MATTHEW 18:12 - Sümi Tiqhelimi Bible

¹² Nongu ye kíshi kümsü ani kea? Tsalá timi lakhi no ambe aqhe akelo, tipaqo dolo lakhi no itsü wuve aye, pa ye lhotoku tokú atoghiqo lo tishi qhive no lakhi itsü wuve keu hu phumoni keshea?

BAIBEL (BSI)

¹² Nonguye kiu kumsupu ani kya? Timi lakhino bheri 100 ani kelo tipaqo gholo lakhi kauve aghi aye, paye lhotoku toku hu atolo achu kumza puaghi puzu lakhi kauvekeu hu phuwumoni kesha?

Sumi Naga CL (Re-edited) Bible (BSI)

¹² “Nongu ye kiu kümsü ania? Timi lakhi no ambe 100 akelo lakhi no kauve aye, pa ye lhotoku toku hu ato lo achu kümza püaghi püzü lakhi kauve keu phuwu moni keshea?

MATTHEW 18:12 Referans Kwoze

1 Peter 2:25

Kughengu “nongu ye ambe no kawuve ake toi ke,” ikemu itehi nongu ye Ambe Kheu eno nongu ngulhoqo Jukükütsüu lau ideghivae.

MATTHEW 12:11

Pa no panoqo vilo pi, “Tsalá nongu khukhumu ambe lakhi akeu Sabbath tsalà lono aqò lo ikiqi ilove aye, nongu ye tipau sünhepheluve eno khape luvemo nani keshea?

MATTHEW 21:28

“Nongu ye kíshi kümsü ani kea? Timi lakhi no anu kini ache. Pa no atüghiu lau wu no ishi pi, ‘Anu, no ye ishí atsailu lo hu no mülà lo.’

1 Kor. 10:15

Ni ye vethakulumiqo vilo pi anike; I no kiu piani keno nolikhi nongu no xathaluve lo.

MATTHEW 22:42

“Messiah ye khuno nu ipi nongu ye kümsü ani kea? “David Nu ke,” ipi panongu no khochile.

MATTHEW 18:13

Kuchou no I no nongu vilo pìní, tsalá pa no ti phuluve aye, pa ye ambe lhotoku tokú itsü wumo no akeqo nguno alau hi lakhi shou alokivi shishe ananie.