MATTHEW 15:32 - Sümi Tiqhelimi Bible

³² Jisü no pa khopemiqo ku püzü ishi pi, “Ni ye timi hipaqo kimiyeqhiyi ani; panongu ye I gholo atsala küthü ngovea eno chu kepu kiumu kühavae. Ni ye panongu pelo müzüthiqhiyi wove penishi amoe, kughengu panongu ye lhove no alà lo ikiqive nosake.”

BAIBEL (BSI)

³² Jisu no pa khopemi pa lau kupuzu pi, “Niye timi hipaqo ghenguno imlo imevae, kughengu panonguye atsala kuthu kutolo igholo ani puzu itehiye chukepu kiumu kuhava. Niye panongu akhuava lono puwoveni shimoe, kughengu panonguye lhoveno alalo iluqiveno sake.”

Sumi Naga CL (Re-edited) Bible (BSI)

³² Tithiu Jisü no pa khopemi pa lau kuno pi, “Ni ye aqokitikhi shou amloighivae kughengu panongu ye atsala küthü kutolo I gholo ngova püzü itehi ye chukepu kiumu kühavae. Eno ni ye akhüava shi panongu puwoveni shiamoe, tikumo aye panongu ye ala lono ikiqive nosae.”

MATTHEW 15:32 Referans Kwoze

MATTHEW 9:36

Kughou pa no timi aqokitikhiqo ithulu keno, pa ye panoqo shou kimiyeqhiyive, kughengu panongu ye akheu küha keu ambe toi avehu küghüzü shi eno aveküsa shi ake.

Apostolmi 27:33

Inaqhe vüipeghi nike zülo Paul no panongu kümtsü pelo achuqu chu penike hakite. Pa no pi, “Ishí atsala chighí abidiu kutólo nongu ye amlo kichipüha ighivea eno achuqupu kühave kehu kiumu chumovea ke.

IBRIMI 4:15

Kughengu ninguw achinetomiqo shou atou ye ninguw miqemilei keqo vethalu tsü cheni, kughengu ningu ghuju ketoi alaghi kümtsü lono pa ghí ghuju ke, tishi namu pa ye axiné shimoe.

Luke 7:13

Kughou Ampeu no li ithulu keno, pa mlo lo li kimiyeqhiyi keu no chhitoive no pa no pi, “Qa kevilo.”

Mark 9:22

“Mithekumo ghungu tipau no pa pìthíve niye ghuthu kutomo ami lo ngò azü lo pa tukulusüve achenie. Ike nono kiu-kiumu shikulupu shi aye, ningu kimiye no kuphu tsülo.”

MATTHEW 27:63

Panongu no pi, “Akijeu, ningu no kümsülu akeu ye, timi pishikiqhiu hupau no xüakelo, ‘atsala küthü thiu ni ye xülethuve nani,’ ipi ake.

MATTHEW 20:34

Jisü no pama kimiyeqhiyive eno pama nhethi buve tsü. Ikelo paikhavi pama ye ithulu kitheluve eno Jisü papesü wuve.

MATTHEW 12:40

Kughengu Jonah no pucho tsalà küthü eno putho tsalà küthü akha kuloghi kive lo ngove ketoi, Timi Nu ghí pucho tsalà küthü eno putho tsalà küthü ayeghi pola lo ngo nani.

MATTHEW 14:13

John Baptiz kishiu lau kiu shivea keno Jisü no chiluve kelo, pa ye ashuka lono lüthü shi yenguikeu-a lo wuve. Hipau chilu kelo, mishiphuqo lo aqokitikhiqo no apukhu lono pa papesü wu.

MATTHEW 15:33

Pa khopemiqo no khochile, “Ningu ye küghünamokeu-a hipau lo khile no aqokitikhi hijehi lojí nikeu asho lukümkha shi ithuluni kea?”