Mark 8:12 - Sümi Tiqhelimi Bible

¹² Jisü no amloghuju thuthu shè püzü ishi pi, “Kushiye tiqheli hipau ye amichipu kümlà khu acheni kea? Kuchou no I no nongu vilo pìní, amichipu kümlà kiumu tiqheli hipau tsüní chemoe.”

BAIBEL (BSI)

¹² Jisu no amlo ghujulo tuthu kishe toi pa tuthu sheno pi,”Kushiye hipa tiqhelimi qoye amchipu phucheni kya? Kuchouno ino nongu vilo pini, hipa tiqhelimi lau amchipu tsumo nani”. Tishino paye panoqo launo cheve eno ashukalo ilono azughi kathasu tuxau ikuve.

Sumi Naga CL (Re-edited) Bible (BSI)

¹² Pa no amlo alou no atuthu akuloghiu shephe no pi, “Kushiye hipa tiqhelimi ye amchipu phu acheni kea? I no mtsüqheino nongu vilo piani, hipa tiqhelimi lau amchipu kiumu tsümo nani.”

Mark 8:12 Referans Kwoze

Mark 7:34

Pa no atsütsǘ lo jupuku no atuthu kijè shè ghi timi tipau vilo ishi pi, “Ephphatha!” (hipau kiqi ye “Khaqhivelo!”).

MATTHEW 16:4

Küsakügha eno amikucho kumo tiqhelimi no amichipu lakhi phu cheni, ikemu Alhou no tungkupu Jonah lau amichipu tsü keu nguno alau kütau ye tsümo nani.” Tisheno Jisü ye panoqo qhive no wuve.

Luke 19:41

Kughou pa no Jerusalem kupunú ighive no mishighüna tipau ithulu keno, pa ye tipau ghenguno mloqa

Mark 9:19

Jisü no khochile, “Nongu pülükümla tiqhelimiqo, ni ye khitohi nongu sasü anani kea? Eno ni ye khitohi nongu gholo ache nani kea? Apú I lau sasü ighilo.”

Mark 6:6

Pa ye panongu küpülü küküha ju pesü akümzave ke. Tisheno Jisü ye ache-axü lo aphu lakhi lono lakhi lo kütsüsü wue.

Mark 3:5

Jisü no pa mlo ide ghi ighowo panongu jupuwo, eno panoqo mlo kuthò ithulu no pa mloküsa shive püzü timi tipau vilo pi, “O u xachholo.” Pa no pa u xachho eno pa u ye kupukülai athoputholuve.

MATTHEW 12:38

Ikelo Phariseemiqo eno ayeza kütsüchekemi khami no pa vilo pi, “Akükütsüu, ningu ye O lau no amichipu ithulu nishi anie.”

Mark 8:13

Tisheno pa ye panongu qhive püzü ashuka lo ide ikuve no azü hukukuu ikuve.