Piyeküsü 17:8 - Sümi Tiqhelimi Bible

⁸ Nono tüghashi khikhi ithulu keno tihu ghuthu lakhi ye xüache, ikemu itehi ye kühavae, tishiaghimu ghuthu lakhi aqokutho lono ipeghi püzü kütsakungove nike wu nani. Ayeghi lhophe ke lono aküxüpu kaku lo ayeghi lo xüküami khunoqo je yèpüaghimo nike no panongu ye tüghashi hu ithulu kelo akümzave nani, kughengu tüghashi hu ye ghuthu lakhi xüache, ikemu itehi ye kühavae, eno tishiaghimu ghuthu lakhi ipeghi nani ke.

BAIBEL (BSI)

⁸ Tughashi nono ithulukeu hu ghuthu lakhiye xu acheke, ikemu itehiye xuamovae; hiye aqohkutho lono ipeghini cheni eno kutsavepe nike wuve nani. Ayeghilo timi xuakemi khunoqo je ayeghiqha huthu mphi lono kuxumi kakulo yepe puaghimo nikeno, panonguno tughashi jupe akichiqhive nani. Kughengu ghuthu lakhilo tiye xuacheke, ikemu itehiye xuamovae eno tipauno ipeghikithe nani.

Sumi Naga CL (Re-edited) Bible (BSI)

⁸ Nono tüghashi ithulu keu ye xüache kemu itehi ye kühavae, eno ti ye akuthoku lono ipeghi no kütsave peni keu lo ani. Ayeghi lo küxümi khunoqo je ayeghi boqha ghomphi lono aküxüpu kaku lo yepüaghi moni keno, tipaqo no akümzaqhiyi tüghashi ju nani, kughengu ti ye xüache kemu itehi ye kühave no itaghi ighi nani kehue.

Piyeküsü 17:8 Referans Kwoze

Piyeküsü 17:11

Tüghashi khuu xüache püzü itehi ye kühavea keno tipau ye akükau akütacheu ke. Tipau ye tsünì dolo lakhi ke eno pa ye kütsakungove niye wucheni ke.

Piyeküsü 11:7

Kughou thopimi pama no pama shepe shitave nike no aqokutho lono tüghashi ipeghi keu no pama sasü kichighi nani, eno pama shou theqhive no pìthíve nani.

Piyeküsü 3:10

I no kheakulu shilo pi azah tsü keu nono papelu keu ghenguno ayeghi lo xü akemiqo peju nike ayeghiqha kuchopu shou küghathabe niye shi akeu tüqhüdo lau no O peküsüve nani.

Piyeküsü 3:5

Khuu no tokuluu keno pa ghí panongu toi aphimini miyetsüghoi keu pepu nani. Ni ye aküxüpu kaku lono timi tipau je khilemu ikhivemo nani, ikemu I pù eno paw kungumiqo zülo no pa je piphe tsü nani.

MATTHEW 25:34

“Tile no Akükau no pa u ajeu iqa akeqo vilo pi nani, ‘Ighilo, nongu I pù no kümghave tsü keqo; O mheghi lu lo, ayeghiqha pulhosü ake ghuloki lono kükaphu O ghenguno kutò pe püakeu ke.

Piyeküsü 20:12

Eno I no kithimi kijemi eno kitilami kümtsü ithulu. Panongu ye aküka lakhü zülo puthugho ae, eno kakuqo lhaphe pesü püae. Kaku kütau lakhi lhaphe, ikelo tiye aküxüpu kaku shiae. Kithimiqo ye kakuqo lo panongu kümlà yekithi pesü qhipepüa keu kiqi lono küghathabeve.

Titus 1:2

lhokta küxü lo lajupu akeu, khikhi mikí chemo keu Lhou no mulho ghuloki lono piqhipüa keno,

Ephesiami 1:4

Kughengu Alhou no ayeghi lhosü mphi züu no ningu pelo pa nhekithe lo akimthe eno tukutiye küha keu küxü xüpe niye pa no Khristo lono ningu kishelu ke. Kikimiye lono

John 17:24

“Apùo, ni ye nono khunoqo pesü I tsü keno panoqo pelo I no khilehi ani keno tile I gholo ape nishi ani eno I juküvü ithulu penishi ani, tiye nono ajuküvü I tsü keu ke, kughengu nono ayeghi pulhosü mphi züu no I kimiye ke.

Piyeküsü 20:15

Khukhumu aküxüpu kaku lo aje yèpüaghimo kemi ye ami yizükucho lo vesüve.

Piyeküsü 20:10

Eno panongu pishiqhive keu tüghami hu ghí tüghashi ngò kichileu tungkupuu pama vesüve no pitiqhi akeu amichu yizükucho lo vesüve. Panongu ye putho-pucho alhokupuju lono alhokupuju kutólo ghimeqhi anani.

Apostolmi 15:18

hiye khaghi no ithi akeu thimeqo ke.

1 Peter 1:20

Pa ye ayeghiqha pulhosü mphi lono kisheluve ke, ikemu nongu ghenguno ashekhau do hipaqo lono pa pephe-piye ke.

Luke 8:31

Ikelo tüghaküsaqo no aqokutho lo panongu halesü tsü kevilo pi anguno-anguno Jisü qhüiniju ae.

Luke 10:20

Tishi namu, aghawuqo no nongu qhoqhü keu lo alovi akevilo, ikemu nongu je atsütsǘ lo yèpüa keu ghenguno alovishe alo.”

Piyeküsü 17:2

Ayeghi lo kükamiqo no li sasü asalha kümlà shike, eno ayeghi lo xüküamiqo ye li no shupu keu ji yepusü shomzüvae.”