MATTHEW 10:25 - Sümi Tiqhelimi Bible

²⁵ Kiphimiqo ghengu ye panonguw shikükami toi shilu ke kughomoe, eno aqemiqo ghí pa mpeu toi shilu ke kughomoe. Tsalá akibo lo akütsü shi akeu vilo Beelzebul ipi ku cheghi aye, akibolomiqo vilo ye tinguno alhoküsau aje kiu ku nani kea?

BAIBEL (BSI)

²⁵ Kiphimi huye pawu shikukau paphi shilukeuye lumkhae eno aquaxemino pa mipeu paphi shilu keuye lukumkhae. Tsala timino akibo lakhi mipeu vilo thotsu Belzebul ku tsu aye, tinguno alau aje kusa nongu tsu nani!

Sumi Naga CL (Re-edited) Bible (BSI)

²⁵ Akhopeu ye pa kükütsüu kimihi shilu keu no lukümkhae, tihutoi aqüaxeu ghi tishike. Timiqo no akibo mpeu vilo Beelzebul ipi kucheni aye, pa kibolomi kütami vilou ye kishi aje küsa tsünani kelae.

MATTHEW 10:25 Referans Kwoze

Luke 11:15

Ikemu panongu khami no pi, “Jisü ye Beelzebul tüghaküsaqow kükapuu küká vechewo tüghaküsaqo haphe anie.”

MATTHEW 12:24

Ikemu kughou Phariseemiqo no hipau chilu keno, panongu no pi, “Timi hipau ye Beelzebul kükapuu tüghaküsaqo küká vechewo tüghaküsaqo haphe anie.”

MATTHEW 9:34

Ikemu Phariseemiqo no ishi pi, “Hiye tüghaküsaqow kükapuu küká vechewo tüghaküsaqo haphe anie.”

John 7:20

Aqokitikhi no khochile, “No ye tüghaküsa no tsüghape anie. Khuu no O pìthíve niye pükapütsa ani kea?”

Mark 3:22

Jerusalem lono ayeza kükütsümi iqighi kemiqo no ishi pi, “Pa phi lo Beelzebul ilovae! Eno pa ye tüghaküsaqow kükapuu küká vechewo tüghaküsaqo haphe anie.”

John 8:48

Jewmiqo no pa khochile, “No ye Samariami eno tüghaküsa no tsüghape akemi kepi ningu no pikeu ye achipi ke kumo keshea?”

John 10:20

Panongu kutomo no pi, “Pa ye tüghaküsa no tsüghape akemi eno aghüzünikhami ke. Kushiye pa tsa ini ani kea?”

John 8:52

Jisü no hi pi kelo panongu no ishi ighamuku pi, “No ye tüghaküsa no tsüghape ani kepi ningu no ithivae! Abraham ye thivea eno tungkupumiqo ghí thivea, tishi keghi no ye khukhumu O tsa lukeu ye khilemu akithí michemo nani ipi ani.

MATTHEW 12:27

Eno tsalá I no Beelzebul vechewo tüghaküsaqo haphelu cheghi aye, now timiqo ye khuu vechewo tüghaküsaqo haphelu cheni kea? Tishiaye, nongu papemiqo no nongu kimchiluve nani.

Luke 11:18

Satan no pa likhi pa kijethave aye pa kükaphu ye kíshi no puthugholu nani kea? I no hi piakeu ye nongu no ni ye Beelzebul je lono tüghaküsaqo haphe cheni ipikeu ghenguno ke.

Luke 11:19

Itehi tsalá I no Beelzebul vechewo tüghaküsaqo haphelu cheghi aye, now papemiqo ye khuu vechewo tüghaküsaqo haphelu cheni kea? Tishiaye, nongu papemiqo no nongu kimchiluve nani.

Mark 10:39

“Nikujo ghí shilu nanie,” ipi pama no khochile. Jisü no pama vilo pi, “Nokujo ye I no ye keu jikhu lono yelu nani eno I gholau no baptiz shiluve nani,