Piyeküsü 14:4 - Sümi Tiqhelimi Bible

⁴ Timi hipaqo ye totimi gholo kitiqemo kemiqo ke, kughengu panongu ye athathe ke. Panongu ye Ambeti no khila wu keno tilau pa papesü wuke. Panongu ye ayeghi lo timiqo dolo no xachileluve kemi, Alhou eno Ambeti lau amsüu shi ikhiphe pe tsüve kemiqo ke.

BAIBEL (BSI)

⁴ Timi hipaqoye totimi pelo pano kuxu shipusapemoe, kughengu panonguye akimthe shi acheke. Panongu ye Bheritino khilau wuni keno tipau papeche; xachile luve kemi timi hipaqo gholono amsumi shighi Alhou lau eno Bheriti lau pesu tsuvekemiqoke.

Sumi Naga CL (Re-edited) Bible (BSI)

⁴ Timi hipaqo ye totimi sasü kikivi püamo kemi, kughengu panongu ye athathe aphie. Ambeti no khile khile wumu papeche keqo ye hipaqo ke. Hipaqo ye timi kümtsü gholono Alhou eno Ambeti lau amsüu xathi shi xachile luve keqoe,

Piyeküsü 14:4 Referans Kwoze

Piyeküsü 3:4

Ikemu no ye Sardis lo timi hami kitiqemo kemi aphie. Panongu ye aphimini miyetsüghoi keu pepusü I gholo alà che nani kughengu panongu ye tishi küzü ke.

2 Kor. 11:2

Ni ye Alhou lau no ighi keu nhekushu pesü nongu ju anheshu anie. Ni ye nongu pesü Khristo lau akimthe athathe lakhi toi tsü nike ghenguno Khristo pelo nongu kimi lakhi toi shipe nike I no pikiqhi shike.

James 1:18

Pa no kuchou tsa vechewo ningu punukithelu peniye kishelu ke, tishianguno ningu pelo pa no lhosü keu jeli kümtsüw amsüu xathiqo shilu peniye ke.

Piyeküsü 5:9

Eno panongu no ishi ale kithé lakhi phe: “No ye liküküzü kaku ikhilu küzüpu ke eno tipau mekhapüa keu khaqhi küzüpu ke. kughengu no ye ghiqhive ke, eno shiaye jeli, atsa jeli piche kemi, timi amqo eno shiye jeli pelo Alhou’w timi shilu penike ghenguno O jì pesü qhüluve ke.

John 12:26

I qe chekemi ye I pape moayesa; eno I no khile ani keno, I qemi ghí tile anani. I qe chekemiqo ye I pù no gihu nani.

John 10:27

iw ambeqo no I sütsa ini cheni; I no panongu ithi ani, eno panongu no I pape cheni.

Piyeküsü 17:14

Panongu no Ambeti sasü aghüshi nani, ikemu Ambeti no panongu shou toluve nani kughengu Ambeti ye ampeuqo shou Ampeu eno kükamiqo shou Akükau ke, eno pa gholo pa no kulùve kemi, kisheluve kemi eno pükhübekulumi pa pape chekemiqo anani ke.”

1 Kor. 6:20

Alhou no ame no nongu qhüluvae. Tishiaye nongu phimpi pesü Alhou juküvüpu shitsülo.

John 8:12

Jisü no itaghi timiqo pütsa ghi ishi pi, “Ni ye ayeghilomi küvü ke. Khukhumu I pape kemi ye khilemu àküzǘ lo chechemo nani, ikemu aküvü küxü lo cheche nani.”

1 Peter 2:9

Ikemu nongu ye kisheluve kemi timiqo, akükau chine kümlamì, akimthe shiye eno Alhou’w paküta keu mheghiqo ke, tishi keu vechewo nongu pelo khuu no paw akichiqhipu küvü lo süghi niye àküzǘ lono nongu kuphelu keno pa sheqhe ghi asheshu peniye ke.

Ephesiami 1:14

hu ye ningu mheghi ithulu nani pütsá ipikeu kimchikütsüu ke. Tiye khunoqo no Alhou’w timiqo keno tipaqo xachilelu moke kutólo ke. Ningu pa juküvü sheqheni nolo.

1 Kor. 16:15

Nongu no ithi anike, Stephanas kibolomiqo ye Achaia lo küpülümi shitüghimiqo ke, eno panongu ye Ampeu’w timiqo kümlapù lo panongu likhi panongu ikhiphe pe tsüve ke. Athiküzümi eno achelimiqo, I no nongu qhüiniju akeu ye

Apostolmi 20:28

Nongu likhi nongu jukuto lo eno Aghungu Kimthe no nongu pelo jukükütsüu shipe nike qhipüa kemiqo kümtsü jukuto lo. Alhou’w akukuhou khemiqo shilo, tiye pa likhi pa jì no qhüpe püani ke.

John 13:37

Peter no iniju, “Ampeu, ni ye kushiye itehi O pape müla nani kea? I no O ghenguno I küxü tsünie.”

MATTHEW 25:1

“Tipau ghuloki lo kungugha kükaphu ye ilimi chighí no panonguw akulu pesü külapuu sholu niye wu keu toi ke.

MATTHEW 8:19

Tipathiu ayeza kükütsümi lakhi no Jisü lau ighino pi, “Akükütsüu, nono khila wuni keno ni ghí O papesü wunie.”

1 Tim. 4:3

Panongu ye timi no külakupu shini keu lakha cheni eno achuqu hami khikhi küpülümi eno kuchou ithi akemiqo pelo shikimthi tsü ghi peitha peniye Alhou no lhosü keno tipaqo chupemo niye panongu lau azah tsü cheni.

1 Kor. 7:28

Ikemu nono akibo shi aye, no ye axiné shi anike kumoe; eno totimi külaumo no akemi lakhi no külau aye, li ye axiné shi anike kumoe. Ikemu khunoqo no külave keno panongu ye hipau küxü lo aküpüna kutomo sholu nani, eno ni ye hipau lono nongu pükhalu nishi ani.

MATTHEW 19:12

Kughengu shoko shi ghi punú kemi acheni, eno khami ye timi no shoko kughulhove tsü kemi acheni, eno khami ye kungugha kükaphu ghenguno shoko küxü ghola kisheluve no xü keu acheni. Khunoqo no hipau ikhikulupu keno ikhilu moayesae.”

Ephesiami 5:27

eno axiné küha no momu idivemo momu kütau tukutiye kiumu küha no akimthe eno jekujeli küha no li pesü pa likhi pa lau jukighilepu kukuhou lakhi shitsü niye ke.

IBRIMI 12:23

nongu ye amsüu khunoqo je kungugha lo yèpe qhivea keno tipaqo kukuho lo ighi ani. Nongu ye kümtsü shou küghaküthau, amikuchomiqo pelo kupukülailu pe chekeu aghungu eno Alhou lau ighivae,

Piyeküsü 21:22

Ni ye Akimthe Mishighüna lo achineki lakhimu ithumlae, kughengu Ampeu Alhou Akughushuu ngò Ambeti pama no Akimthe Mishighüna chineki ke.

Piyeküsü 21:23

Akimthe Mishighüna shou yepüvü nikeu ghenguno khetsünhe momu aqhi avehupu shimoe, kughengu Alhou juküvü no tipau yepüvü tsü cheni eno Ambeti hu no tipau kulu ke.