Piyeküsü 22:10 - Sümi Tiqhelimi Bible

¹⁰ Tisheno pa no I vilo pi, “Liküküzü kaku hipau lo tungkuptsa akeqo mekha kevilo, kughengu ado ye kupunúvae.

BAIBEL (BSI)

¹⁰ Pano ivilo highi pi, “Kaku hipaulo tungkupu tsa pipuakeu kusupe qhi kevilo, kughengu hipaqo kumtsu shikupuni keu ghulokiye kupunuvae.

Sumi Naga CL (Re-edited) Bible (BSI)

¹⁰ Itaghi pa no pi, “Kaku hipau lo tungkuptsa akeqo mekhape püa kevilo, kughengu ado ye punukhoivae.

Piyeküsü 22:10 Referans Kwoze

Piyeküsü 1:3

Khuu no ighamuku tungkuptsa hipau phisüni keno tipano kümghae, eno khunoqo no hi chilu püzü kiu yèpüani keno tipau papeni keno tipaqo kümghae, kughengu ado ye kupunúvae.

1 Peter 4:7

Thime kümtsü ashehove nikeu ye kupunúvae. Tighenguno kutokughoi lo eno tsükhütsüvai keu kükümsü xapu ngo lo tishianguno nongu ye akighini shilu peniye ke.

Piyeküsü 10:4

Eno kughou tsütsü-küsü tsünì hu no atsa pi keno I no yè niye shia; ikemu kungugha lono asütsa lakhi ishi pikeu I no chilu, “Tsütsü-küsü tsünì no kiu pi keno tipau mekhavelo eno tipau yèpeqhi kevilo.”

MATTHEW 10:27

I no àküzǘ lono nongu vilo kiu pìní keno, atsala küvü lono pilo; tuqhou no nongu kìní lo kiu pisüpüa keno aki kütsüqaqo lono asheshu lo.

Rommi 13:12

Putho wokhaveni chea; atsala ye ipechea. Tighenguno ningu àküzǘ lo kümlàqo qhikhave no aküvü ghünanu puluveni nolo.

Piyeküsü 22:16

“Ni Jisü no ashepe hipau pesü akukuhouqo tsüpe niye iw kungumi nongu lau puwuvea ke. Ni ye David Kuhu-aghü eno pa Nuli-kughukomi ke, eno ni ye yevüqai keu Inaqhe Yepu hu ke.”

Piyeküsü 5:1

Tisheno aküka lakhü lo iqa akeu u ajeu liküküzü kaku lakhi akeu I no ithulu. Liküküzü kaku tipau ye ashou eno alou ghí yèpüa eno mekha keu tsünì no mekhapüa ke.

2 Thes. 2:3

Khuu pelomu kiu laghi lonomu nongu pishiqhive pe kevilo, kughengu hekibide ipeghimo ke kutólo eno aye kümthau, khuu ashekha tsalà lo kütsakungove nani keno, pa pephe-piyemo ke kutólo Ampeu tsalà ye ighimo nani.

Piyeküsü 22:20

Khuu no thime hipaqo kümtsü shepe shi ani keno pa no ishi piani, “Julo, ni ye itheno chenie.” Amen. Ighilo, Ampeu Jisü.

Rommi 13:11

Ningu no itodolo xü akeu tüqhüdo ithi no hi shilo: Nongu ye zü akeu lono idaithughi kepu do hu ighivae, kughengu ninguw xakulu ye püzüu ningu no atüghi lo pülüluve keu nguno alau kupunukhoi kithevae.

Piyeküsü 1:11

eno asütsa tipau no ishi pi: “Nono kiu ithulu keno liküküzü kaku lakhi lo yèpuku no akukuhou tsünì hipaqo lau tsüpuwu lo: Ephesus, Smyrna, Pergamum, Thyatira, Sardis, Philadelphia eno Laodicea.”

Piyeküsü 22:7

“Julo! Ni ye itheno chenie! Khunoqo no liküküzü kaku hipau lo tungkuptsa yèpüa keqo ikhiluni keno tipaqo kümghae.”

Piyeküsü 22:9

Ikemu pa no I vilo pi, “Tishi kevilo! Ni ghí no eno O gholo akemi tungkupumiqo eno liküküzü kaku hipau lo yèpüa keu tsaqo ikhilu chekemi kümtsü gholo aqemi lakhi ke. Alhou mülá lo!”

Piyeküsü 22:18

Liküküzü kaku hipau lo tungkuptsa chiluve kemiqo kümtsü lau I no pikichi ani: Timi khuala no tungkuptsa hipau lo kiuala alá süküpha aye Alhou no liküküzü kaku hipau lo püsa ghili pipüa keu pesü timi tipau ghimeqhi nani.