Philemon 1:16 - Sümi Tiqhelimi Bible

¹⁶ aqüaxemi lakhi toi kumovea, ikemu aqüaxemi nguno akiviu shi kimiye chekeu athiküzüu lakhi toi shiluvea ke. Ni ye ighono pa avehupu shi ani ikemu I nguno alau nono pa avehupu shi nani, pa ye mülà küqha akemi toi eno Ampeu lono athiküzüu lakhi toi; eno tiye kinikujo ke.

BAIBEL (BSI)

¹⁶ Hinguno hilau paye aqu-axemi likhike kumoe ikemu aquaxemi nguno akiviu ake, paye kimiyechekeu athikuzumi lakhiake. Paye ighenguno tihutoi akhoto shianie! Tishiaye oghenguno paye ayeghi kuxulo eno Ampeu lono kiutoi akhotopu shini chenikela!

Sumi Naga CL (Re-edited) Bible (BSI)

¹⁶ ti ye aqüaxemi gholau no kumoe, ikemu aqüaxemi nguno alau qhuivü keu thiküzüu toilu peniye ke. Pa ye ashi lo eno Ampeu küdau ghi I qhuu ke, ikemu tinguno alauno o qhuu ke.

Philemon 1:16 Referans Kwoze

Kolosiami 3:22

Aqüaxemiqo, nongu mpemiqo pelo alovi penike ghenguno panongu no ju akelo likhi no aghokulu shi kevilo ikemu nongu no Khristo gholu chekeu toi agigihu eno sükümsa gholo amikucho mlo xapusü ayeghi lo nongu mpemiqo sükümsa shilo.

MATTHEW 23:8

“Ikemu nongu ye ‘Rabbi,’ ipi ku kepu kumoe, kughengu nongu ye akükütsüu lakhi likhi ani, eno nongu kümtsü athiküzümi ke.

1 Tim. 6:2

Aqüaxemi khunoqo no pano mpeuqo ghí küpülümi keno, aküpülü lakhi shivea ke ghenguno panongu mpeuqo gihumove kepu kumoe. Tishini ke züqhulo, panongu ye alau akivishi panongu mpemiqo qe moayesae kughengu aqüaxemi mpeuqo ye aküpülü lakhi shive keu vechewo aqüaxemiqo kimiye eno panongu kivipu lo amlo tsü cheni ke. No ye thime hipaqo pesü tamo no kütsü eno shikumto moayesa ke.

1 Kor. 7:22

Kughengu timi khuu no Ampeu küpülü lo kulù kelo aqüaxemi shi ache keno pa ye Ampeu’w kuqhopheve kemi ake; tihutoi, timi khuu no kughou Ampeu no kulù kelo kuqhopheve no akeno pa ye Khristo qüaxemi ake.

IBRIMI 3:1

Tighenguno akimthemi athiküzümi eno achelimi khunoqo no kungugha no ku akeu lo küsaje ani keno, eno Jisü khuu ningu no ninguw apostol eno achinetomiqo shou atou kepi ikhilu cheni keno pa shou nongu kükümsü bepe qhilo.

Apostolmi 9:17

Tipathiu Ananias no wu no aki alou ilo. Pa u pesü Saul shou be püzü ishi pi, “Athiküzüu Saul, Ampeu Jisü, khuu nono hilau wuche kelo alaghi lo O lau ipeghi keno, pa no O pelo ithulu kitheve püzü Aghungu Kimthe no chhitoilu peniye O lau I puwu ani.”

1 John 5:1

Jisü ye Khristo kepi pülü chekemi kümtsü Alhou lau no ighi keu nuliqo ke, eno apù kimiye chekemi kümtsü pa nuliqo ghí kimiye acheni.