Piyeküsü 8:10 - Sümi Tiqhelimi Bible

¹⁰ Kungumi aküthüu no pa fuko küigha kelo ayepu kuloghi lakhi hu no vüqalei keu akulu küvü lakhi toi atsütsǘ lono piti sü ikighi püzü aghoki ngò azüpuki kikijé küthü shou ikiqi ikuve—

BAIBEL (BSI)

¹⁰ Kungumi akuthuuno pa fuko kuyigha, kelo ayepu kije lakhi, akulu lakhi toi iquakeu atsutsu lono pheqhi eno aghoki akeqo kikije kuthulo lakhi shou azupuki shou ikiqi iku.

Sumi Naga CL (Re-edited) Bible (BSI)

¹⁰ Kungumi aküthüu no pa fuko küigha kelo atsütsü lono ayepu kije lakhi akuluqhe toi phuphushi ikiqighi no aghoki eno azüpuki kikije küthü lo lakhi shou ikuve.

Piyeküsü 8:10 Referans Kwoze

Piyeküsü 16:4

Kungumi aküthüu hu no pa bohu pesü aghoki eno azüpuki lo lesü kelo ye tipaqo no ajì ilhokhave.

Piyeküsü 9:1

Kungumi apunguu no pa fuko küigha kelo atsütsǘ lono ayepu lakhi ayeghi lo ikiqighi keu I no ithulu. Aqokutho lo ilo chekeu khaqhiyi pesü ayepu hu tsüe.

Piyeküsü 6:13

amlhü kijè no mububo lakhi sükini kelo mubuthi ikiqi akeshi atsütsǘ lono ayepuqo no ayeghi lo ikiqighive.

Piyeküsü 14:7

Pa no asütsa kuloghi lakhi lono ishi pi, “Alhou sümsa lo eno ajuküvü pesü pa tsülo, kughengu paw küghakütha do hu ye ighivae. Kungugha, ayeghi, azüghi eno azüpuki lhosü keu Lhou mülá lo.”

Piyeküsü 12:4

Pa shomi no atsütsǘ lono ayepu saje küthü ikhipesü ayeghi lo vepiqive. Totimi hu ye angá punú niye ake. Ikehu tüghaküsa ye totimi hu no angá punuqhi kemtsa tsüchuve niye li gizülo puthugho ngo ae.

Piyeküsü 1:20

Nono I u ajeu ayepu tsünì akeu ithulu keu ngò ameshoyi no mülà keu akulu tsünì ghopeqhi püakeuw tuqhou ye hike: Ayepu tsünì ye akukuhou tsünìw kungumiqo ke, eno akulukibepu tsünì ye akukuhou tsünì ke.

Jude 1:13

Panongu ye azüghi zü fukukucho kighide toi panongu kukujopu mülaghubei ipeghi cheni; panongu ye itsükiche yepuqo toi ke, alhokupuju ghenguno panongu sala àküzǘ kuthò ghüpe püani.

Luke 10:18

Pa no khochile, “Tsütsüpha toi atsütsǘ lono Satan ikiqi keu I no ithulue.

MATTHEW 25:1

“Tipau ghuloki lo kungugha kükaphu ye ilimi chighí no panonguw akulu pesü külapuu sholu niye wu keu toi ke.

Piyeküsü 8:7

Kungumi atüghiu no pa fuko küigha kemtsa murasü eno ami pesü ajì gholo süküqhave no ayeghi lo leqhi piqive. Ikelo ayeghi kikijé küthü pitileve, asübo kikijé küthü pitileve, eno atsüni kümtsü pitileve.

Piyeküsü 9:15

Ikelo kungumi bidí hu ye atüqhüdo, atsala, aqhi eno ampe hipau lo timi kikijé küthü pìthí penike ghenguno kutò pe püakeu toi kuqhopheve.

Piyeküsü 9:18

Khurshiqo kichí lono ami, amichhi eno amichu püsa ipeghi keu no timi kikijé küthü pìthíve ke.