Piyeküsü 2:3 - Sümi Tiqhelimi Bible

³ No ye tsükhoi shi no I je ghenguno aghime kutuuluve ke eno no ye akulho shivemo ke.

BAIBEL (BSI)

³ Ino ithianike noye kutuukulu shiani eno ije ghenguno aghime sholuke ikemu noye aghuthi sumphike.

Sumi Naga CL (Re-edited) Bible (BSI)

³ Nono I je ghenguno kutuukulu shi puqhe akeu eno aghime sholu namu azüzüve mphi keu I no ithi ani.

Piyeküsü 2:3 Referans Kwoze

IBRIMI 10:36

Nongu ye tsükhoi shini keu avehupu shi ani, tishianguno kughou nono Alhou pulou shini keno no ye kiu piqhipüa keno tipau ithulu nani.

IBRIMI 12:1

Tighenguno, ningu ye thopimi aqokitikhi hijejehi no ningu sümxa pe anike ghenguno, ningu lakha chekeu thimeqo eno mülalei kitimeve chekeu xinéqo kümtsü ikhipe peveni nolo. Eno ningu pelo pokuxu penike ghenguno amichi shipüa keu gholo tsükhoi shi no poni nolo,

Galatiami 6:9

Ningu ye akivi kümlà shini keu lo aghüthisüve moni nolo, kughengu ningu no aghüthisümo no mülà aye ado achipi lono ghile kivi hulu nani.

Kolosiami 1:11

nongu pelo shishe kutuukulu eno kheakulu shilu penike ghenguno pa juküvüpu kumto vechewo no aküka kümtsü pesü nongu shikumtolu,

John 15:21

I je ghenguno panongu no hitoi nongu pishi-puju nani, kughengu panongu ye khuu no I puwu keno mtha ke.

1 Kor. 13:7

Kikimiye ye alhokuthu süsho cheni, alhokuthu pükhübe cheni, alhokuthu lajupu qhicheni, eno alhokuthu theqhikulu shi khe acheni.

Piyeküsü 3:10

I no kheakulu shilo pi azah tsü keu nono papelu keu ghenguno ayeghi lo xü akemiqo peju nike ayeghiqha kuchopu shou küghathabe niye shi akeu tüqhüdo lau no O peküsüve nani.

IBRIMI 6:15

Ikehu kutuukulu shi khea kethiu, Abraham ye pa lau kiu piqhipüa keno ithulu ke.

IBRIMI 6:12

Ningu ye nongu pelo akipichi shive penishi amoe, ikemu timi khunoqo no aküpülü ngò kutuukulu vechewo piqhipüa keu mheghi ighíluni keno tipaqo toi shipe nishi ani.

IBRIMI 6:10

Alhou ye achipiu kumo shichemo ke; pa ye nongu kümlàqo eno nongu no paw timiqo kuphu keu eno tamo no kuphu akeu vechewo kikimiye pa pìyeve keu khilemu kümsümamo nani.

1 Tim. 4:10

Tighenguno ningu ye mülà acheni eno pükapütsa acheni, kughengu ningu ye xü akeu Lhou shou ninguw lajupu qhivea ke. Pa ye timi kümtsüw Xakuluu ke, eno akhotoshi pülü chekemiqow Xakuluu ke.

2 Thes. 3:13

Athiküzümi eno achelimiqo, nongu ye kiu no akivi keno tipau shini keu khilemu lhove kelo.

2 Kor. 4:16

Tighenguno ningu ye amlo hauve chemoe. Ningu phimpi ye tsümave aya kemu ningu lolo ye tsalà kipetsü akithé shikitheve tsü ani.

2 Kor. 4:1

Tighenguno, Alhou’w kimiyekini vechewo ningu ye pichebekümlà hipau anike ghenguno ningu ye amlo hauve chemoe.

Rommi 12:12

Lajupu akeu lo alovilo, aghime lo kutuu lo, akighini lo amlotsüqhiyi shilo.

Rommi 8:25

Ikemu ningu no ithumla no akeu shou lajupu qhi aye, ningu ye kutuukulu shi tipau ngokhe acheni.

Luke 14:27

Eno khuno no paw kros xapumo no I papeni keno panongu ye I papemi shimlae.

Piyeküsü 1:9

Ni John, nongu thiküzüu eno Jisü kükaphu lo aghime küsaje küqha akeu, kheakulu shi kutuukulu shipe niye Jisü no ningu kulù ketoi ni ye Alhou tsa eno Jisü shepe shikeu ghenguno Patmos züdoyeghi lo I küghape qhive ke.

2 Peter 1:6

eno akighithi gholo alikhi aghasülu keu; eno alikhi aghasülu keu gholo tsükhoi keu; eno tsükhoi keu gholo Alhou sümsa keu;

1 Thes. 1:3

Ningu ye ningu Lhou eno Apù zülo nongu küpülü vechewo akümlà ipeghi keu, kikimiye vechewo nongu kümlà kite keu, eno ningu Mpeu Jisü Khristo lono lajupu akeu no müzüsütsü keu vechewo nongu no kutuukulu shi akeu kümsülu acheni.

