MATTHEW 27:4 - Sümi Tiqhelimi Bible

⁴ Pa no pi, “Ni ye axiné shivae, kughengu ni ye akipimí küha keu timi pesü thechu shivea ke.” Panongu no khochile, “Tiye ningu vilo kiu shilo pi kea? Tiye O likhi O vehua thono!”

BAIBEL (BSI)

⁴ ishipi, “Kuqumokeu timi hu pithivepe nike thechu shikeu lono ino axine shivae.” Panonguno khochile, “Ningu vilo kiu shilopikepu kya? Tiye olikhi ovehua thono!”

Sumi Naga CL (Re-edited) Bible (BSI)

⁴ eno pi, “Küqümo keu timi thechuve keu lono I no axine shivae.” Panongu no khochile, “Nino kiu shitsü lopi kea? Ti ye o makhoae.”

MATTHEW 27:4 Referans Kwoze

1 John 3:12

Cain toi shi kevilo, pa ye küsaküghau laumi lakhi shi no pa thiküzüu ghiqhive ke. Eno pa ye kushiye pa thiküzüu ghiqhive kea? Kughengu pa likhi pa kümlà no küsakügha ke eno pa thiküzüu kümlà ye amikucho ke.

1 Peter 1:19

ikemu ambeti lakhi jì toi keu Khristo jì mekusho, tukutiye küha keu eno azaku küha keu no nongu xaluvea ke.

IBRIMI 7:26

Hitoi keu achinetomiqo shou atou ye ningu vehupu shilu cheni—pa ye Akimtheu, tukutiye küha, kitiqemo keu, axinemiqo lau no kütashi qhive keu, eno atsütsǘ nguno kunguu sheqhe pukuve keu ke.

Titus 1:16

Panongu ye Alhou ithi ani ipi pükha cheni, ikemu panongu kümlà vechewo Alhou milive acheni. Panongu ye aphikümqhüpu, agholumo kemi eno akivi shini keu lo kiumu aküzüpu kumoe.

1 Tim. 4:2

Shiküka hitoi keqo ye kühakügha kimkimiqo lau no ighi cheni. Panongu lolo kighithi ye ayì külǘ no pitive keu toivae.

Rommi 3:19

Ningu no ithi akeu no ayeza lo kiu-kiu pi püaghi namu tiye ayeza qholo akemiqo vilo piani, tishianguno timi no jekukivi shi chekeu kümtsü ghaküyiqüve no ayeghiqha kümtsü Alhou lau kihikülai tsüpe niye ke.

Apostolmi 13:28

Pa pìthíve kepu akiqi kiumu phulumomu panongu no pa ghimeqhi pìthíve peniye Pilate picheveke.

John 19:7

Jewmi sakiphemiqo no ishi pikichichi, “Ningu ye ayeza lakhi anie, eno ayeza tipau kiqi lono pa ye thive moayesae, kughengu pa ye Alhou Nu kepi pa no pükha ke.”

Luke 23:47

Aqhe shou zatsüu no, kiu shive keno ithulu püzü Alhou sheqhe eno pi, “Mütsüqhei no timi hipau ye akivimie.”

Luke 23:41

Nikujo ye achipi lono aghime ithulu ani, kughengu nikujo kümlà kiqi lono imeküzü qhemi ithulu anike. Ikemu timi hipau ye kiumu shipimi püamoe.”

Luke 23:22

Ghuthu aküthüu ghí pa no panongu pütsa: “Kushiye kea? Timi hipau ye ayeza heküxá kümlà kiu shive kea? Ni ye pa pìthíve kepu kipimí kiumu phulu amoe. Tighenguno I no pa ghimeve no pa phepuwu venie.”

MATTHEW 27:54

Kughou aqhe shou zatsüu eno pa gholo Jisü khe akemiqo no ayeghi küghütha eno kiu shi akeno ti kümtsü ithulu keno, panongu ye kichi-mamaive no akichiqhi ghi ishi pi, “Pa ye kuchou no Alhou nue!”

MATTHEW 27:19

Kughou Pilate no xakütha lakhü lo iqa akeno, pa nipu no asütsa hitoi pa lau pi puwu, “Akipimí küha keu timi tipau shou kiumu shikepu kumoe, kughengu ìji I samou ni ye pa ghenguno aloqhi ime püani ke.”

Piyeküsü 11:10

Pama thive kelo ayeghi lo xüküami no alokivishi nani eno alokivi lau no panongu no aghò pesü lakhi no lakhi chhekile nani, kughengu tungkupumi hiküma no ayeghi lo xüküamiqo ghimeqhi ke.