Mark 16:6 - Sümi Tiqhelimi Bible

⁶ Pa no pi, “Msà kevilo. Nongu ye Nazareth nó ghami Jisü khuu yeda pìthíve keno pa ju niye cheni ke. Pa ye xülethuvae! Pa ye hilehi kühae. Panongu no khilehi pa qhove keno tipau-a julo.

BAIBEL (BSI)

⁶ Panoqo vilo pano ishi pi, “Msakevilo, nonguye Nazaret noghami Jisu kros lo yedavekeu hu phuchenike. Ikemu paye hile kuha, paye xuthuvae. Julo, panonguno hilehi pa pewo qhike.

Sumi Naga CL (Re-edited) Bible (BSI)

⁶ Pa no pi, “Akichiqhi kevilo, Nazarethmi Jisü khuu kros lo yeda pithive keno, nongu no phuche keu ye xüthughivae. Pa ye hile kühae! A-a khile pa qhipüa keno julo.

Mark 16:6 Referans Kwoze

Luke 24:46

Pa no panoqo vilo pi, “Kiu yèpüani keno tiye hike: Messiah ye ime nani eno aküthüni ye akithí lono xüchilethuve nani,

Apostolmi 4:10

hi ithilo, nongu Israelmi kümtsü: Hiye Nazareth nó ghami Jisü Khristo khuu nongu no yedave kemu Alhou no akithí lono xüputhuve keno pa je lono timi hipau shipivive no nongu zülo puthugho ani.

Mark 1:24

“Nazareth nó ghami Jisü, no ye ningu lau no kiu avehupu shi ani kea? No ye ningu kütsave niye ighi ani keshea? No ye khuu keno I no ithi ani, no ye Alhou’w Akimtheu hu ke!”

MATTHEW 12:40

Kughengu Jonah no pucho tsalà küthü eno putho tsalà küthü akha kuloghi kive lo ngove ketoi, Timi Nu ghí pucho tsalà küthü eno putho tsalà küthü ayeghi pola lo ngo nani.

Mark 10:34

Jewkumomiqo no pa thaigha püzü amití pesü pa shou müsüte puku nani eno pa heqhi no pìthíve nani. Eno pa ye atsala aküthüu lo xülethuve nani.”

Mark 1:27

Timi kümtsü no shishe akümzaqhiyive no panongu dolo ishi iniju kilé auve, “Hiye kiu kea? Anguagha akeu kükütsü kithé lakhie! Pa no mithekumo ghunguqo kutólo azah tsüe eno tipaqo no pa gholu ke.”

Mark 9:15

Timi kümtsü no Jisü ithulu kemtsa panongu lokivi gholo no thüghüive eno pa sasü kusho niye posü ighie.

Mark 14:33

Pa no pa gholo Peter, James eno John sasü wuve, eno pa ye shishe amloküsa eno akükümsü kütakihi thuve.

Apostolmi 2:24

Ikemu Alhou no akithí lono pa xüputhuve no akithí kushuküqha lono pa kuqhopheve ke, kughengu akithí ye pa küghape qhipüaveni keu kushokütsüpu shive ke.