MATTHEW 5:29 - Sümi Tiqhelimi Bible

²⁹ Tsalá O nhethi ajeu no O müsü sasü axiné shive pe aye, ti chixejo pe pevelo. O phimpi kuchopu pe amiyizü lo vesüve nike züqhulo O phi lo saje lakhi kühave keu pavi ke.

BAIBEL (BSI)

²⁹ Tsala onhethi ajeu akeuno omsu sasu axinelo ilove kepushi aghi aye chixejope pevelo. Kughengu ophi kuchopu aghime tsukeu alo vesuve kepuye ophi a-ulo hami kupumove keumu pavike.

Sumi Naga CL (Re-edited) Bible (BSI)

²⁹ O nhethi ajeu no o pelo axine shipe cheghi aye chixejope pevelo. Kughengu o phimpi kuchopu amiyizü lo ilove kepu ye o philo asaje lakhi pühave keu pavi.

MATTHEW 5:29 Referans Kwoze

Rommi 8:13

Kughengu nongu no timi lhoaye ghola pape ghi xü aye, nongu ye thive nani; ikemu nongu no Aghungu vechewo aphimpi xiné lhoaye pìthíve aye, nongu ye xü nani.

Kolosiami 3:5

Tighenguno, kiu no ayeghi lo lhoaye keno tipaqo pìthívelo; tiye kipito xüküpsa, mithekumo, ghaghu, küsakügha kümlà shinishi keu eno alakimine, kughengu alakimine ye ajulho kümlá ke.

1 Kor. 9:27

Moe, ni ye I phimpi lo chishi puku achenie eno I phimpi pesü I likhi I qüaxe shive achenie, tishianguno ni ye kütamiqo kütsüve püzü I likhi ni ye asaxu ithulu nikeu lono kideqhive keu shimo niye ke.

Rommi 6:6

Kughengu ningu no ithi akeu no ningu küxü aqau ye pa gholo yedaküqhavae, tishianguno axiné no qhasü pe achekeu phimpi hu ye shipühave peniye ke, eno ningu ye axiné qüaxe shipemove niye ke—

Galatiami 5:24

Khunoqo no Khristo Jisü’w shivea keno panongu ye timi lhoaye gholo ashi no minemighei chekeu eno shinishiqhiyi chekeu kümtsü kros lono yedapithivae.

Mark 8:36

Timi lakhi no ayeghiqha kuchopu paw shive aghí namu, pa ngulho xamlave aye kiu alá ani kea?

MATTHEW 19:12

Kughengu shoko shi ghi punú kemi acheni, eno khami ye timi no shoko kughulhove tsü kemi acheni, eno khami ye kungugha kükaphu ghenguno shoko küxü ghola kisheluve no xü keu acheni. Khunoqo no hipau ikhikulupu keno ikhilu moayesae.”

MATTHEW 10:28

Khunoqo aphimpi pìthíve tsülu nani kemu angulho pìthíve tsü müla nani keno tipaqo msà kevilo. Tishini ke züqhu khuu no aphimpi eno angulho kinikujo amiyizü lono kütsave kulupu ani keno Pa msà alo.

MATTHEW 23:15

“Nongu ayeza kükütsümi ngò Phariseemiqo ghenguno ahaküsapue! Nongu kühaküghaqo! Nongu no timi lakhi mlo pebide pe no Jewmi chineye lo sǘ niye azüghi kathasü ayeghiqha kuchopu kicheghüzü shi wucheni, eno kughou tishiluve nike no, nongu no pa pesü nongu toi ghuthu kini qhemi amiyizü lomi lakhi shive pe cheni.

MATTHEW 16:26

Timi lakhi no ayeghiqha kuchopu paw shive aghí namu, pa ngulho xamlave aye kiu alá ani kea? Momu timi lakhi ye pa ngulho theli lo kiu tsüchile kulupu kea?

MATTHEW 5:22

Ikemu I no nongu vilo pìní, khuu no pa thiküzüu momu pa chepu shou amloide nike no pa shou küghathabe nani. Itaghi khuu no pa thiküzüu momu pa chepu ‘thaigha,’ keu tsa pìní keno pa ye atsa küghaki lono khochile moayesa nani. Eno khuu no, ‘O aghüzüù!’ ipi kütami vilo pìní keno pa ye amiyizü kümsapu lo sǘve kepu shi nani.

MATTHEW 23:33

“Nongu apighiqo! Nongu pighizü tiqo! Amiyizü lo kiléqhi sǘve keu lono nongu ye kíshi pokajolu nani kea?

Luke 12:5

Ikemu khuu msà kepu keno I no nongu pìyeni: Khuu nongu phimpi pìthíve kethiu ghí amiyizü lo vesüve kulupu kükagha ani keno pa msà lo. Iyei, I no nongu vilo piani, pa msà lo.

MATTHEW 5:30

Eno O u ajeu no O müsü sasü axiné shive pe aye, ti ghitha pe pevelo. O phimpi kuchopu pesü amiyizü lo ilove nike züqhulo O phi lo saje lakhi kühave keu pavi ke.

MATTHEW 11:6

Khukhumu I ju pesü lipimo kemi kümghae.”

MATTHEW 17:27

“Ikemu panongu shikulosümo nike ghenguno, ayizükucho lo wulo eno akha kümsüpú yì lakhi vesülo. Akha atüghiu küghalu keu tipau kichí sükhoju aye tile ghükayi bidí aghí nani ke. Tipau ikhilulo eno I ghenguno ngò nongu ghenguno zame panoqo tsüvelo.”