Mark 8:35 - Sümi Tiqhelimi Bible

³⁵ Kughengu khuno no pano likhi pano küxü süsho nishi cheni keno pühave nani, ikemu khuno no aküxü ikhiphe pe ni eno atsakiviu ghenguno tsüveni keno xaluve nani.

BAIBEL (BSI)

³⁵ Kughengu timi khuno pa kuxu pukhani keno puhave nani, ikemu timi khuno ighenguno eno alokivipu-tsa ghenguno pa kuxu puwove nikeno ti xalu nani.

Sumi Naga CL (Re-edited) Bible (BSI)

³⁵ Kughengu khunono pano küxü pükhani keno pühave nani, ikemu I ghenguno eno atsakiviu ghenguno aküxü tsüve kemi no ti xalu nani.

Mark 8:35 Referans Kwoze

1 Kor. 9:23

I no hi kümtsü shikeu ye atsakiviu ghenguno shike, tishianguno atsakiviuw kükümgha lo küsajelu niye ke.

2 Tim. 1:8

Tighenguno ningu Mpeu momu pa ghenguno I no akughu shikeu ghili ashepe shini keu kujo kevilo. Tishini ke züqhulo, Alhou küká vechewo atsakiviu ghenguno ime nike I gholo kutubo lo.

Luke 17:33

Khuno no pano likhi pano küxü süsho niye pükapütsa cheni keno pühave nani; khuno no pano küxü tsüveni keno xaluve nani.

MATTHEW 16:25

Kughengu khuno no pano likhi pano küxü süsho nishi cheni keno pühave nani, ikemu khuno no aküxü ikhiphe pe I ghenguno tsüveni keno xaluve nani.

MATTHEW 19:29

Eno I je ghenguno aki-alu, athiküzümi momu achelimi, apù momu azá, anipu momu anuliqo qhive kemi kümtsü ghuthu aqhe no küghüsü ithulu nani eno lhokta küxü ighílu nani.

MATTHEW 10:39

Khuno no pano küxü phuluni keno pühave nani, eno khunoqo no I ghenguno pano küxü tsüveni keno xaluve nani.

2 Kor. 12:10

Tishikehu, Khristo ghenguno tomo-chhimo keqo, jukünatha keqo, ghichhe-ghime shikeqo, pishi-puju keqo eno kushokütsü jeli shikeqo lo ni ye I lokiqi shi acheni. Kughengu kughou I no tomo-chhimoni keno, ni ye mutotoilu cheni.

Apostolmi 9:16

I je ghenguno pa ye khijehi ime moayesa keno I no pa pìye nani.”

Luke 9:24

Kughengu khuno no pano likhi pano küxü süsho nishi keno pühave nani; ikemu khuno no I ghenguno pano küxü tsüveni keno pano ye xaluve nani.

Piyeküsü 12:11

Panongu no pa shou toluvae tiye Ambeti jì vechewo eno panongu no kuchou shepe tsa pikeu vechewo no ke; panongu ye ighono panongu küxü kimiyemo ke eno panongu ye thive nikeu kutólo msàmo ke.

MATTHEW 10:22

I ghenguno timi kümtsü no nongu mithi nani, ikemu khuu no ashekha kutólo mutotoi puthugho aghíni keno xaluve nani.

Piyeküsü 2:10

Nono imeve niye akeu ghenguno msà kevilo. I no O vilo piani, tüghami ye nongu peju nike ghenguno akughuki lo nongu khami sǘ nani, eno nongu ye atsala chighí kutólo pishi-puju no ghimeqhi nani. Ikemu akithí kutólo pükhübekulu shilo, tishiaye I no aküxüpu pesü ow tokulu kütsükuqho shitsü nani.

Apostolmi 21:13

Ikelo Paul no khochile, “Nongu ye kushiye anhezü-piji eno I mlo shikighimeve tsü ani kea? Ni ye I tsüghaluve pe keu likhi kumo püzü Jerusalem lo Ampeu Jisü je ghenguno thiveni ke kutò pe anie.”

Piyeküsü 7:14

I no ishi khochile, “Akijeu, nono ithi anie.” Ikelo pa no pi, “Timi hipaqo ye aghime kitikhi kijè hechesü ipeghi kemiqo ke; panongu ye panonguw chijeboboi-phiqo ishivae eno Ambeti jì lono miyetsüghoi kughulhovae.

IBRIMI 11:35

Totimiqo pelo pano kibolomi thive kemiqo itaghi aküxü lo xüputhuve keu ithulu pe ke. Kütamiqo ye ghimeqhi ake, eno panongu ye kuqhopheve nikeu lo milive ke tishianguno panongu ye tinguno akiviu xülekuthu hu ithulu kepu shipe niye ke.

Apostolmi 20:24

Tishimu I ghengu ye I küxü pesü ameküa shi kümsü chemoe, I kimiji ye Alhou’w küpükini tsakiviu pesü ashepe shini keu kümlapù saje khikhi Ampeu Jisü no I tsü keno tipau mülà kupuve no ashetove niye po cheni.

Mark 8:36

Timi lakhi no ayeghiqha kuchopu paw shive aghí namu, pa ngulho xamlave aye kiu alá ani kea?