Piyeküsü 1:2 - Sümi Tiqhelimi Bible

² John ye pa no ithulu keu thowkha kümtsü ashepe shi cheni. Tiye Alhou tsa eno Jisü Khristo shepe ke.

BAIBEL (BSI)

² Johan no pano ithulukeu kumtsu pesu Alhou tsa eno Jisu Khristo no kuchou piyekeulo ashepe shiani.

Sumi Naga CL (Re-edited) Bible (BSI)

² ikehu John no Alhou tsape eno Jisü Khristo shepekishi ithulu keu kümtsü pesü ashepe shitsü ani.

Piyeküsü 1:2 Referans Kwoze

1 Kor. 1:6

Hipau vechewo Alhou no ningu pelo nongu gholo Khristo’w thopi shi akeu shikumto tsü ani.

Piyeküsü 12:17

Tipathiu tüghaküsa ye totimi hu ju pesü aghaideve no li nuli-kughukomi khijehi ani keno tipaqo sasü aghüshi niye wuve. Li po lo kughukomiqo ye Alhou zakütsü pape chekemi eno akumto shi Jisü shepe shi chekemiqo ke.

1 John 1:1

Inahuu abothu lono aküxüpu Tsa khikhi acheghi, ningu no chiluvea, ningu nhethi no ithuluvea, ningu no jupukulu eno khikhi ningu u no buluvea keno hipau vehu lo ningu no asheshu ani.

John 21:24

Thime hipaqo thopi shi eno yèpeqhi keu ye akhopeu hipau ke. Paw thopi ye kuchou kepi ningu no ithi anie.

John 19:35

Tipau ithulu keu timi hu no ashepe tsü, eno pa shepe ye kuchou ke. Pa ye kuchou tsa piani kepi ithi ake, eno nongu ghí pülülu peniye pa no ashepe shike.

Piyeküsü 1:19

“Tighenguno nono kiu ithuluvea, itehi kiu shi ani eno kutou kiu shi nani keno tipaqo yè lo.

Piyeküsü 1:9

Ni John, nongu thiküzüu eno Jisü kükaphu lo aghime küsaje küqha akeu, kheakulu shi kutuukulu shipe niye Jisü no ningu kulù ketoi ni ye Alhou tsa eno Jisü shepe shikeu ghenguno Patmos züdoyeghi lo I küghape qhive ke.

Apostolmi 26:16

‘Itehi ithulo eno puthughove lo. I no O gizülo ipeghi akeu ye O pelo I qeu shipe niye eno nono ni ithuluve keu eno ithulu niye kutò akeu thopi shipe nike O süküsü shi niye ke.

John 12:17

Kughou pa no akumo lo Lazarus ku eno akithí lono pa xüputhu keno tile aqokitikhi pa gholo akemiqo no tipau tsa pesü veküpha auve.

Piyeküsü 6:9

Kughou Ambeti no mekhapüa keu apunguu khaqhi keno akümlá-khache qhou Alhou tsa pesü asheshu chekemiqo eno amikucho shi ashepe shikeu ghenguno ghiqhive kemiqo ngulho akeu I no ithulu.

1 John 4:14

Eno ningu no ithulu eno thopi shi achekeu ye Apù no pa Nu pelo ayeghiqha Xakuluu shipe niye puwu ke.

1 Kor. 2:1

Athiküzümi eno achelimiqo, kughou I no nongu lau ighi keno ni ye atsapikithi momu timi lokütsü lono Alhou’w tuqhou ghili pesü asheshu ighimoe.

Apostolmi 4:20

Ningu ghengu ye ningu no kiu ithulu eno chilu keno tipau ghili pimo keu shimlae.”

John 3:11

Kuchou no I no O vilo pìní, ningu ye nino ithi akeu pi cheni, eno ningu ye kiu ithulu keno tipau thopi shi cheni, ike tishi keghi nongu timiqo ye ningu shepe ikhilu chemoe.

John 1:32

Tisheno John no ashepe hipau tsü: “Kungugha lono Aghungu hu no miqhedu lakhi toi iqighi no pa shou ngo akeu I no ithulue.

Piyeküsü 12:11

Panongu no pa shou toluvae tiye Ambeti jì vechewo eno panongu no kuchou shepe tsa pikeu vechewo no ke; panongu ye ighono panongu küxü kimiyemo ke eno panongu ye thive nikeu kutólo msàmo ke.

3 John 1:12

Kümtsü no Demetruis ghili kivi pi acheni—eno kuchou hu ghí pa ye akivi ke ipi cheni. Ningu ghí pa ghili akivishi pi cheni, eno ninguw thopi ye kuchou kepi nono ithi ani.

Apostolmi 22:15

Nono ithulu eno chilu keu pesü no timi kümtsü lau paw thopi shitsü nani.

Piyeküsü 1:11

eno asütsa tipau no ishi pi: “Nono kiu ithulu keno liküküzü kaku lakhi lo yèpuku no akukuhou tsünì hipaqo lau tsüpuwu lo: Ephesus, Smyrna, Pergamum, Thyatira, Sardis, Philadelphia eno Laodicea.”

Piyeküsü 20:4

I no aküka lakhüqo ithulu eno tipaqo lo küghathabe penike kükagha tsüve kemiqo no iqa ae. Eno Jisü ghili pesü ashepe shi eno Alhou tsa pesü asheshu keu ghenguno akütsü lovetsü kemiqo ghungu I no ithulue. Panongu ye tüghashi momu tipau julho mülámoe eno panongu ye panongu kishe momu panongu u lo tüghashi michi xapumoe. Panongu ye xüchilethuve no Khristo gholo ampe qhethonhe lakhi ayè pe ke.

Piyeküsü 22:21

Ampeu Jisü’w küpükini Alhou’w timiqo kümtsü gholo apeniu. Amen.