Piyeküsü 13:10 - Sümi Tiqhelimi Bible

¹⁰ “Khunoqo akughu shiwuve kepu shi akeno, panongu ye akughu shiwuve nani. Akihizüta pesü khunoqo ghiqhive kepu shi akeno, akihizüta pesü panongu ghiqhive nani.” Hiye Alhou’w timiqo pelo kheakulu shi kutuulu eno amikucho shipe niye ghutú akeu ke.

BAIBEL (BSI)

¹⁰ Khuno kughaluvepe kepushi akeno mutsuqheyino kughaluve nani; azutano khuno ghiqhive kepu shi akeno mutsuqheyino ghiqhive nani. Hiye Alhou wu timiqo ghenguno kutuulu eno akupulu shiape nikepu ghulokike.

Sumi Naga CL (Re-edited) Bible (BSI)

¹⁰ Khuana küghaluve penike kughuve aghi aye, pa ye akughu lo wuve cheni; khuana azütakikihi no ghiqhive penike kughuve aghi aye, azütakikihi no pa ghiqhive masae. Hi ye küpülümi pelo kutuokutuu eno aküpülü apeniye ku anie.

Piyeküsü 13:10 Referans Kwoze

Piyeküsü 14:12

Hiye Alhou’w timi khunoqo no Alhou zakütsü pape cheni eno Jisü lau amikucho shi cheni keno panongu sheamzü lo kheakulu shi kutuulu peniye piakeu lakhi ke.

Piyeküsü 3:10

I no kheakulu shilo pi azah tsü keu nono papelu keu ghenguno ayeghi lo xü akemiqo peju nike ayeghiqha kuchopu shou küghathabe niye shi akeu tüqhüdo lau no O peküsüve nani.

Luke 21:19

Mtotoi puthugho lo, eno no ye kuchou küxü ithulu nani.

IBRIMI 6:12

Ningu ye nongu pelo akipichi shive penishi amoe, ikemu timi khunoqo no aküpülü ngò kutuukulu vechewo piqhipüa keu mheghi ighíluni keno tipaqo toi shipe nishi ani.

Piyeküsü 2:2

I no O kümlàqo, nono ime mülà akeu eno nono tsükhoi shi akeu ithi ani. No ye küsaküghamiqo lau küsüqhilu chemo keu I no ithi ani eno nono apostolmi kumomu apostolmi kepi pükha chekemiqo peju no panongu ye kichileu kepi phupheluve keu ghí I no ithi ani.

MATTHEW 26:52

Jisü no pa vilo pi, “O kihizüta abo lo ikhichile sǘvelo, kughengu khuno no akihizüta peitha acheni keno pano ye akihizüta lono thi nani ke.

Piyeküsü 16:6

kughengu panongu no ow akimthemi eno tungkupumiqo jì pele ke, eno panongu no ithulu küzüpu shi akeu toi nono ajì pesü panongu pelo ye penike tsüe.

Piyeküsü 1:9

Ni John, nongu thiküzüu eno Jisü kükaphu lo aghime küsaje küqha akeu, kheakulu shi kutuukulu shipe niye Jisü no ningu kulù ketoi ni ye Alhou tsa eno Jisü shepe shikeu ghenguno Patmos züdoyeghi lo I küghape qhive ke.

Piyeküsü 3:3

Tighenguno, nono kiu ithulu eno chilu keno kümsülulo; tipau mutotoi tsüqülulo, eno xaidelo. Ikemu nono ithumo aye, I no küpkami lakhi toi ighi nani, eno I no kiu dolo no O lau ighi nani keno no ye mtha nani.

Piyeküsü 2:19

Nono shikeqo, ow kikimiye ngò aküpülü, O kümlàqo eno nono tsükhoi shikeu eno nono atüghi lo mülà keu nguno alau itehi mülà akeu I no ithi ani.

Kolosiami 1:11

nongu pelo shishe kutuukulu eno kheakulu shilu penike ghenguno pa juküvüpu kumto vechewo no aküka kümtsü pesü nongu shikumtolu,

MATTHEW 7:2

Kughengu nono kütami shou küghathabe keu qhemi O shou küghathabe nani. Nono kütami shou kiu qhemi mighibeni keno titoi Alhou no tipau qhemi O shou mighibe nani ke.

Piyeküsü 11:18

Shiyeqo ye amloide ake, ikemu O loghukighide hu ye ighivae. Kithimi shou küghathabe nikeu eno pa qemi ngò tungkupumiqo kijè lono kitila kutólo eno ow timi O je gihu chekemiqo qesaxu tsüní keu eno khunoqo no ayeghi kütsave keno tipaqo kütsave nikeu do ighivae.”

Piyeküsü 17:8

Nono tüghashi khikhi ithulu keno tihu ghuthu lakhi ye xüache, ikemu itehi ye kühavae, tishiaghimu ghuthu lakhi aqokutho lono ipeghi püzü kütsakungove nike wu nani. Ayeghi lhophe ke lono aküxüpu kaku lo ayeghi lo xüküami khunoqo je yèpüaghimo nike no panongu ye tüghashi hu ithulu kelo akümzave nani, kughengu tüghashi hu ye ghuthu lakhi xüache, ikemu itehi ye kühavae, eno tishiaghimu ghuthu lakhi ipeghi nani ke.

Piyeküsü 17:11

Tüghashi khuu xüache püzü itehi ye kühavea keno tipau ye akükau akütacheu ke. Tipau ye tsünì dolo lakhi ke eno pa ye kütsakungove niye wucheni ke.