Piyeküsü 20:11 - Sümi Tiqhelimi Bible

¹¹ Tile no miyetsüghoi keu küká lakhü kijè lakhi eno tipau shou timi lakhi iqa akeu I no ithulu. Ikelo ayeghi eno kungughaqo no pa lau no pove, eno tipaqo ithulu kithemove.

BAIBEL (BSI)

¹¹ Tileno ino akuka lakhu akuloghi lakhi metsughoikeu eno tipau shou iqa akeu ngo ishi ithulu. Ayeghi ngo kungugha pa zulono yeuveno ithumlave.

Sumi Naga CL (Re-edited) Bible (BSI)

¹¹ Itaghi I no kükalakhü metsüghoike kije lakhi eno tipau lo Khuu iqa akeno ithulu. Atsütsü eno ayeghi ye Pa küa lono hauve no ithumlave.

Piyeküsü 20:11 Referans Kwoze

Piyeküsü 21:1

Tisheno I no “kungugha eno ayeghi kithé lakhi,” ithulu, kughengu kungugha atüghiu eno ayeghi atüghiu ye hauve, eno azüghi ye kühave ke.

2 Peter 3:7

Pulhosü keu tsa atho tipau vechewo itehi atsütsǘ lo akeqo ngò ayeghi ye ami ghenguno ghüpe püani, tiye küghakütha tsalà lo alhou mtha kemi kütsakungo nikeu ghenguno qhipe püani ke.

MATTHEW 25:31

“Kughou Timi nu no pa juküvü lono ighini eno kungumi kümtsü pa gholo ighini keno, pa ye pa juküvü küká lakhü lo iqa nani.

Rommi 2:5

Ikemu nongu no kuthovi keu eno nongu mlo pebidemo keu ghenguno nongu ye Alhou loghu tsalà ghenguno nongu likhi nongu sala aghime pekike auvae, tiye Alhou no pa chipiumikucho küghakütha pephe-piye niye akeu tsalà ke.

MATTHEW 24:35

Atsütsǘ eno ayeghi ye hauve nani, ikemu I tsa ye khilemu hauvemo nani.

Piyeküsü 16:20

Züdoyeghi kümtsü hauve eno naghutoqo kümtsü külaqave.

Piyeküsü 6:14

Liküküzü kaku lakhi liküzü akeshi atsütsǘ hu ye hailove eno naghuto ngò züdoyeghi kümtsü pütüta-a lono iqeve.

Piyeküsü 20:2

Pa no tüghaküsa hu küghaluve no ampe qhethonhe lakhi ghenguno tsüghape qhive. Tüghaküsa tipau ye khaghilow apighike, pa ye tüghami momu Satan ke.

Piyeküsü 12:8

Ikemu tüghaküsa hu ye aghükishi tomove, eno kungugha lono panongu hapheve.

Piyeküsü 4:2

Ghuthukhavi lono ni ye Aghungu no chhitoive, eno kungugha lo timi khami no aküka lakhü lo iqa akeu I zülo ipeghi.

Piyeküsü 19:11

Tile I no kungugha hukikha khaqhipüa keu ithulu eno I zülo khurshi miyetsüghoi keu lakhi ae, tipau küsáu vilo Pükhübekulu eno Kuchou ipi kue. Amikucho pesü pa no küghathabe eno aghüshi ke.

MATTHEW 11:22

Ikemu I no nongu vilo pìní, küghakütha tsalà lo Tyre ngò Sidon nguno alau mishiphu tipau no aghime shi nani.

Piyeküsü 21:5

Aküka lakhü lo iqa akeu hu no ishi pi, “I no thowkha akithé shitsü anie!” Tisheno pa no I vilo hi ghí pi, “Hipau yè lo, kughengu atsa hipaqo ye pükhübekulupu eno kuchou ke.”