MATTHEW 5:46 - Sümi Tiqhelimi Bible

⁴⁶ Nongu no nongu kimiye chekemi likhi kimiye aye no ye kiu saxu ithulu nani kea? Zame küqhamiqo thotsü tishi cheni ke kumo keshea?

BAIBEL (BSI)

⁴⁶ Nongu kimiyekemi likhi nonguno kimiye aye, kushiye Alhou pelo asaxu otsupe nike huqhe ani kya? Asuqha kuqhami thotsu tipaphi shichemo kesha?

Sumi Naga CL (Re-edited) Bible (BSI)

⁴⁶ Kughengu nongu kimiye kemi likhi nongu no kimiye aye, tile nongu saxü kiu anani kea? Yepekaw zame küqhamiu ghi tishi chenike kumo?

MATTHEW 5:46 Referans Kwoze

MATTHEW 11:19

Timi Nu no ighino chu eno sho kelo ye panongu no, ‘Timi hipau ye minhemüzai eno shokümzümi, zame küqhami ngò axinemiqo küsàmi,’ ipi ke. Ikemu alokütsü ye akümlà lono kimichive tsü cheni.”

Luke 18:13

“Ikemu zame küqhau ye putou puthugho no pa gi atsütsǘ küdaumu jupukumoe, ikemu pa mülà kukhu ghi pi, ‘O Alhou, I kimiye tsülo, ni ye axinemi lakhie.’

Luke 15:1

Ike zame küqhami eno axinemiqo kümtsü Jisü tsa ini nike sühomxa pe ngoa.

MATTHEW 18:17

Tsalá tishive kethiu ghí panongu no O tsa ini tsümo aye, tipau pesü akukuhou vilo pilo; eno panongu no akukuhou tsa ghí initsümove aye, zame küqhami momu Jewkumomi lakhi toi panongu peitha lo.

MATTHEW 6:1

“O chipiumikucho kümlà ithulu peniye timi zülo pephe-piye keu shimo nike kutokupui alo. Tsalá nongu no tishiaye, Apù kungugha lo akeu lau no asaxu ithumla nani.

Luke 19:7

Timi kümtsü no hi ithulu no nhenheshi ishi pithuve, “Timi hipau ye axinemi lakhi ki lo ngo niye wuvae.”

Luke 19:2

Tile timi lakhi pa je Zacchaeus ipikeu ache; pa ye zame küqhami shou atou eno ighono kiními lakhi ke.

MATTHEW 5:47

Eno nongu no nolikhi now timi likhi sasü petha shi aye, nongu ye kütami nguno alau kiu shilu ani kea? Jewkumomiqo ghí tishi shichemo keshea?

Mark 2:15

Jisü no Levi ki lo avela ghulhu chu akelo, pa pape chekemi zame küqhami eno achineye lo amlo tsüchemo kemiqo kutomo pa eno pa khopemiqo gholo chu-sho ae.

Mark 2:16

Kughou ayeza kükütsümi Phariseemiqo no Jisü no achineye lo amlo tsüchemo kemi eno zame küqhamiqo gholo chu-sho akeu ithulu keno, panongu no Jisü khopemiqo vilo ishi iniju: “Kushiye pa ye zame küqhami eno axinemiqo gholo chu-sho ani kea?”

Luke 3:12

Asüqha küqhami ghí baptiz shitsü peniye ighi eno panongu no iniju, “Akükütsüu, ningu ye kiu shikepu kea?”

Luke 5:29

Tithiu Levi no pa ki lo Jisü ghenguno aghulhu kijè lakhi kutò tsü eno tilehi zame küqhami kutomo eno kütamiqo panongu gholo chu-sho ae.

Luke 5:30

Ikemu Phariseemi eno panongu mqo gholo ayeza kükütsümi akemiqo no Jisü khopemiqo lau nhenheshi pi, “Nongu ye kushiye zame küqhami eno axinemiqo gholo chu-sho ani kea?”

Luke 7:29

Timiqo kümtsü eno zame küqhami kutólo kughou Jisü tsa chilu keno panongu no Alhou no shikeu ye achipi ipi ikhilue, kughengu panongu ghí John no baptiz shitsü ke.

Luke 7:34

Timi Nu no ighino chu eno sho kelo nongu no, ‘Timi hipau ye minhemüzai eno shokümzümi eno zame küqhami ngò axinemiqo küsàmi,’ ipi ke.