MATTHEW 16:3 - Sümi Tiqhelimi Bible

³ eno inaqhe ye, ‘Ishí ye pasapagha tsalà shini cheni, kughengu atsütsǘ ye huchuhuyi eno züchiyi ani,’ ishi pi cheni. Nongu ye atsütsǘ lo ipeghi akeu ghili kíshi pìní keno ithi anie, ikemu nongu ye ado ghuloki michipu ghiliqo ye pilu chemoe.

BAIBEL (BSI)

³ Inaqhe nonguno, ‘Atsutsuye huchuino zuchiyi anikeke ishiye pasapagha tsala shini chenie’ ipi cheni. Nonguye atsutsulo ju puzu atsalaye kiu toi nani kela pilu cheni, ikemu nonguye hipa ghulokilo amchipuqo kiqimlae!

Sumi Naga CL (Re-edited) Bible (BSI)

³ Eno inaqhe nongu no, ‘Atsütsü ye huchuyi eno züchiyi ani keke ishi ye pasapagha tsala shinani’ ipi cheni. Nongu ye atsütsü lo juno atsala kiu toi nani keno pilu cheni, ikemu ado aghuloki michipuqo kiqilu chemoe.

MATTHEW 16:3 Referans Kwoze

Luke 12:56

Kühaküghaqo! Nongu ye atsütsǘ eno ayeghi zümlhü ipeghi akeu ghili kíshi pìní keno ithi anie. Tishiaye nongu ye kíshi no hipau do ghuloki ghili pebide nikeu mthave kea?

Luke 13:15

Ampeu no pa khochile, “Nongu kühaküghaqo! Nongu lakhi-khi no Sabbath tsalà lo nongu mishitsü momu khurha ki lono kuqho sawo azü pìye cheni ke kumo keshea?

MATTHEW 11:5

Anhethi kighichemi no ithulu ani, apukhu kinitave kemi no alachelu ani, apügha kupumiqo shikimtheve ani, akìní kughupomi no chilu ani, kithimi xüputhuve ani, eno tsakiviu pesü athokhami lau asheshu anie.

Luke 11:44

“Nongu ye ahaküsapue, kughengu nongu ye amichi shimo keu kumokiqo, khikhi timi no mtha no tipau shou püla cheni keno, tipaqo toi ke.”

MATTHEW 23:13

“Nongu ayeza kükütsümi ngò Phariseemiqo ghenguno ahaküsapue, nongu kühaküghaqo! Nongu no timiqo ghenguno kungugha kükaphu hukikha khave tsüke. Nongu no ilo ke kumo no kütami no ilo niye pükapütsa akeu ghí ilopemo ke.

MATTHEW 22:18

Ikemu Jisü ye panongu müqü lhoküsa ithi akehu ishi pi, “Nongu kühaküghaqo, nongu ye kushiye I kitime niye pükapütsa ani kea?

MATTHEW 15:7

Nongu kühaküghaqo! Isaiah no tungkuptsa lono nongu ghili pi kelo pa ye achipi shi pie:

MATTHEW 7:5

No ye kühaküghamie, atüghishi O nhethi lo asülu akeu ikhive paghilo, tishianguno no ye O nhethi tsüghükhüi shi püzü, O thiküzüu nhethi lo amihi akeu ikhi phelu kepu shi nani ke.

MATTHEW 4:23

Jisü ye Galilee qha kümtsü lo wu no synagogqo lo kütsü, akükaphu sütsa kiviu pesü asheshu eno küsükinimi ngò aküsǜ jeli kümtsü shipivi ae.

IBRIMI 5:14

Ikemu akümka chuqu ye asatheve kemi khunoqo no tamo no pükapütsa keu vechewo küsakügha lau no akivi kimchilu nikeu lo pano likhi panongu peitha qopheluvea keno panongu ghenguno ke.