Piyeküsü 16:19 - Sümi Tiqhelimi Bible

¹⁹ Ayeghi küghütha no Babylon mishighüna hu ye kokütha küthü shi kijethave tsü, eno ayeghiqha lo mishighünaqo kutomo ikiqive no kubopiniyive. Alhou no Babylon Ajekipiu kümsülu no paw muqhumüzai keu loghukighidew aji pesü ajikhu chhitoi sü no li pelo shope.

BAIBEL (BSI)

¹⁹ Aphughi kije huye aqe kuthushi suphove eno ayeghi kokuthaqo phughiqoye kutsapiniyive. Alhou no Babilon akijeu hu kumsuchilelu eno pa loghu kighide ji li pelo pa jukhu lono shopeke.

Sumi Naga CL (Re-edited) Bible (BSI)

¹⁹ Aphughi akijeu ye amqo küthüshi itave, titoi ayeghiqha lo aphughi kümtsü ikiqi kütsa khave. Tithiu Alhou no Babylon akijeu pelo Pa loghu jukhu lo akeu kümtsü yeve peni keu kümsülu.

Piyeküsü 16:19 Referans Kwoze

Piyeküsü 18:5

kughengu atsütsǘ kutólo li xinéqo kisheqhe puku pesü ngovae, eno Alhou ye li no ayeza hexave keqo kümsü pesü anie.

Piyeküsü 18:10

Li ghimeqhi akeu jupe akichiqhive no panongu ye putou puthugho no hitoi qa nani: “ ‘Ahasapue! Mishighüna ajekipiu, O Babylon mishiphughi akughushuu! O ghenguno ahasapue! Ayì kihedo lakhi dolo no O ghenguno kishekha tsalà ighivae!’

Piyeküsü 17:18

Nono totimi ithulu keu hu ye ayeghi lo kükamiqo shou ayè pe achekeu mishighüna ajekipiu ke.”

Piyeküsü 18:21

Tile no kungumi kumto lakhi no athi kütsüghǜ tuqu qhemi atu kijè lakhi ikhipesü azüghi lo vesüve, eno ishi pi: “Mishighüna ajekipiu Babylon ye khilemu ithulu kithe müla kepu shi hitoi muqhumüzai vepiqive nani.

Piyeküsü 18:2

Asütsa kuloghi lakhi lono pa no ishi igha: “ ‘Babylon ajekipiu ye ikiqivae! Ikiqivae!’ Li ye tüghamiqo ghenguno akùngó-a lakhi shivae eno mithekumo ghungu kümtsü, mithekumo ghau kümtsü, mithekumo eno junishimo keu lhoxü kümtsü küghütshü-a lakhi shivae.

Piyeküsü 17:5

Li kishe lo aje yèpüa keu hu ye tuqhou lakhi ke: Babylon ajekipiu kütüqhamiqo eno ayeghi lo aphikümqhüpu kümtsü pazá.

Piyeküsü 11:8

Pama sükumo ye mishighüna kuloghi lo mìshí kumqo chekeu-a lo qhi nani. Mishighüna ajekipiu hu ye aholetsau no Sodom eno Egypt ipi ku cheni. A-a hipau lono pama Mpeu ghí yedapithive ke.

Piyeküsü 17:1

Kungumi tsünì dolo abohu tsünì pe akeu no ighino I vilo ishi pi, “Ighilo, kütüqhaliu ajekipiu khuu azüghi kutomo phivilo iqa acheni keno li ghimeqhi niye akeu I no O pìye nike.