MATTHEW 6:33 - Sümi Tiqhelimi Bible

³³ Ikemu Alhou kükaphu eno pa chipiumikucho paghi phululo, eno thime hipaqo kümtsü nongu küphatsü nani ke.

BAIBEL (BSI)

³³ Ikemu Alhou yehkipe eno pa chipiu mikucho paghi nonguno phulo, tishiaye hipaqo kutau kumtsu nongu kupha tsu nani.

Sumi Naga CL (Re-edited) Bible (BSI)

³³ Ikemu atüghüshi Alhou yekipe eno Pa mikucho phulo, eno thime hi kümtsü pesü nongu lau küphatsü nani.

MATTHEW 6:33 Referans Kwoze

Luke 12:31

Ikemu Alhou kükaphu paghi phululo, eno thime hipaqo kümtsü nongu küphatsü nani ke.

MATTHEW 5:6

Achipiumikucho ghenguno müzüthi kemi kümghae, kughengu panoqo ghapiqi tsü nani.

John 6:27

Shipüsave chekeu chuqu ghenguno müla kevilo, ikemu lhokta küxü kutólo ngolu chekeu chuqu ghenguno müla lo, tiye Timi Nu no nongu tsü nani ke. Kughengu Apù Alhou no pa shou pulobe mekhavae.”

Rommi 14:17

Kughengu Alhou kükaphu ye kuchu-kusho vehu kumoe, ikemu tiye achipiumikucho, aloino keu, eno Aghungu Kimthe vechewo alokivi ke.

MATTHEW 19:29

Eno I je ghenguno aki-alu, athiküzümi momu achelimi, apù momu azá, anipu momu anuliqo qhive kemi kümtsü ghuthu aqhe no küghüsü ithulu nani eno lhokta küxü ighílu nani.

Rommi 8:31

“Tishiaye, ningu ye thime hipaqo lo kiu pi kepu ani kea? Alhou no ni küdau ani aye, khuu no ningu lachile kulupu kea?”

1 Tim. 4:8

Kughengu aphimpi qokiphe lo ameküa hami acheni ikemu Alhou lau amlo tsü keu lo thime kümtsü ghenguno ameküapu anie. Kughengu tishi keu hu no itehi xü akeu ngò ighi niye akeu küxü küma ghenguno pikiqhi pesü anike.

2 Kor. 5:21

Khristo ye axiné kühae, ikemu Alhou no pa pesü ningu ghenguno axinemi kughulhove tsüke, tishi keu lono ningu pelo pa gholo küqha pe akeu vechewo Alhou’w achipiumikucho küsajelu peniye ke.

Rommi 1:17

Kughengu atsakiviu lono Alhou chipiumikucho pephe-piyevae. Achipiumikucho tiye atüghi lono ashekha kutólo aküpülü vechewo ke, tiye hitoi yèpüa keu toi ke: “Amikuchomi ye aküpülü vechewo xülu nani.”

FILIPIAMI 3:9

eno pa gholo küqhaluve niye ke. Ayeza papelu keu vechewo I likhi I chipiumikucho shilu keu kumo kemu Khristo shou pülülu keu lono achipiumikucho akeu hu ke—achipiumikucho tiye aküpülü vechewo Alhou lau no ighi cheni.

1 Kor. 1:30

Alhou ghenguno nongu ye Jisü Khristo gholo anike, eno Khristo Jisü vechewo Alhou lau no ighi keu lokütsü ningu tsüke—tiye ninguw achipiumikucho, akimthe eno xachilekulu ke.

MATTHEW 4:17

Tipathiu Jisü no ishi kütsü thuve, “Amlo pebidelo, kughengu kungugha kükaphu ye kupunú ighivae.”

MATTHEW 3:2

eno ishi pi, “Amlo pebidelo kughengu kungugha kükaphu ye kupunú ighivae.”

2 Thes. 1:5

Hipaqo kümtsü vechewo Alhou’w küghakütha ye achipi kepi kimichitsü ani, tishi keu vechewo nongu ye Alhou kükaphu lo ilo küzüpu kepi kihitsü nani, eno tighenguno nongu ye ime anike.

Rommi 10:3

Panongu no Alhou chipiumikucho mtha no pano likhi pano ghola lono achipiu shini keu phu ke ghenguno panongu ye Alhou chipiumikucho lau ikhiphe pesü tsümo ke.

Apostolmi 28:31

Pa no akumto shi Alhou kükaphu ghili pesü asheshu ache eno kiumu lakükha küha no Ampeu Jisü Khristo ghili pesü kütsü ache!

2 Peter 1:11

eno nongu ye ningu Mpeu eno Xakuluu Jisü Khristo’w lhokta kükaphu lo ahukülü shi nongu sasü nani.

2 Peter 1:1

Yesǜ hipau ye Simon Peter, Jisü Khristo qeu eno apostol lakhi no, Khunoqo ningu Lhou eno Xakuluu Jisü Khristo chipiumikucho vechewo ningu toi aküpülü ithuluve no akughupu shi ani keno tipaqo lau yèlu ani:

Luke 1:6

Pama kinikujo Alhou zülo amikucho shi xüche eno Ampeu zakütsü ngò ayeza kümtsü kupukülai shi pape chekemi ke.

1 Kor. 3:22

Paul na Apollos na Peter na ayeghiqha na aküxü na akithí na itehi akeu na ighi nikeu pinamu—thowkha kümtsü nonguw ke,

Apostolmi 20:25

“I no ithi anie, nongu khunoqo gholo I no Alhou kükaphu ghili pesü asheshu ache keno, hinguno hilau ye khilemu I ju ithulu kithe müla nani.

MATTHEW 19:28

Jisü no panongu vilo pi, “Kuchou no I no nongu vilo pìní, thowkha kümtsü akithé shikitheve kelo, eno kughou Timi Nu no pa juküvü küká lakhü lo iqani keno, nongu I pape chekemiqo ghí aküka lakhü chighikini lo iqa no Israelmi lagha chighikini shou xaküthau shi nani.

John 5:4

Panongu ye azü küghütha khea. Kughengu ado-ado lo Ampeu’w kungumi lakhi no iqighi püzü azü xukutho cheke. Eno timi khuu no atüghishi azü küghütha keu lo iloni keno kiu-kiu küsǜ lono sǜ aghimu viluve cheke.