Piyeküsü 19:5 - Sümi Tiqhelimi Bible

⁵ Tisheno aküka lakhü lono asütsa lakhi no ishi pi: “Nongu pa qemi kümtsü, nongu pa sümsa chekemiqo, kijemi kitilami kümtsü ningu Lhou sheqhelo!”

BAIBEL (BSI)

⁵ Tileno akuka lakhu lono asutsa lakhi ishipi: “NiLhou sheqhelo! pa qemi kumtsu, timi kumtsu, kijemi kitilami ghi pa sumsa chekemiqo pa sheqhelo!”

Sumi Naga CL (Re-edited) Bible (BSI)

⁵ Eno kükalakhü lono asütsa lakhi no ishi pi, “Nongu Alhou qemi, Pa msaqhiyi chekemi, kijemi kitilami kümtsü no ni Lhou sheqhelo.”

Piyeküsü 19:5 Referans Kwoze

Piyeküsü 7:15

Tighenguno, “panongu ye Alhou küká lakhü zülo anie eno putho-pucho pa chineki lo pa huthu acheni; eno khuu no aküka lakhü lo iqa acheni keno pa no panongu gholo ngo no süsho nanie.

Piyeküsü 20:12

Eno I no kithimi kijemi eno kitilami kümtsü ithulu. Panongu ye aküka lakhü zülo puthugho ae, eno kakuqo lhaphe pesü püae. Kaku kütau lakhi lhaphe, ikelo tiye aküxüpu kaku shiae. Kithimiqo ye kakuqo lo panongu kümlà yekithi pesü qhipepüa keu kiqi lono küghathabeve.

Piyeküsü 16:17

Kungumi akütsüniu no pa bohu pesü amlhü lo lepuku, ikelo achineki lo aküka lakhü lono asütsa kijè lakhi ipeghino ishi pi, “Hiye tavae!”

Piyeküsü 13:16

Ajulho tipau no anguka shi kijemi ngò kitilami, kiními ngò athokhami, kuqhopheve kemi ngò aqüaxemi kümtsü pelo panongu u ajeu momu panongu kishe lo amichipu chishida pe nikeu shie,

Piyeküsü 19:18

tishianguno nongu pelo kükamiqo, ghüshimiqo shou atou eno aghütomiqo, khurshi eno tipau küsámiqo, kuqhopheve kemi eno aqüaxemiqo, kijemi eno kitilami kümtsü shi chu peniye ke.”