MATTHEW 13:12 - Sümi Tiqhelimi Bible

¹² Khuno no ani keno alau tsü nani, eno panongu ye kupukuno shi anani. Khuno no küha keno, pano no kiu aghíni keno, ti ghí pano lau no ikhipe wuve tsü nani.

BAIBEL (BSI)

¹² Kughengu timi khuu lau kiu aghini keno tipau lau alau shi tsu nani, eno pano kupukunoshi alupe nani; ikemu timi khuuno kiumu kuha keno pa lau kitila aghikeu ghi ikhisuwuve kepu shive nani.

Sumi Naga CL (Re-edited) Bible (BSI)

¹² Kughengu khuu lau tsüpüani keno, alau tsü küpha nani, eno pa ye kupukuno shi anani, ikemu khuu no kiumu küha keno, pa no kitila aghikeu ghi luve tsü nani.

MATTHEW 13:12 Referans Kwoze

MATTHEW 25:29

Kughengu khuno no ani keno alau tsü nani, eno panongu ye kupukuno shi anani. Khuno no küha keno, pano no kiu aghíni keno, ti ghí pano lau no ikhipe wuve tsü nani.

Luke 8:18

Tishiaye, no ye kíshi ini acheni keno kutokupui lo. Khuno no ani keno alau tsü nani; khuno no küha keno panongu no kiu ani ipi kümsü ani keno ti ghí ikhipe wuve tsü nani.”

Piyeküsü 2:5

No ye khikuto lo veqhivea keno kümsüjulo! Xaideghivelo eno nono atüghi lo mülà keu kümlàqo shilo. Nono xaidevemo aye I no O lau ighi nani eno O kulu ghopeqhi püakeu-a lono ikhive nani.

Luke 16:25

“Ikemu Abraham no ishi khochile, ‘Anu, Lazarus no shiluküsa shi ache kelo no ye O küxü kupuju akivi nhemgha ithulu chekeu kümsüchilelu lo, ikemu itehi Lazarus ye hilau alokughuno shi ani eno no ye ime anie.

MATTHEW 21:43

“Tighenguno I no nongu vilo pi anie, Alhou kükaphu ye nongu lau no ikhisüwuve no pesü khuno shiye no tipau pithikighishelu nani keno tipaqo tsüve nanie.

Luke 16:2

Tighenguno pa no püghükütsüu ku püzü pa vilo iniju, ‘I no O ghili chilu akeu hiye kiu kea? Ow akümlàqo kihikülai pe I tsülo, kughengu hinguno hilau ye O pelo püghükütsüu shipema ke.’

Luke 10:42

ikemu thime lakhi likhi avehupu shi ani. Mary ye kiu no akiviu keno ti kisheluvea, eno tiye li lau no ikhisüwuve mülae.”

Luke 9:26

Khuno no I ghenguno eno I tsape ghenguno kujomzani keno Timi Nu ghí kughou pa no pa juküvü, Apù juküvü eno akimthe kungumiqo juküvü lo ighini keno timi tipaqo je piphe tsümo nani.

Mark 12:9

“Tishiaye atsailu mpeu ye kiu shi nani kea? Pa ye ighino mishichi akemiqo pìthíve nani eno atsailu pesü kütami tsüve nani.

Luke 12:48

Ikemu hipaqo mtha no aghime ithulu küzüpu kümlà shive aghí keu qeu ye aküghülau lono heqhi nani. Kutomo tsüpe püa kemu kümtsü lau kutomo khu nani, eno khuu lau kutomo pichebe pe püani keno alá kutomo khu nani.

James 4:6

Ikemu pa no küpükini alau ningu tsü cheni. Tighenguno Kuchoyesü lo ishi pipüani: “Alhou no aqheküzami lachile cheni ikemu aqhokighemi kimiye tsü cheni.”