Piyeküsü 21:22 - Sümi Tiqhelimi Bible

²² Ni ye Akimthe Mishighüna lo achineki lakhimu ithumlae, kughengu Ampeu Alhou Akughushuu ngò Ambeti pama no Akimthe Mishighüna chineki ke.

BAIBEL (BSI)

²² Niye aphughi tipaulo achineki ithumlae, kughengu tipau phughi chinekiye Ampeu, Alhou Akumtou eno Bheritike.

Sumi Naga CL (Re-edited) Bible (BSI)

²² Ni ye aphughi lo achineki ithumlae, kughengu aphughi chineki ye Ampeu Alhou Akughushuu eno Ambeti huke.

Piyeküsü 21:22 Referans Kwoze

John 4:23

Tishiaghimu ado lakhi cheni eno tiye ighivae, tiye kuchou no mülá chekemiqo no Aghungu eno kuchou lono Apù mülá nani, kughengu panongu ye Apù no phu chekeu kümlamíqo ke.

Piyeküsü 1:8

“Ni ye Alpha eno Omega ke,” ipi Ampeu Alhou no pi. Eno, “ni ye acheghi, acheni, eno ighi niye shi akeu, ni ye akughushuu ke,” ipi pa no pike.

Piyeküsü 16:7

Ikelo akümlá-khache no ishi khochile keu I no chilu: “Iyei, Ampeu Alhou Akughushuu, ow küghaküthaqo ye kuchou eno amikucho ke.”

Piyeküsü 5:6

Tisheno I no Ambeti lakhi ghiqhi pepüa ketoi ithulue eno tiye aküka lakhü mtá lo aküxü akeu lhoxü bidí ngò sakiphemi muchomiqo no sühomxa pe ake toi ithulu. Ambeti ye akibò tsünì eno anhethi tsünì puae, eno tiye ayeghiqha kümtsü lo Alhou ghungu tsünì puwu keqo ke.

Kolosiami 2:9

Kughengu Alhou lhoaye kuchopu kupukülai shi Khristo phimpi lo anike,

John 4:21

Jisü no khochile, “Totimio, I pülülo, kughengu nongu ye naghuto hipau lo ke kumo no Jerusalem lomu Apù mülámove nikeu do wo chenie.

Piyeküsü 15:3

eno panongu no Alhou qeu Moses le ngò Ambeti le ishi phea: “Ampeu Alhou Akughushuu, O kümlàqo ye kijè eno akichiqhipu ke. Shiyeqo kükau, O laghiqo ye amikucho eno kuchou ke.

Piyeküsü 11:17

ghi ishi pi: “Ampeu Alhou Akughushuu, khuu acheghi eno acheni keno, ningu no shikimthi keu pesü O tsü ani, kughengu nono O küká kijè peluvea eno aye pethuvae.

Piyeküsü 4:8

Aküxü akeu lhoxü lakhi-khi no achishibo tsügho pua eno achishibo qhou kutólo anhethi no küzüpe ae. Putho-pucho panongu no tamo no ishi piae: “ ‘Ampeu Alhou Akughushuu ye akimthe, akimthe, akimthe ke,’ pa ye acheghi, acheni eno ighi niye akeu ke.”

Kolosiami 1:19

Kughengu Alhou ye pa lhoaye kuchopu pesü Khristo lolo ngo nikeu lo amlokiqi shike.

John 10:30

Ni eno I pù ye lakhi ke.”

Piyeküsü 19:15

Pa kichí lono tsüghaminhei keu akihizüta ipeghi ae eno tino shiyeqo kütsave nikeu shi ake. “Ayì no mülà keu akükau küsǘ pesü pa no panongu shou ayè pe nani.” Pa no atsaizü kütsüghǜ-a lono atsaizü tsüghüphe akeshi Akughushu Lhou’w muqhumüza keu loghu tsüghüphe nani.

Piyeküsü 16:14

Tüghaküsa ghungu tipaqo ye amichipu kümlà shi chekeqo ke, eno panongu ye ayeghiqha kümtsü lo kükamiqo lau wu no Alhou Akughushuu tsalà kijè lo aghükishi ghenguno panongu hekütsü niye wuche ke.

MATTHEW 24:2

Jisü no iniju, “Nongu ye hipaqo kümtsü ithulu anima? I no kuchou no nongu vilo pìní, hilehi atu lakhimu lakhi shou bepe ngomove nani, eno atu kümtsü tuleqhive nani.”

Piyeküsü 7:15

Tighenguno, “panongu ye Alhou küká lakhü zülo anie eno putho-pucho pa chineki lo pa huthu acheni; eno khuu no aküka lakhü lo iqa acheni keno pa no panongu gholo ngo no süsho nanie.

Piyeküsü 7:17

Kughengu aküka lakhü mtá lo Ambeti akeu hu no panonguw ambe kheu shi nani; ‘pa no aküxüpu züpukiqo lo panongu sawu nani.’ ‘Eno Alhou no panongu nhethi lono anhezü kümtsü isüve tsü nani.’”

Piyeküsü 14:4

Timi hipaqo ye totimi gholo kitiqemo kemiqo ke, kughengu panongu ye athathe ke. Panongu ye Ambeti no khila wu keno tilau pa papesü wuke. Panongu ye ayeghi lo timiqo dolo no xachileluve kemi, Alhou eno Ambeti lau amsüu shi ikhiphe pe tsüve kemiqo ke.

John 13:32

Tsalá pa vechewo Alhou juküvüpu shive aye, Alhou no pa vechewo Anu jekipipu shitsü nani, eno ghuthukhavi lono pa jekipipu shitsü nani.