MATTHEW 20:21 - Sümi Tiqhelimi Bible

²¹ “No ye kiu avehupu shi ani kea?” ipi Jisü no iniju. Ikelo li no khochile, “O kükaphu ighi kelo I nu hi pama pelo lakhi no O u ajeu eno lakhi no O u piyiu ishi iqalupe kepu shi pulove tsülo.”

BAIBEL (BSI)

²¹ Jisu no li vilo ishi iniju, “Noye kiu lunishi ani kya?” Lino ishi khochile, “Oyehkipe ighikelo inu hi pama pelo lakhino o-u ajeu kudau eno lakhino o-u piyiu kudau iqape kepushi piqhive tsulo!”

Sumi Naga CL (Re-edited) Bible (BSI)

²¹ Jisü no li vilo iniju, “No ye kiu lunishi ani kea?” Li no khochile, “O yekipe ighi kelo I nu hi pama lakhi no o u ajeu eno lakhi no o u piyiu iqa penike piqhive tsülo.”

MATTHEW 20:21 Referans Kwoze

MATTHEW 19:28

Jisü no panongu vilo pi, “Kuchou no I no nongu vilo pìní, thowkha kümtsü akithé shikitheve kelo, eno kughou Timi Nu no pa juküvü küká lakhü lo iqani keno, nongu I pape chekemiqo ghí aküka lakhü chighikini lo iqa no Israelmi lagha chighikini shou xaküthau shi nani.

MATTHEW 18:1

Tipau dolo akhopemiqo no Jisü lau ighino iniju, “Kungugha kükaphu lo khuu no akijeu shi nani kea?”

Apostolmi 1:6

Panongu no pa homüxa pe ngo no pa vilo iniju, “Ampeu, no ye atüqhüdo hipau lono Israel kükaphu sachile süghi niye ani keshea?”

Mark 6:22

Kughou Herodias nonga no iloghi no ilhe keno, li vechewo Herod eno pa no aghulhu lo kusü kemiqo mlo vepiqilue. Akükau no angá vilo pi, “Nono kiu-kiumu lunishi keu I vilo khulo, eno I no ti O tsü nani ke.”

MATTHEW 20:32

Jisü no ngove püzü pama ku no ishi iniju. “I pelo nokujo ghenguno kiu shitsü penishi ani kea?”

Kolosiami 3:1

Tishiaye nongu ye Khristo gholo xüputhuvea ke ghenguno, nongu mlo pesü kunguu Khristo no Alhou u ajeu iqa akeu thimeqo shou belo.

Rommi 12:10

Athiküzümi kimiyekilé ketoi nongu lakhi no lakhi kimiyekilé lo. O nguno akiqheu shi lakhi no lakhi gihu kilé lo.

John 15:7

Nongu no I gholo kimepe aye eno I tsaqo no nongu lolo aye, nongu no kiu-kiumu pulo keu khulo, eno nongu ghenguno tipau shitsü nani.

Luke 22:24

Panongu dolo khuu no akijeu shi nani kea ipi kütsala ipeghive.

Luke 19:11

Panongu no hipau tsa ini akelo Jisü no aholetsa lakhi pi, kughengu pa ye Jerusalem kupunúve eno timiqo ye paikhavi Alhou kükaphu ipeghi niye kutò ani küghashi kümsü ake.

Luke 18:41

“I pelo O ghenguno kiu shitsü penishi ani kea?” Anhethi kighicheu no pi, “Ampeu, ni ye ithulu nishi anie.”

Mark 10:51

Jisü no pa vilo iniju, “I pelo O ghenguno kiu shitsü penishi ani kea?” Anhethi kighicheu no khochile, “Akükütsüu! Ni ye ithulu nishi anie.”

Rommi 8:34

Tishiaye khuu no ningu kiléqhive kulupu kea? Khuu nomu kumoe. Khristo Jisü khuu thive keno—eno tilikhi kumo no khuu akithí lono xüputhuve keno—pa ye Alhou u ajeu küdau iqa no ningu ghenguno alakipiu shi ghi inikhu tsü acheni.

Mark 16:19

Ampeu Jisü no panongu pütsa tave kethiu, pa ye kungugha lo saikuve eno Alhou u ajeu iqave.

MATTHEW 20:22

Jisü no panongu vilo pi, “Nongu ye nongu no kiu khu ani keno ithi amoe, nongu ye I no aghime jikhu lono sho niye akeu sholu nani keshea?” Panongu no khochile, “Ningu ye sholu nanie.”