MATTHEW 23:7 - Sümi Tiqhelimi Bible

⁷ Kütamiqo pelo alhikishi-a lo gihu ghi petha panongu tsüpe nishi eno ‘Rabbi,’ ipi panongu ku penishi cheni.

BAIBEL (BSI)

⁷ alhikishialo kutamino panongu qhoqhukeuno panongu lokutu eno timi pelo ‘Kutsuchekeu’ ipi panongu kupenishike.

Sumi Naga CL (Re-edited) Bible (BSI)

⁷ Alhikishi-a lo kütami no pano sasü petha shi eno rabbi ipi peni keu no pano lokütüe.

MATTHEW 23:7 Referans Kwoze

John 1:38

Jisü no tsüghǜ idewo pama no pape chekeu ithulu no iniju, “Nokujo ye kiu avehupu shi ani kea?” Pama no pi, “Rabbi” (hipau kiqi ye “Akükütsüu”), “no ye khile ngo niye ani kea?”

John 1:49

Ikelo Nathanael no asheshu ghi ishi pi, “Rabbi, no ye Alhou Nu ke; no ye Israel kükau ke.”

John 20:16

Jisü no li vilo pi, “Mary.” Ikelo li no Jisü küdau tsüghǜ ighino Arameami tsau no ishi ighamuku, “Rabboni!” (hipau kiqi ye “Akükütsüu”).

John 6:25

Kughou panongu no ayizükucho tüxa küdau Jisü ithulu keno panongu no Jisü vilo ishi iniju, “Rabbi! No ye kughou no hilau wo tova kea?”

John 3:26

Panongu no John lau ighino pa vilo ishi pi, “Rabbi, timi lakhi O gholo Jordan hukukuu ngo akeu eno nono ashepe shitsü keu hu julo, pa ye baptiz shitsü ani eno kümtsü no pa lau wu anie.”

John 3:2

Pa no putho lono Jisü lau ighino ishi pi, “Rabbi, no ye Alhou lau no ighi keu kükütsümi lakhi kepi ningu ye ithi anie. Kughengu Alhou no timi lakhi gholo aghimo ke aye nono amichipuqo shi akeu ye khilemu shimlae.”

Mark 10:51

Jisü no pa vilo iniju, “I pelo O ghenguno kiu shitsü penishi ani kea?” Anhethi kighicheu no khochile, “Akükütsüu! Ni ye ithulu nishi anie.”

Mark 9:5

Peter no Jisü vilo pi, “Rabbi, ningu ye hile ngo akeu pavi anie; ningu no apushonha küthü mülà puku kepu shinie; lakhi no O ghenguno, lakhi no Moses eno lakhi no Elijah ghenguno.”

MATTHEW 23:8

“Ikemu nongu ye ‘Rabbi,’ ipi ku kepu kumoe, kughengu nongu ye akükütsüu lakhi likhi ani, eno nongu kümtsü athiküzümi ke.

MATTHEW 11:16

“Ni ye kiu pesü hipau tiqheli kimghi tsüní kea? Panongu ye alhikishi-a lo itimiqo no iqa no kütami vilo igha ku ghi ishi piakeu toi ke:

MATTHEW 26:25

Ikelo Judas khuu Jisü pesü thechu shive niye akeno, pa no pi, “Rabbi, kuchou no ni kumo kema?” Jisü no khochile, “Nono piluvae.”

MATTHEW 26:49

Judas no vejoi Jisü lau ighino, “Alo anikemo, Rabbi!” ipi no pa mümae.

Mark 11:21

Peter no kümsüchilelu no Jisü vilo pi, “Rabbi, julo! Nono ghushove keu mububo hu ye thizümüivae!”

Mark 12:38

Jisü no kütsü akelo ishi pi, “Ayeza kükütsümiqo lau no kutokupui lo. Panongu ye chijeboboi-phi kushuwa usü iqho-iqi nishi cheni eno alhikishi-a lo panongu gihu ghi petha tsüpe nishi cheni.

Mark 14:45

Judas no vejoi Jisü lau ighino, “Rabbi!” ipi no pa mümae.

Luke 11:43

“Nongu Phariseemiqo ye ahaküsapue, kughengu nongu no Synagogqo lo alakhü akhotouqo eno alhikishi-a lo agigihupu petha kimiye cheni.

John 4:31

Tishi akelo Jisü khopemiqo no pa vilo, “Rabbi, kiula chulo,” ipi qhüiniju ke.

John 9:2

Pa khopemiqo no pa vilo iniju, “Rabbi! Khuu no axiné shive no pa ye anhethi iche püzü punú kea, pa no keo pa pù-aza no kea?”

John 11:8

Akhopemiqo no khochile, “Rabbi! kusho kumo lo tilehi Jewmiqo no atu pesü O ve niye pükapütsa keghi no ye tishimu tilau idewoni keshea?”