MATTHEW 10:1 - Sümi Tiqhelimi Bible

¹ Jisü no pa khopemi chighikiniqo pa lau ku puwu, eno mithekumo ghunguqo haphelu pe nikeu, küsükini eno aküsǜ jeli kümtsü shipivilu pe nikeu kükagha pesü panoqo tsüe.

BAIBEL (BSI)

¹ Jisu no pa khopemi chighikini kulu puzu panongu pelo tughakusa haphelu, kusukini jeli eno tomo-chhimo keu kusu jeli shipivilu pe nike pano akuka pesu panoqo tsu.

Sumi Naga CL (Re-edited) Bible (BSI)

¹ Tishino Jisü no akhopemi chighikini pa lau kukumqo no panongu pelo aghau lhoksaqo qhasülu eno haphelu penike, eno aküsü ghime jeli kümtsü shipivilu penike aküka tsü.

MATTHEW 10:1 Referans Kwoze

Luke 10:19

I no nongu pelo apighi, achuwa pazá, eno aghümi küká kümtsü shou qodalu pe nikeu kükagha tsüvae; kiunomu nongu ghüzamo nani.

Luke 24:49

I pù no kiu piqhipüani keno I no nongu lau puwu nani. Ikemu nongu ye kunguu no aküka nongu shou ikughi moke kutólo mishighüna lo ngo aghílo.”

Apostolmi 1:8

Ikemu kughou Aghungu Kimthe nongu shou ikughini keno nongu no aküka ithulu nani; eno nongu ye Jerusalem lo Judea qha kümtsü lo, Samaria lo eno ayeghi shekichi kutólo iw thopimiqo shi nani.”

John 3:27

Ike John no khochile, “Timi lakhi ye kungugha lono kiu tsüvea keno tilikhi ithulu nanie.

Luke 6:13

Kughou inaqhe shive keno pa no pa pape chekemiqo ku eno panongu chighikini kishelu, pa no tipaqo pesü Apostolmiqo ipi kuve tsü:

Luke 21:15

Kughengu I no nongu ghümi pelo khochile mülave momu nongu no pikeu lo puthugho mülave pe kepu shi atsa eno alokütsü pesü nongu tsü nani ke.

Apostolmi 19:15

Ghulo lakhi tüghaküsa ghawu hu no panoqo vilo ishi khochile, “Ni ye Jisü ithi ani eno Paul ghí ithi ani, ikemu nongu ye khunoqo kea?”

John 17:2

Kughengu nono timiqo kümtsü shou kükagha puloza pesü pa tsüke eno pa pelo lhokta küxü pesü nono pa tsüke miqo kümtsü lau tsülu peniye ke.

John 6:70

Ike Jisü no khochile, “Ni ye nongu Chighikini kishelu ke kumo keshea? Ikemu nongu dolo lakhi ye tüghami ke!”

John 3:35

Apù ye Anu kimiye cheni eno thowkha kümtsü pa u lo sǘvetsüae.

Piyeküsü 12:1

Tisheno kungugha lo amichipu kijè lakhi ipeghi: eno totimi lakhi no khetsünhe usü ipeghi, li pukhu no aqhi nepe eno ayepu chighikini kütsükuqho lakhi no li kütsü lo ae.

MATTHEW 26:47

Jisü no atsa piaphi lono Chighikini dolo lakhi Judas ipikeu ighive. Pa gholo achinetomi ngò kichimiqo no puwu kemi timi kutomo no akihizüta eno asüthaluqo khapesü ighi khave.

MATTHEW 26:20

Avela shive kelo, Jisü no pano Chighikini sasü aghulhu lipa lo iqae.

MATTHEW 19:28

Jisü no panongu vilo pi, “Kuchou no I no nongu vilo pìní, thowkha kümtsü akithé shikitheve kelo, eno kughou Timi Nu no pa juküvü küká lakhü lo iqani keno, nongu I pape chekemiqo ghí aküka lakhü chighikini lo iqa no Israelmi lagha chighikini shou xaküthau shi nani.

MATTHEW 6:13

Eno ningu pelo ghukuju lo ilove pe kevilo ikemu küsakügha lau no ni xaphe tsülo. Kughengu akükaphu, aküka eno ajekipi ye alhokupuju lo ow ke. Amen.’

MATTHEW 4:23

Jisü ye Galilee qha kümtsü lo wu no synagogqo lo kütsü, akükaphu sütsa kiviu pesü asheshu eno küsükinimi ngò aküsǜ jeli kümtsü shipivi ae.

MATTHEW 9:35

Jisü ye mishiphu eno aphuqo kümtsü lo wu no synagogqo lo kütsü, akükaphu sütsa kiviu pesü asheshu eno küsükinimi ngò aküsǜ jeli kümtsü shipivi ae.

MATTHEW 9:38

Tighenguno ghile Mpeu vilo, pa lu lo ajumiqo puhu tsü penike inikhulo.”