Piyeküsü 1:11 - Sümi Tiqhelimi Bible

¹¹ eno asütsa tipau no ishi pi: “Nono kiu ithulu keno liküküzü kaku lakhi lo yèpuku no akukuhou tsünì hipaqo lau tsüpuwu lo: Ephesus, Smyrna, Pergamum, Thyatira, Sardis, Philadelphia eno Laodicea.”

BAIBEL (BSI)

¹¹ “Nono kiu ithulu keno kaku lakhilo yepukulo eno akukuhou tsuni lau tipau tsupuwulo: Efesia, Smurna, Pergamos, Thuatira, Sardia, Filadelfia eno Laodikia kukuhouqo lau tsupuwulo.”

Sumi Naga CL (Re-edited) Bible (BSI)

¹¹ “Nono kiu ithulu keno kaku lo yesülo eno akukuhou tsüni, Ephesus, Smyrna, Pergamum, Thyatira, Sardis, Philadelphia, eno Laodicea lau tsüpuwu lo.”

Piyeküsü 1:11 Referans Kwoze

Piyeküsü 3:1

“Sardis lo akukuhouw kungumi lau yèlu ani: Atsa hipaqo Alhou’w aghungu tsünì eno ayepu tsünì pesü akeu tsa ke. I no O kümlà ithi anie; no ye xü akeu ghenguno ajekipi shi ani, ikemu no ye thivae.

Piyeküsü 1:4

John no, Asia bocho lo akukuhou tsünì lau yèlu ani: Alhou khuu acheghi, acheni, eno ighi niye ani, eno pa küká lakhü zülo aghungu tsünì akeqo eno Jisü Khristo, pükhübekulu thopiu, akithí lono atüghishi xülethughi keu eno ayeghi lo kükamiqo shou ayekipeu keno, pama lau no ighi keu küpükini eno aloino keu nongu gholo apeniu. Khuu ningu kimiye cheni eno pa jì vechewo axiné lono ningu kuqhophevea

Piyeküsü 3:14

“Laodicea lo akukuhouw kungumi lau yè ani: Atsa hipaqo ye Amen’w ke, pükhübekulu eno thopi kuchou, Alhou no lhoqhipüa keu shou ayekipeu tsa ke.

Piyeküsü 3:7

“Philadelphia lo akukuhouw kungumi lau yè ani: Atsa hipaqo khuu no akimthe eno kuchou eno David’w khayi pesü ani keno pa tsa ke. Pa no kiu khaqhivea keno khunomu khamlae, eno pa no kiu khavea keno khunomu khaqhi mülae.

Piyeküsü 2:18

“Thyatira lo akukuhouw kungumi lau yèlu ani: Atsa hipaqo ye Alhou Nu tsa ke. Pa nhethi ye vüqalei keu ami toi ke eno pa pukhu ye alazayi piti kütsüghǘ pesü mülapuyi akeu toi ke.

Piyeküsü 2:12

“Pergamum lo akukuhouw kungumi lau yèlu ani: Atsa hipaqo ye tsüghaminhei keu puto-puto kihizüta pesü akeuw ke.

Piyeküsü 2:8

“Smyrna lo akukuhouw kungumi lau yèlu ani: Atsa hipaqo ye khuu no Atüghiu eno Ashekhau, khuu no thive no aküxü shiluve keno tipau tsa ke.

Ephesiami 1:1

Ni Paul, Alhou pulou vechewo Khristo Jisü’w apostolmi lakhi no, Ephesus lo Alhou’w akimthe timiqo, eno Khristo Jisü lono küpülümiqo lau yèlu ani:

Piyeküsü 21:5

Aküka lakhü lo iqa akeu hu no ishi pi, “I no thowkha akithé shitsü anie!” Tisheno pa no I vilo hi ghí pi, “Hipau yè lo, kughengu atsa hipaqo ye pükhübekulupu eno kuchou ke.”

Piyeküsü 19:9

Tipathiu kungumi hu no I vilo ishi pi, “Hipau yè lo: Ambeti wu külakupu ghulhu lo khunoqo kusüni keno tipano kümghae!” Eno pa no I vilo hi ghí pi, “Hipaqo ye Alhou’w kuchou tsaqo ke.”

Piyeküsü 14:13

Tile no kungugha lono asütsa lakhi no ishi pikeu I no chilu, “Hipau yè lo: Hinguno hilau ye khunoqo no Ampeu lono thiveni keno panoqo kümghae.” “Iyei, panongu ye panongu kümlà lono akulhoqhinia ke, kughengu panongu kümlà kivi no panongu pape nani ke,” ipi Aghungu no pi.

