MATTHEW 10:26 - Sümi Tiqhelimi Bible

²⁶ “Tighenguno panonguqo msà kevilo, kughengu tilehi lakhimu pephe-piyemo keu shimo nani eno nhapüa keu lakhimu ithive pemo keu shimo nani.

BAIBEL (BSI)

²⁶ “Tishiaye, timi msakepu kuhae, kughengu pephe piyevemo nikeu kiumu nhape puamoe.

Sumi Naga CL (Re-edited) Bible (BSI)

²⁶ “Ikehu panoqo msa kevilo, kughengu thime lakhimu pephe mono nhave keu shimo nani, momu ithi pemono küsüve keu shimo nani.

MATTHEW 10:26 Referans Kwoze

Luke 8:17

Kughengu küsüpe püakeu lakhimu pephe-piyemo keu shimo nani eno nhapüa keu lakhimu ithive pemo keu shimo nani.

Mark 4:22

Kughengu küsüpe püakeu lakhimu pephe-piyemo keu shimo nani eno nhape püakeu lakhimu lhaphemo keu shimo nani.

1 Kor. 4:5

Tighenguno kughupüa keu do tomphi züu ye kiumu küghathabe kevilo; Ampeu no ighimo ke kutólo khe aghílo. Pa no àküzǘ lo kiu küsüpüani eno amlo lo kiu kümsüpù ani keno kümtsü aküvü lo pekiphe shive tsü nani. Tipau dolo no kümtsü Alhou lau no akishé ithulu nani.

MATTHEW 10:28

Khunoqo aphimpi pìthíve tsülu nani kemu angulho pìthíve tsü müla nani keno tipaqo msà kevilo. Tishini ke züqhu khuu no aphimpi eno angulho kinikujo amiyizü lono kütsave kulupu ani keno Pa msà alo.

1 Peter 3:14

Ikemu tsalá nongu no kiu no achipiu keno tipau ghenguno imeve kepu shi aghimu, nongu ye akümghapu ke. “Panongu no kichiqhi keqo lo msà kevilo; nongu shikümsave pe kevilo.”

Apostolmi 4:19

Ikemu Peter ngò John pama no khochile, “Alhou nhethe lo khikhiu no achipi kea: Nongu gholu keu no keo, pa gholu keu no kea? Nongu no küghatha julo.

Apostolmi 1:8

Ikemu kughou Aghungu Kimthe nongu shou ikughini keno nongu no aküka ithulu nani; eno nongu ye Jerusalem lo Judea qha kümtsü lo, Samaria lo eno ayeghi shekichi kutólo iw thopimiqo shi nani.”

Apostolmi 4:13

Kughou panongu no Peter ngò John pama mlo kumto ithulu püzü pama ye akiphiki lo wujumo kemi, inapügha timiqo paphi ipikeu ithive keno panongu ye akichiqhive no pama ye Jisü gholo ache kena ipi kimchiluve.

Luke 24:47

eno Jerusalem lono huthu no shiye kümtsü lau pa je lono amlo pebide eno axiné qhivetsü keu sütsa pesü asheshu nani.