MATTHEW 25:21 - Sümi Tiqhelimi Bible

²¹ “Pa mpeu no khochile, ‘Aghile shivea, pichebekulu eno I qeu kiviu, no ye thime aghulo lomu pichebekulu shike, I no O pelo thime kutomo shou pichempiu shipeni. Ighilo eno O mpeu lokivi lo küsaje lo.’

BAIBEL (BSI)

²¹ Pa mipeuno pa vilopi, ‘Aghile shivae! Noye akivi eno pukhubekulu qeuke; noye kitila lomu pukhubekulu shike; ino opelo kutomo shou ampeu shipeni; ompeu lokivi gholo sulo!’

Sumi Naga CL (Re-edited) Bible (BSI)

²¹ Pa mpeu no pi, ‘Aghile shivae, akivi eno pükhübekulu qeu; no ye kitila lomu pükhübekulu shike I no o pelo kutomo shou ampeu shipeni. O mpeu lokivi gholo sülo.’

MATTHEW 25:21 Referans Kwoze

MATTHEW 25:23

“Pa mpeu no khochile, ‘Aghile shivea, pichebekulu eno I qeu kiviu! No ye thime aghulo lomu pichebekulu shike; I no O pelo thime kutomo shou pichempiu shipeni. Ighilo eno O mpeu lokivi lo küsaje lo!’

Luke 16:10

“Khuno no ighono kitila lomu pichebekulu shini keno kutomo lo ghí pichebekulu shi nani, eno khuno no ighono kitila lomu pichebe müla nike no kutomo lo ghí pichebe müla nani.

John 12:26

I qe chekemi ye I pape moayesa; eno I no khile ani keno, I qemi ghí tile anani. I qe chekemiqo ye I pù no gihu nani.

2 Tim. 2:12

ningu no puqhekulu shi aye, ningu ghí pa gholo ka nani. Ningu no pa milive aye, pa ghí ningu milive nani;

Piyeküsü 3:21

Khuu no tokuluu keno, I no tokulu shilu no I pù gholo pa küká lakhü lo iqa keu toi I no pa pelo I gholo I küká lakhü lo iqa pe nani.

John 14:3

Eno I no wu no nongu sala a-a kutò pe qhitsü aye, I no khilehi acheni keno nongu ghí tilehi apenike ghenguno ni ye ideighi no nongu sasü wu nani.

John 17:24

“Apùo, ni ye nono khunoqo pesü I tsü keno panoqo pelo I no khilehi ani keno tile I gholo ape nishi ani eno I juküvü ithulu penishi ani, tiye nono ajuküvü I tsü keu ke, kughengu nono ayeghi pulhosü mphi züu no I kimiye ke.

Piyeküsü 2:10

Nono imeve niye akeu ghenguno msà kevilo. I no O vilo piani, tüghami ye nongu peju nike ghenguno akughuki lo nongu khami sǘ nani, eno nongu ye atsala chighí kutólo pishi-puju no ghimeqhi nani. Ikemu akithí kutólo pükhübekulu shilo, tishiaye I no aküxüpu pesü ow tokulu kütsükuqho shitsü nani.

MATTHEW 24:45

“Imaye, khuu no pichebekulu eno alokütsü qeu kea? Tiye khuu ampeu no pa kibo lo aqemiqo shou pichempiu shipe no ado achipi lono panongu achuqu tsüpe keu ke.

FILIPIAMI 1:23

Ni ye hiküma dolo tsakibi pe anie: Ni ye aküxü hipau qhive no Khristo gholo auve nishi anie, tipau pavi kuchou ke;

Piyeküsü 7:17

Kughengu aküka lakhü mtá lo Ambeti akeu hu no panonguw ambe kheu shi nani; ‘pa no aküxüpu züpukiqo lo panongu sawu nani.’ ‘Eno Alhou no panongu nhethi lono anhezü kümtsü isüve tsü nani.’”

Rommi 2:29

Ikemu, timi khuu no alolo no Jewmi keno pa ye Jewmi ke; eno akiyé yeza lo yèpüa keu vechewo kumo no Alhou Ghungu vechewo amlo kililu keu hu no aphighüyiko-küghá kuchou ke. Titoi kemi lakhi ye timi kütami lau no kumo püzü Alhou lau no akishé ithulu cheni.

Luke 12:44

Kuchou no I no nongu vilo pìní, pa no aqeu pelo paw küakini kümtsü shou ampeu shipe nike picheve nani.

MATTHEW 25:46

“Tishi püzü panongu ye lhokta ghime-a lo wuve nani, ikemu amikuchomiqo ye lhokta küxü-a lo wuve nani.”

MATTHEW 24:47

Kuchou no I no nongu vilo pìní, pa no aqeu pelo paw küakini kümtsü shou ampeu shipe nike picheve nani.

Piyeküsü 21:7

Khunoqo no tokulu shiluni keno panongu no hipaqo kümtsü ighílu nani, eno I no panongu Lhou shive nani eno panongu ye I nuliqo shive nani.

IBRIMI 12:2

eno Jisü amsüu eno aküpülü kupukülai kütsüu shou ningu nhethi süküqümo no juni nolo. Alokiqi pa zülo qhipüatsü keu ghenguno pa ye kros kukujo phitsümo no kutuuluve eno Alhou küká lakhü lo au ajeu küdau iqave ke.

2 Kor. 10:18

Kughengu timi lakhi no pa likhi pa sheqhe keu ye achipi kumoe, ikemu Alhou no sheqhe keu no achipi ke.

1 Kor. 4:5

Tighenguno kughupüa keu do tomphi züu ye kiumu küghathabe kevilo; Ampeu no ighimo ke kutólo khe aghílo. Pa no àküzǘ lo kiu küsüpüani eno amlo lo kiu kümsüpù ani keno kümtsü aküvü lo pekiphe shive tsü nani. Tipau dolo no kümtsü Alhou lau no akishé ithulu nani.

2 Kor. 5:9

Tighenguno ningu ye ayeghi lo xü aghí na tipau qhive aghí pinamu pa pulou shini keu no ningu kimiji shi cheni.

1 Tim. 3:13

Khunoqo no akivishi mülà keno panongu ye kümtsü nguno akighichéu shi alá shivae eno Khristo Jisü gholo panongu küpülü akeu lo pülüqhiyi keu kijè ithuluvae.