Piyeküsü 10:4

Eno kughou tsütsü-küsü tsünì hu no atsa pi keno I no yè niye shia; ikemu kungugha lono asütsa lakhi ishi pikeu I no chilu, “Tsütsü-küsü tsünì no kiu pi keno tipau mekhavelo eno tipau yèpeqhi kevilo.”

Piyeküsü 1:19

“Tighenguno nono kiu ithuluvea, itehi kiu shi ani eno kutou kiu shi nani keno tipaqo yè lo.

Piyeküsü 1:8

“Ni ye Alpha eno Omega ke,” ipi Ampeu Alhou no pi. Eno, “ni ye acheghi, acheni, eno ighi niye shi akeu, ni ye akughushuu ke,” ipi pa no pike.

1 Tim. 1:3

Kughou I no Macedonia lo wu keno I no O vilo qhüiniju ketoi tilau Ephesus lo ngo lo, tishianguno O pelo timi hami vilo kichileu külüqo shika pemove pe nikeu azakütsü tsüpe niye ke

Piyeküsü 1:17

Kughou I no pa ithulu keno ni ye thive kemi toi pa zülo ikiqive. Ikelo pa no pa u ajeu I shou be no ishi pi: “Msà kevilo. Ni ye Abothu eno Ashekha ke.

Piyeküsü 1:2

John ye pa no ithulu keu thowkha kümtsü ashepe shi cheni. Tiye Alhou tsa eno Jisü Khristo shepe ke.

1 Kor. 16:8

Ikemu ni ye Pentecost tsalà kutólo Ephesus lo ngo anani,

1 Kor. 15:32

Timi küxü ghola kiqi lono pìní aye, I no Ephesus lo panongu sasü aghasa lo tüghashiqo sasü kichighi akeshi kichighi keu lo ni ye kiu alá shilu kea? Tsalá kithimiqo xüputhu pe püamo aye, “Ningu chu eno sho aní nolo, kughengu ningu ye thoghiu thiveni ake.”

Apostolmi 20:17

Paul no Miletus lono Ephesus akukuhou lo kichimiqo pelo ighino pa sasü kusholu penike aghinimi puwu.

Apostolmi 18:24

Tishi akelo Alexandria lo xüküami Jewmi lakhi Apollos ipikeu ghí Ephesus lo ighi. Timi hipau ye akighithimi eno Kuchoyesü tsaqütsalei ithi akemi ke.

Apostolmi 16:14

Ningu tsa ini akemi gholo totimi lakhi je ye Lydia, li ye huzüi keu tiphimini lhidi shi chekemi eno Thyatira mishighüna lono ighi kemi ke. Li ye Alhou mülá chekemi. Ike Paul kükütsü tsa lo amlotsüqhiyilu penike Ampeu no li mlo khaqhi tsüe.

Kolosiami 2:1

Ni ye nongu ghenguno eno Laodicea lo akemi ghenguno, eno khunoqo I sasü lüthü shi kusho mülà no aphi keno kümtsü pelo I no kíshi ime ani keno ithi penishi ani.

Piyeküsü 1:20

Nono I u ajeu ayepu tsünì akeu ithulu keu ngò ameshoyi no mülà keu akulu tsünì ghopeqhi püakeuw tuqhou ye hike: Ayepu tsünì ye akukuhou tsünìw kungumiqo ke, eno akulukibepu tsünì ye akukuhou tsünì ke.

Piyeküsü 2:1

“Ephesus lo akukuhouw kungumi lau yèlu ani: Atsa hipaqo ye au ajeu ayepu tsünì pesü akeu eno ameshoyi no mülà keu akulu ghopeqhi püakeqo dolo alà che akeu tsa ke.

Piyeküsü 2:24

Thyatira lo nongu khunoqo no li kükütsü pape chemo eno Satan’w tuqho-tugho mtha aphi keno, I nongu kümtsü vilo hi piani, ‘Ni ye nongu shou amakho kütau kiumu bemo nani,

Piyeküsü 3:4

Ikemu no ye Sardis lo timi hami kitiqemo kemi aphie. Panongu ye aphimini miyetsüghoi keu pepusü I gholo alà che nani kughengu panongu ye tishi küzü ke.

Piyeküsü 22:10

Tisheno pa no I vilo pi, “Liküküzü kaku hipau lo tungkuptsa akeqo mekha kevilo, kughengu ado ye kupunúvae.

Piyeküsü 22:16

“Ni Jisü no ashepe hipau pesü akukuhouqo tsüpe niye iw kungumi nongu lau puwuvea ke. Ni ye David Kuhu-aghü eno pa Nuli-kughukomi ke, eno ni ye yevüqai keu Inaqhe Yepu hu ke.”