Piyeküsü 4:1 - Sümi Tiqhelimi Bible

¹ Hipathiu I no ju kelo kungunhetsü kütau lakhi ithulu, ike tiye kungugha lo ahukikha lakhi khaqhi pesü I zülo akeu ithulu. Eno atüghi lo asütsa lakhi no afuko ghügha toi I pütsa keu I no chilu keu hu no ishi pi, “Hilau ikughilo eno hipathiu kiu shi moayesa nani keno I no O pìyenie.”

BAIBEL (BSI)

¹ Tipathiu ino kungunhetsu kutau lakhi ithulu ike kungughalo ahukikha lakhi khaqhipua. Puzuu afuko ghugha toikeuno iputsakeu sutsa huno ishipi, “Hilau ikughilo eno hipathiu kiu shiveni cheni keno ino opiyenike.”

Sumi Naga CL (Re-edited) Bible (BSI)

¹ Hipa thiu julo, itaghi kungugha lo ahukikha lakhi khaqhi püakeu I no ithulu! Eno azüu asütsa khikhi afuko toi vekipighi I pütsa keno, tipau huno pi, “Hilau ikughilo eno hipa thiu kiu shiveni cheni keno I no o piyeni.”

Piyeküsü 4:1 Referans Kwoze

Piyeküsü 11:12

Tisheno kungugha lono asütsa kuloghi lakhi no pama vilo ishi pikeu pama no chilu, “Hila ikughilo.” Eno pama ye khüngküsü lakhi lono kungugha lo ikuve, eno tishi akelo pama ghümiqo ye pama ju ae.

Piyeküsü 1:19

“Tighenguno nono kiu ithuluvea, itehi kiu shi ani eno kutou kiu shi nani keno tipaqo yè lo.

Piyeküsü 1:10

Ampeu Tsalani Aghungu no I peitha ake, ikelo afuko ghügha toi I zübou ighamuku keu lakhi I no chilu,

Mark 1:10

Kughou Jisü no azü lono khalau ipeghi keno, kungugha khaqhive no Aghungu no miqhedu lakhi toi pa shou iqi chekeu pa no ithulu.

Piyeküsü 22:6

Kungumi no I vilo pi, “Atsa hipaqo ye pükhübekulupu eno kuchou ke. Ampeu Alhou khuu no tungkupumiqo lau müzüsütsü cheni keno, pa no pa qemiqo vilo thime hipaqo itheno shikupu moayesa akeu pìye niye paw kungumi puwu ke.”

Piyeküsü 16:17

Kungumi akütsüniu no pa bohu pesü amlhü lo lepuku, ikelo achineki lo aküka lakhü lono asütsa kijè lakhi ipeghino ishi pi, “Hiye tavae!”

Apostolmi 7:56

Stephen no pi, “Julo, ni ye atsütsǘ khaqhi akeu eno Timi Nu no Alhou u ajeu puthugho akeu ithulu ani.”

John 16:13

Ikemu kughou kuchou Ghungu no ighini keno, pa no kuchou kümtsü pesü nongu kiche-piye nani. Pa ye pa kutoshi pimo nani; pa ye pa no chilu keu likhi pi nani, eno kiu ighi niye shi aphi keno pa no nongu vilo pitsü nani.

Luke 3:21

Kughou timi kümtsü baptiz shive keno, Jisü ghí baptiz shilue. Pa no akighini shi akelo, kungugha khaqhie,

Apostolmi 10:11

Atsütsǘ kijeve no kiu kela lakhi apa kijè toi keu tipau ako bidí shi no ayeghi küdau kughujupiqi keu pa no ithulu.

MATTHEW 3:16

Jisü ye baptiz shive kemtsa, pa ye azü lono khalau ipeghive. Tipa mtsa no kungugha khaqhive, eno Alhou Ghungu no miqhedu lakhi toi pa shou ikughi akeu pa no ithulu.

Piyeküsü 1:12

I pütsa akeu sütsa ju niye I no ighowo ju ke. Eno kughou I no ighowo ju keno ameshoyi no mülà keu akulu tsünì ghopeqhi püaghi keu ithulu,

Piyeküsü 11:19

Tile no kungugha lo Alhou chineki khaqhive, eno achineki alou paw puloshoqhi bohu akeu ithulu pe. Tile no tsütsüpha kulo ipeghi eno kong-kong shi tsütsü-küsü shi, ayeghi küghütha eno shishe murasü qie.

Piyeküsü 19:11

Tile I no kungugha hukikha khaqhipüa keu ithulu eno I zülo khurshi miyetsüghoi keu lakhi ae, tipau küsáu vilo Pükhübekulu eno Kuchou ipi kue. Amikucho pesü pa no küghathabe eno aghüshi ke.