MATTHEW 14:14 - Sümi Tiqhelimi Bible

¹⁴ Kughou azü mükü toluve püzü Jisü no timi kutomo ithulu keno, pa ye panongu ju pesü kimiyeqhiyive eno panonguw küsükiniqo shipivi tsüe.

BAIBEL (BSI)

¹⁴ Jisu no ashuka lono amuku tokelo timi aqokitikhi aghikeu ithulu puzu panoqo jupesu pa mlo ighiqhiyiveno pano panoqo gholo kusukinimi shipivitsu.

Sumi Naga CL (Re-edited) Bible (BSI)

¹⁴ Pa no ashuka lono amkü tokelo aqokitikhi ithulu no panoqo jupe amlo ighiqhiyive püzü panoqo gholo küsükinimi shipivitsü.

MATTHEW 14:14 Referans Kwoze

IBRIMI 4:15

Kughengu ninguw achinetomiqo shou atou ye ninguw miqemilei keqo vethalu tsü cheni, kughengu ningu ghuju ketoi alaghi kümtsü lono pa ghí ghuju ke, tishi namu pa ye axiné shimoe.

MATTHEW 9:36

Kughou pa no timi aqokitikhiqo ithulu keno, pa ye panoqo shou kimiyeqhiyive, kughengu panongu ye akheu küha keu ambe toi avehu küghüzü shi eno aveküsa shi ake.

IBRIMI 2:17

Hi ghenguno Jisü ye panongu toi shi moayesave eno thowkha jeli kümtsü lono timi hutoi moayesave ke, tishianguno pa ye Alhou qe akeu lo kimiyeqhiyi keu eno pükhükuluu achinetomiqo shou atou shilu peniye ke. Tisheno pa vechewo timi xinéqo ghenguno aghakishi shipe niye ke.

IBRIMI 5:2

Kughengu achinetomiqo shou atou ghí pa ampi no miqemilei kemi kehu, pa ye khunoqo no kümthami eno kawuve ani keno panoqo mütshaminhei tucholu cheni.

Luke 19:41

Kughou pa no Jerusalem kupunú ighive no mishighüna tipau ithulu keno, pa ye tipau ghenguno mloqa

Luke 7:13

Kughou Ampeu no li ithulu keno, pa mlo lo li kimiyeqhiyi keu no chhitoive no pa no pi, “Qa kevilo.”

Mark 9:22

“Mithekumo ghungu tipau no pa pìthíve niye ghuthu kutomo ami lo ngò azü lo pa tukulusüve achenie. Ike nono kiu-kiumu shikulupu shi aye, ningu kimiye no kuphu tsülo.”

Mark 6:34

Kughou azü mükü toluve püzü Jisü no timi kutomo ithulu keno, pa ye panongu ju pesü kimiyeqhiyive, kughengu panongu ye akheu küha keu ambe lakhi toi ke. Ikehu pa no panongu vilo thime kutomo pesü kütsüe.

MATTHEW 4:23

Jisü ye Galilee qha kümtsü lo wu no synagogqo lo kütsü, akükaphu sütsa kiviu pesü asheshu eno küsükinimi ngò aküsǜ jeli kümtsü shipivi ae.

MATTHEW 14:15

Avela shiuve kelo, akhopemiqo no Jisü lau ighino pa vilo pi, “Hipau-a ye timi no küghünamokeu-a lakhi ke eno atsala ghí tsüzüvae. Tighenguno timi aqokitikhi hipaqo puwovelo, tishianguno panongu pelo aphuqo lo wu no pano likhi panongu ghenguno achuqupu hami qhülu pe kepu shipelo.”