu asübo lakhi shoumu fupuku pemo niye amlhü hu sünhe chile pesü ae.