Piyeküsü 13:6 - Sümi Tiqhelimi Bible

⁶ Tüghashi no Alhou pipütha, pa je ngò pa no ngo chekeu-a ngò kungugha lo xü akemiqo pipüsa niye pa kichí xukhoe.

BAIBEL (BSI)

⁶ Tipauno Alhou je eno pano achekeu-a eno kungughalo kuamiqo shou thaighakeu tsa pini keu shive.

Sumi Naga CL (Re-edited) Bible (BSI)

⁶ Tüghashi no Alhou lau küthakügha tsa piniye akichi xükho, eno Alhou je, Pa kungo-a, eno khunoqo tile acheni keno, tipaqo kümtsü thaigha thuve.

Piyeküsü 13:6 Referans Kwoze

Piyeküsü 12:12

Tighenguno kungugha eno nongu tile akemiqo alovishelo! Ikemu ayeghi eno azüghi ghengu ye ahasapue, kughengu tüghami hu ye nongu lau iqivae! Pa ye amlokighide no chhitoi ani kughengu pa do ye ikhonhei likhiva kepi pa no ithi anike.”

IBRIMI 9:24

Kughengu Khristo ye timi u no kuchou kishishi mülà keu akimthe-a lo ilomo ke; pa ye ningu ghenguno Alhou gizülo ipeghi niye kungugha ampiu lo ilo ke.

MATTHEW 15:19

Kughengu amlo lono alhoküsa kükümsüqo—ghikiqhi, shupu keu, kipito xüküpsa, aküpüka, kichileu shepe eno pipütha keu ipeghi cheni.

MATTHEW 12:34

Nongu pighizü tiqo, kíshi püzü nongu küsaküghami no kiu akivi tsa pìní kea? Kughengu amlo lo kiu pekütsüpüani keno akichi lono piphe cheni.

Piyeküsü 21:3

Eno aküka lakhü lono asütsa kijè lakhi no ishi pikeu I no chilu, “Julo! Itehi ye Alhou no ngo chekeu-a ye timi gholo auvae, eno pa ye timiqo gholo xüacheuve nani. Panongu ye paw timi shive nani, eno Alhou ampi no panongu gholo anani eno panongu Lhou shive nani.

Piyeküsü 18:20

“Nongu kungugha lo akemiqo, li kütsave keu lo alovishelo! Nongu Alhou’w timiqo, alovishelo! Apostolmi ngò tungkupumiqo, alovishelo! Kughengu li no nongu shou küghathabe keu pesü Alhou no li shou küghathabevae.”

Piyeküsü 11:12

Tisheno kungugha lono asütsa kuloghi lakhi no pama vilo ishi pikeu pama no chilu, “Hila ikughilo.” Eno pama ye khüngküsü lakhi lono kungugha lo ikuve, eno tishi akelo pama ghümiqo ye pama ju ae.

Piyeküsü 7:9

Hipathiu I no ju akelo timi khunomu kihikha müla kepu shi I gizülo timi kutomo ae. Tiye shiye, ashiaye, aju kütüta eno atsa kütüta piche kemi kümtsü no aküka lakhü zülo eno Ambeti zülo puthugho ae. Panongu ye miyetsüghoi keu chijeboboi-phi pepu ae eno panongu u lo amsabo loka pesü ngo ae.

Piyeküsü 5:13

Tisheno kungugha lo eno ayeghi shou eno ayeghi qhou eno azüghi lo, eno tipaqo lo lhoxü akeqo kümtsü no ishi pikeu I no chilu: “Aküka lakhü lo iqa akeu eno Ambeti lau akishé, agigihu, ajuküvü eno aküka alhokupuju lono alhokupuju kutólo ache pelo!”

Piyeküsü 4:4

Aküka lakhü mukubidi kütau no aküka lakhü hu sühope ae, eno tilehi sakiphemi muchomi mukubidi no iqa ae. Panongu ye miyetsüghoi keu phimini pepua eno panongu kütsü lo ameshoyi no mülà keu aküka kütsükuqho ae.

Piyeküsü 4:1

Hipathiu I no ju kelo kungunhetsü kütau lakhi ithulu, ike tiye kungugha lo ahukikha lakhi khaqhi pesü I zülo akeu ithulu. Eno atüghi lo asütsa lakhi no afuko ghügha toi I pütsa keu I no chilu keu hu no ishi pi, “Hilau ikughilo eno hipathiu kiu shi moayesa nani keno I no O pìyenie.”

IBRIMI 9:2

Puloshoqhi-chebo lakhi shiqhepuku ke. Tipau chebo atüghiu lo akulu ghopeqhi keu ngò akibepu eno tipau gholo kishekimtheve keu sho ngò ishi ae; hipau ye Akimthe-a ipi ku cheke.

Rommi 3:13

“Panongu kughoki ye akumoki lhaphe pepüa keqo toi ke; panongu mili no pishikiqhi tsa pi cheni.” “Apighi tüghü no panongu milibo lo ani.”

Kolosiami 2:9

Kughengu Alhou lhoaye kuchopu kupukülai shi Khristo phimpi lo anike,

Kolosiami 1:19

Kughengu Alhou ye pa lhoaye kuchopu pesü Khristo lolo ngo nikeu lo amlokiqi shike.

John 1:14

Atsa hu no ashi shive eno ningu gholo xüke. Ningu no pa juküvü ithuluvae, ajuküvü tiye Anu lakhi likhi akeu ke, Anu ye küpükini ngò kuchou no chhitoi shi püzü Apù lau no ighike.

Piyeküsü 7:15

Tighenguno, “panongu ye Alhou küká lakhü zülo anie eno putho-pucho pa chineki lo pa huthu acheni; eno khuu no aküka lakhü lo iqa acheni keno pa no panongu gholo ngo no süsho nanie.

Piyeküsü 15:5

Hipathiu I no ju akelo kungugha lo achineki akeu hu ithulu eno tiye khaqhipüa ke—tiye tushokiqhi yezaw puloshoqhi-chebo hu ke.