MATTHEW 13:3 - Sümi Tiqhelimi Bible

³ Tisheno pa no kimghi pìye keu tsa lono panongu vilo thime kutomo pi. Pa no ishi pi: “Alukichimi lakhi no apitì ve niye wue.

BAIBEL (BSI)

³ Pano kimighipiyekeu tsa lono thime kutomo pesu panoqo vilo ishipi; “Apitikivemi lakhino alulo apiti veniye wu.

Sumi Naga CL (Re-edited) Bible (BSI)

³ Pa no kimghikipiye lono thime kutomo pesü panoqo vilo pi, “Apitikiveu no apiti veniye wu.

MATTHEW 13:3 Referans Kwoze

Mark 4:13

Tisheno Jisü no panongu vilo pi, “Nongu ye aholetsa hipau vethamla keshea? Tishiaye kíshi no nongu ye aholetsa kütau vethaluni kea?

Mark 4:33

Jisü no aholetsa kimihi keu kutomo pesü panongu no vethakulupu qhemi lono pitsüe.

MATTHEW 13:53

Kughou Jisü no kimghi pìye keu tsa hipaqo pitave keno, pa ye tile no cheve.

Mark 12:12

Ikelo achinetomi, ayeza kükütsümi eno kichimiqo no pa küghaluve niye alaghi phuju ae, kughengu Jisü no aholetsa pikeu ye panongu vilo piani kepi panongu no ithi ake. Ikemu panongu ye aqokitikhi msà ae; ikehu panongu ye pa qhive no wuve.

John 16:25

“Ni ye aholetsa lono pi acheni kemu aholetsa ghola peithamove no mütsümishei keu lono I pù ghili pìní keu do lakhi chenie.

Luke 12:41

Peter no iniju, “Ampeu, no ye kimghi pìye keu tsa hipau ningu vilo piani keo kümtsü vilo piani kea?”

Luke 8:10

Jisü no pi, “Alhou kükaphuw tuqhou ghili ithukulupu pesü nongu tsüvae; ikemu ni ye kütami lau ye kimghi pìye keu lono pi cheni, tishianguno, “ ‘panongu ye ju pülaghi ithumla nani, eno ini pülaghi vethamla nani.’

Mark 12:1

Tisheno Jisü no aholetsaqo lono panongu vilo pithu: “Timi lakhi no atsailu lakhi chie. Pa no ti homüxa aghutu shive püzü atsaithi tsüghǜ nike ghenguno aqò chhupe qhi no aqoghe lakhi mülà pukuve. Tisheno pa no atsailu pesü alukichimi khami lau mishichive pe no a-a kütau wuve.

Mark 3:23

Tishikehu Jisü no panongu ku saighi püzü aholetsaqo lono ishi panongu vilo pi: “Satan ye kíshi no Satan haphe luni kea?

MATTHEW 24:32

“Mububo lono akükütsü hipau shikalulo: Kughou aloka lo apishe ipeghive püzü tipau nipa no miní ipeghiveni keno, nongu no tiye mütsü tsalà chea ipi ithive cheni.

MATTHEW 22:1

Jisü no itaghi aholetsaqo vechewo panongu pütsa ghi pi:

MATTHEW 13:4

Pa no apitì vesü akelo, hami no alaphe lo vesülu, ikelo aghauqo no ighino tipaqo mighive.