Piyeküsü 18:24 - Sümi Tiqhelimi Bible

²⁴ Babylon mishighüna lono tungkupumiqo ngò Alhou’w akimthemi ayeghiqha lo ghiqhive keqo kümtsü jì aghíe.”

BAIBEL (BSI)

²⁴ Babilon shou aghime tsukeuye tungkupumi ngo Akimthemi ji aphughi tipaulo aghikehue; mutsuqheyino ayeghilo timi khijehi pithive keno tipaqo jih aghikehue.

Sumi Naga CL (Re-edited) Bible (BSI)

²⁴ Tungkupmi ngo küpülümi, eno ayeghi lo timi pithive keqo kümtsü ji Babylon lo kighiji püaghi keu phulue.”

Piyeküsü 18:24 Referans Kwoze

Piyeküsü 17:6

Totimi hu ye Alhou’w akimthemi khunoqo no Jisü shepe shiche keno tipaqo jì shomzüpüsü akeu I no ithulu. Kughou I no li ithulu keno, ni ye ighono akümzave.

Piyeküsü 16:6

kughengu panongu no ow akimthemi eno tungkupumiqo jì pele ke, eno panongu no ithulu küzüpu shi akeu toi nono ajì pesü panongu pelo ye penike tsüe.

Piyeküsü 19:2

kughengu paw küghaküthaqo ye kuchou eno achipi ke. Pa no kütüqhalimi ajekipiu khuu li shi-aji ghasükümla vechewo ayeghiqha shikuchubeve keno tipau kiléqhive ke. Pa no li shou pa qemiqo jì peleve keu mükhü luvae.”

Apostolmi 7:52

Nongu pù-asüqo no pishi-pujumo keu tungkupumi lakhimu akeshea? Panongu ye khunoqo no Amikuchomi Lakhi ighi nani ipi pichho keno tipaqo ghí heqhipithíve ke. Eno itehi ye nongu no pa jechuve eno ghiqhi pithivae—

Piyeküsü 11:7

Kughou thopimi pama no pama shepe shitave nike no aqokutho lono tüghashi ipeghi keu no pama sasü kichighi nani, eno pama shou theqhive no pìthíve nani.

MATTHEW 23:35

Eno tisheno ayeghi lo amikuchomiqo jì peleve keu, Abel amikuchou ghiqhi keu jì lono wo Berekiah nu Zechariah khuu nongu no Achineki ngò akümlá-khache dolo no ghiqhi pìthíve keno ti kutólo ghenguno nongu shou aghime ikughi nani.

MATTHEW 23:27

“Ayeza kükütsümi eno Phariseemiqou, nongu ghenguno ahaküsapue, nongu kühaküghaqo! Nongu ye alabe kimiye no akumokiqo lo nupuku püakeu toi ke, tiye ashou ighono juvi ikemu alou ye kithimi saghi eno mithemo keu no chhitoi acheni ke.

1 Thes. 2:15

Jewmiqo no Ampeu Jisü ngò tungkupumiqo pìthíve ke eno tisheno ningu ghí hapheve ke. Panongu ye Alhou loshipüsü cheni eno timi kümtsü ghümi shi cheni.