MATTHEW 17:22 - Sümi Tiqhelimi Bible

²² Kughou panongu aqoshi Galilee lo ighi keno, Jisü no panongu vilo pi, “Timi Nu ye ikhiphe pesü timiqo u lo sǘve tsüní cheni.

BAIBEL (BSI)

²² Akhopemi Galil lo kumqokutsupe akelo, Jisu no panoqo vilo ishipi; “Ni Timi Nu ye timiqo lau kughape tsuveni cheae,

Sumi Naga CL (Re-edited) Bible (BSI)

²² Panongu no Galilee lo kumqope akelo Jisü no panoqo vilo pi, “Timi Nu küghape timiqo u lo süve tsüniye shivae,

MATTHEW 17:22 Referans Kwoze

MATTHEW 16:21

Tile no huthu no Jisü no akhopemiqo vilo pa ye Jerusalem lo wu moayesa nani eno kichimiqo, achinetomi eno ayeza kükütsümiqo u lono aghime shi nani, eno pa pìthíve nani ikemu atsala aküthüu lo ye xüputhuve nani ipi chixechilei pitsü.

Mark 8:31

Tisheno Jisü no akhopemiqo vilo Timi Nu ye aghime jeli ithulu moayesa keu eno kichimi, achinetomi eno ayeza kükütsümiqo no pa milive nikeu eno pa ye pìthíve moayesa nikeu eno atsala küthü thiu ye xülethuve nikeu pesü kütsüe.

MATTHEW 17:23

Panongu no pa pìthíve nani, eno atsala aküthüni lo pa ye xülethuve nani.” Ikelo akhopemiqo ye amloghime no chhitoive.

Luke 24:46

Pa no panoqo vilo pi, “Kiu yèpüani keno tiye hike: Messiah ye ime nani eno aküthüni ye akithí lono xüchilethuve nani,

Luke 24:26

Messiah ye hipaqo kümtsü ime no pa juküvü lo ilo nikeu shike kumo keshea?”

Luke 9:22

Eno pa no pi, “Timi Nu ye aghime jeli ithulu moayesa nani eno kichimiqo, achinetomi eno ayeza kükütsümiqo no pa milive nikeu pitsü. Eno pa ye pìthíve moayesa nani eno atsala aküthüu lo ye xüputhuve nani.”

Apostolmi 7:52

Nongu pù-asüqo no pishi-pujumo keu tungkupumi lakhimu akeshea? Panongu ye khunoqo no Amikuchomi Lakhi ighi nani ipi pichho keno tipaqo ghí heqhipithíve ke. Eno itehi ye nongu no pa jechuve eno ghiqhi pithivae—

MATTHEW 26:46

Ithulo! Ningu wuveni shilo. I küghape thechu shive niye akeu hu ye hi ighivae.”

MATTHEW 24:10

Tipau ghuloki lo kutomo no aküpülü pheve no wuve nani eno lakhi no lakhi thechu shi nani eno kimthi kilé nani,

MATTHEW 16:28

“Kuchou no I no nongu vilo pìní, I gholo akemi dolo khami ye Timi Nu kükaphu ithulu mphi züu ye akithí michemo nani.”

1 Kor. 11:23

Kughengu Ampeu lau no I no kiu ithulu keno tipau pesü I no nongu lau pekishe tsü anike: Ampeu Jisü no pa pesü thechu shive nikeu jì lo pa no asho ikhilu,

MATTHEW 26:16

Tile no huthusü, Judas ye Jisü pesü thechu shive niye adokivi miqeauve.

MATTHEW 17:9

Panongu no naghuto lono iqi che kelo, Jisü no panongu vilo ishi azah tsü, “Timi Nu no akithí lono xülethuve mphi kutólo, nongu no kiu ithulu keno khuu vilomu pi kevilo.”

MATTHEW 17:12

Ikemu I no nongu vilo pìní, Elijah ye ighivea kemu panongu ye pa jukimchi mülave, ikemu panongu no pa shou shinishi chekeu kümtsü shiluvae. Tihutoi Timi Nu ghí panongu u lono imeni chenie.”

Luke 9:43

Panongu kümtsü no Alhou küká kumto jupe akümzave. Jisü no kiu mülà keno timiqo no jupe akümzaqhiyi akelo, pa no pa khopemiqo vilo pi,