MATTHEW 26:63 - Sümi Tiqhelimi Bible

⁶³ Ikemu Jisü ye inaqhoi ngove. Achinetomi shou atou no pa vilo pi, “I no xü akeu Lhou je lono ashoqhi shi no O nguku ani: Nono Alhou Nu Messiah shi aghí aye ningu vilo pilo.”

BAIBEL (BSI)

⁶³ Ikemu Jisu no inaqhoi auve. Achinetouno itaghi pa vilo pi, “Xuakeu Lhou je lono ino ovilo tushoqhi ghi iniju anike, noye Alhou Nu Mesiya kemo kela ningu vilo pitsulo!”

Sumi Naga CL (Re-edited) Bible (BSI)

⁶³ Ikemu Jisü no inaqhoi ngove. Achinetou no itaghi pa vilo pi, “Aküxüpu Lhou je lono I no ashoqhi tsa o vilo piani, no ye Alhou Nu Messiah kemo keno ni vilo pilo.”

MATTHEW 26:63 Referans Kwoze

MATTHEW 16:16

Simon Peter no khochile, “No ye xü akeu Lhou Nu Messiah ke.”

MATTHEW 27:12

Kughou achinetomiqo eno kichimiqo no pa nguku ghi iniju keno, Jisü ye kiumu khochilemoe.

John 20:31

Ikemu nongu pelo Jisü ye Messiah, Alhou Nu kepi pülülu peniye hipaqo yèpüani eno pülülu keu vechewo nongu pelo pa je lono aküxü ape niye ke.

John 19:9

eno pa ye kükaki alou ide ilove. Pa no Jisü vilo iniju, “No ye khilau no ighi kea?” ipi ikemu Jisü ye kiumu pa khochilemoe.

John 19:7

Jewmi sakiphemiqo no ishi pikichichi, “Ningu ye ayeza lakhi anie, eno ayeza tipau kiqi lono pa ye thive moayesae, kughengu pa ye Alhou Nu kepi pa no pükha ke.”

John 18:37

Pilate no pi, “Tishiaye no ye akükau lakhi keshea?” Jisü no khochile, “Nono ni ye akükau lakhi kepi pi anie. Kuchou lo ye, I punú keu eno ayeghi hipau lo ighi keu kimiji ye kuchou thopi shipe niye ke. Kuchou küdau akemi kümtsü no I tsa chilu cheni.”

John 10:36

Imaye Apù no pakütashi pa likhi paw shiqhive no ayeghi lo puwu keu ye kíshiveni kea? Tishiaye nongu ye kushiye I no, ‘Ni ye Alhou nu ke,’ ipikeu ghenguno ni ye Alhou pipütha ani kepi I nguku ani kea?

John 10:30

Ni eno I pù ye lakhi ke.”

John 10:24

Tilehi Jewmi akemiqo no pa homüxaluve no pi, “No ye ado khitohi ningu pelo avehu küghüzü shi apeni kea? Tsalá nono Messiah shi aghí aye mütsümishei ningu vilo pilo.”

John 8:25

Panongu no ishi iniju, “No ye khuu kea?” Jisü no khochile, “I no abothu lono nongu vilo pi ighike toi,

John 6:69

No ye Alhou’w Akimtheu Lakhi kepi ningu no ithivea eno pülüluvae.”

John 1:49

Ikelo Nathanael no asheshu ghi ishi pi, “Rabbi, no ye Alhou Nu ke; no ye Israel kükau ke.”

John 1:34

I no ithuluvea eno thopi shi anike hiye Alhou Nu ke.”

Mark 14:61

Ikemu Jisü ye inaqhoi ngo auve eno kiumu khochilemo. Itaghi achinetomiqo shou atou no pa vilo iniju, “No ye Messiah, kükümgha Nu Lakhi hu keshea?”

MATTHEW 27:54

Kughou aqhe shou zatsüu eno pa gholo Jisü khe akemiqo no ayeghi küghütha eno kiu shi akeno ti kümtsü ithulu keno, panongu ye kichi-mamaive no akichiqhi ghi ishi pi, “Pa ye kuchou no Alhou nue!”

MATTHEW 27:43

Pa ye Alhou shou pükhü achenie. Alhou no pa xalunishi aghí aye, itehi no pa xaluve pelo, kughengu pa no ishi pi acheni, ‘Ni ye Alhou nu ke.’ ”

MATTHEW 27:40

ghi ishi pi, “No ye achineki kuboleve no atsala küthü lono shiqhepukuve niye kutò anike kumo? O likhi O xalulo! Tsalá nono Alhou Nu shi aghí aye, kros lono iqighive julo!”

MATTHEW 27:14

Ikemu Jisü ye akipimí pa tsü akeu lo lakhimu khochilemoe, ikelo angh ye shishe akichiqhive.

1 Peter 2:23

Kughou panongu no panonguw thogha keu pesü pa shou puku keno, pa ye mjochilemoe; kughou pa no ime akeno, pa ye khumu kichiqhi keu shimoe. Tishini ke züqhulo pa ye pa likhi pa pesü khuu no achipi shi küghathabe cheni keno pa pichebevetsüe.

MATTHEW 4:3

Tüghami hu no pa lau ighino pi, “Nono Alhou Nu shi aghí aye, atu hipaqo vilo asho ilhovelo pilo.”

MATTHEW 26:62

Ikelo achinetomiqo shou atou no puthugho no Jisü vilo pi, “No ye kiumu khochileni chemo keshea? Timi hi pama O ngukube ghi ashepe hipau peighi akeu ye kiu kea?”

2 Kor. 1:19

Kughengu Silas, Timothy eno I vechewo Alhou Nu Jisü Khristo ghili nongu lau kütsü keu hu ye “Iye” eno “Moe” kinikujo pichemoe, ikemu Alhou lau no alhokuthu lono “Iye” ipi cheni.