2 Kor. 11:23

Panongu ye Khristo qemiqo keshea? (Ni ye küghüzümi lakhi toi ishi piani.) Ni ye panongu nguno aqeu akiviu ke. Ni ye panongu nguno shishe mülà püani, akughuki lo ghuthu kutomo ilo püani, aloqhi I heqhi pe püani, eno ghuthu kutomo thive ke kumlho shipüani.

2 Kor. 5:9

Tighenguno ningu ye ayeghi lo xü aghí na tipau qhive aghí pinamu pa pulou shini keu no ningu kimiji shi cheni.

Rommi 2:7

Khunoqo no tamo no akümlà kivi shikeu lono ajuküvü, agigihu eno khilemu thivemo nikeu phu cheni keno, Alhou no lhokta küxü tsü nani.

Luke 18:1

Tisheno Jisü no akhopemiqo pelo aghüthi sǜvemo püzü tamo no inikhu ape niye aholetsa lakhi pitsüe.

Luke 8:15

Ikemu ayeghi kivi lo apitì vesülu keu ye xüpivi chekemi eno amlo kivimiqo, panongu ye Alhou tsa chilu no ikhilu kemiqo, eno akumto shikeu vechewo athi kutomo pithílu kemiqo ke.

IBRIMI 13:13

Tishiaye, ningu ghí küghüna chekeu nguno khalau pa lau wuni eno pa no jukünatha keu puluve keu küsajeni nolo.

1 Tim. 5:17

Kichimiqo eno akhotoshi akükütsü eno shiküka kümlà shi ache kemi khunoqo no akukuhou kümlapù lo akivishi kichetsü acheni keno panongu ye atha ajume veqabe ghí ithulu küzüpue.

2 Thes. 3:8

momu ningu ye ame tsümo no khiu chuqupumu chupüamo ke. Tishini ke züqhulo, ningu ghenguno nongu khiu makhomu shipemo nike ghenguno ningu ye aghime shi putho-pucho akümlà shi acheke.

2 Thes. 3:5

Ampeu pelo nongu mlo kiche sasü Alhou kikimiye eno Khristo’w tsükhoi keu lo wulu peniu.

1 Thes. 2:9

Athiküzümi eno achelimiqo, ningu no ghichhe-ghime shi mülà keu nongu ye mütsümishei ithi anie; ningu ye Alhou tsakiviu pesü nongu lau pikülha ake ghuloki lo khiumu pünanishimo keu ghenguno ningu ye putho-pucho mülà acheke.

FILIPIAMI 4:3

Iyei, I küsàmi kuchouqo, ni ye nongu vilo totimi hipaqo kuphulo ipi qhüiniju ani kughengu panongu ye Clement gholo eno I gholo mülà küqha chekemi kümtsü gholo küqha püzü atsakiviu ghenguno I gholo kutubo no mülà ache kemiqo ke, eno panongu je ye aküxüpu kaku lo anie.

FILIPIAMI 2:16

Tiye nongu no ithamo no aküxüpu tsa pelu keu lono shilu nani ke. Tishilu keu vechewo ni ye adou lono pokive püamo momu mülà pe püamo kepi Khristo tsalà lo agijivileilu nani.

Galatiami 6:2

Lakhi no lakhi makho putsü kilé lo, eno tishi keu lono nongu ye Khristo yeza shikupulu nani.

2 Kor. 10:15

Momu ningu ye kütamiqo no mülave keu lo ninguw kihikütha vecheve ghi aqheküza shichemoe. Ninguw lakuju ye nongu küpülü thuwu akeu lo ningu kümlà alau shi nongu gholo pekholuni keu ke,

2 Kor. 6:5

Ni heqhi püani, akughu shipüani eno mtomushu keu sholu püani, aghime shi mülà püani, aküzǘ kihí eno akhüava shipüani.

Rommi 16:12

Tryphena ngò Tryphosa, khuu totimi dolo Ampeu kümlà lo ichhe-ime mülà acheni keno petha tsülo. I no kimiye chekeu aküsàu Persis, totimi kütami khuu Ampeu ghenguno ichhe-ime mülà ache keno petha tsülo.

Luke 21:19

Mtotoi puthugho lo, eno no ye kuchou küxü ithulu nani.

Mark 15:21

Cyrenemi lakhi, Alexander ngò Rufus pama papù, Simon ye tipa qha hokümxa lono ighino tipau hechesü wuche, ikelo ghüshimiqo no anguka lono pa pelo kros xapu pe.

1 Thes. 5:12

Athiküzümi eno achelimiqo, ningu no nongu qhüiniju akeu ye, nongu dolo khunoqo no ighono ime mülà acheni, khunoqo no Ampeu je lono nongu tucho acheni eno khunoqo no nongu shika tsü acheni keno panoqo qhoqhü lo.

1 Kor. 16:16

nongu kümtsü titoi kemi shilo eno khunoqo no akümlà lo kutubo cheni eno ichhe-ime mülà acheni keno tipaqo lau nongu likhi nongu ikhiphe pe tsülo.

Luke 5:5

Simon no khochile, “Ampeu, ningu ye puthotsü ime veju akemu lakhimu vemlae. Ikemu nono pikeu ghenguno I no akhameqo aqhou vesünie.”