Piyeküsü 21:9 - Sümi Tiqhelimi Bible

⁹ Kungumi tsünì dolo püsa tsünì no abohu tsünì chhitoi shi pesü akeu no ighi püzü I vilo ishi pi, “Ighilo, I no külaliu, Ambeti nipu O pìye nike.”

BAIBEL (BSI)

⁹ Kungumi tsuni pusa bohu tsuni peakeqo gholo lakhino ilau ighino pi, “Ighilo, Kulaliu, Bheriti nipu opiyenike.”

Sumi Naga CL (Re-edited) Bible (BSI)

⁹ Tile kungumi tsüni khunoqo püsa bohu tsüni dolo ashekhau püsa tsüni chhitoi süpe chekeno, panoqo gholo lakhino I vilo pi, “Ighilo, I no Ambeti nipu Külaliu o piyeni.”

Piyeküsü 21:9 Referans Kwoze

Piyeküsü 21:2

Eno Akimthe Mishighüna, khikhi Jerusalem akitheu keno, kungugha lo Alhou lau no iqi chekeu I no ithulu eno tiye külaliu no li kimi shi niye akeu ghenguno jukivi shi aghili kutò pesü akeshi iqighie.

Piyeküsü 19:7

Ningu alovisheni eno alovini eno ajuküvü pa tsüní nolo! Kughengu Ambeti’w külakupu ye ighivae, eno paw külaliu ye kutò pe ngovae.

Piyeküsü 17:1

Kungumi tsünì dolo abohu tsünì pe akeu no ighino I vilo ishi pi, “Ighilo, kütüqhaliu ajekipiu khuu azüghi kutomo phivilo iqa acheni keno li ghimeqhi niye akeu I no O pìye nike.

Piyeküsü 1:1

Piyeküsü hipau ye Jisü Khristo lau no ighike. Hiye paikhavi lono kiu shive niye ani keno Alhou no Jisü Khristo qemiqo lau pìye penike ghenguno Jisü Khristo tsü keu ke. Pa no paw kungumi puwu keu vechewo pa qeu John pelo ithilu pe ke.

Piyeküsü 21:17

Kungumi hu no timi no mighi chekeu pesü aliwo kuputu mighike, eno tiye akishi lau aunhekipishe 200 shi aghí.

Piyeküsü 22:1

Tile no kungumi hu no aküxüpu zü ghoki I pìye. Aghoki tipau ye ighono tsüghükhüi eno tiye Alhou eno Ambeti küká lakhü lono qò ipeghi püzü

Piyeküsü 22:6

Kungumi no I vilo pi, “Atsa hipaqo ye pükhübekulupu eno kuchou ke. Ampeu Alhou khuu no tungkupumiqo lau müzüsütsü cheni keno, pa no pa qemiqo vilo thime hipaqo itheno shikupu moayesa akeu pìye niye paw kungumi puwu ke.”

Piyeküsü 22:17

Aghungu eno külaliu no ishi pi, “Ighilo!” Khuno no chilu ani keno, “Ighilo!” pilo. Khuno no tüghüthi ani keno ighi pelo; eno khuno no aküxüpu zü kümsá ghò lunishi ani keno ikhilu pelo.