Mark 16:17 - Sümi Tiqhelimi Bible

¹⁷ Eno khuno no pülübeni keno amichipu hipaqo pano gholo anani: I je lono panongu no tüghaküsaqo haphelu nani; panongu no amili kithé lono pi nani,

BAIBEL (BSI)

¹⁷ Kupulumi lau amchipukuka hipaqo panongu gholo anani: Ije lono panonguno tughami haphelu nani, panonguno amli kithe lono pi nani;

Sumi Naga CL (Re-edited) Bible (BSI)

¹⁷ Amchipu hipaqo no pülü luve kemi gholo anani: I je lono panongu no tüghami haphelu nani; panongu no amilikithe lono atsa pi nani;

Mark 16:17 Referans Kwoze

Apostolmi 5:16

Jerusalem sükümxa lo mishiphu akeqo lono küsükinimi eno mithekumo ghungu no ghimeqhi akemiqo sasü ighino aqokitikhi kumqo, eno panongu kümtsü shikipivi ithulue.

1 Kor. 12:28

Ike Alhou no akukuhou lo hitoi qhipüatsü ani: atüghishi apostolmi, akiniù shi tungkupumi, aküthüu shi kükütsümi, tithiu no akümzapu kümlamì, tithiu no shikipivi ghò tsüpüa kemi, kuphukulumi, saphekulumi eno amili kithé lono pilu kemi.

1 Kor. 12:10

kütami lau akümzapu mülàlu kepu küká tsü cheni, lakhi lau tungkuptsa pikulupu ghò tsü cheni, kütami lau ye Alhou Ghungu lau no ighi keo mokeno kimchi kulupu ghò tsü cheni, lakhi lau ye amili kithé jeli lono pikulupu ghò tsü cheni, eno kütami lau amili kithé jeliqo pebidekulupu ghò tsü cheni.

Apostolmi 8:7

Kughengu mithekumo ghungu no ighamuku ghi timi kutomo phi lono ipeghi, eno aphimpi ithamlave kemi ngò apukhu kinitave kemi kutomo shipivi ke.

Luke 10:17

Lhotsüni kini hu no alokivishi ideighi no pi, “Ampeu, tüghaküsaqo ghí O je vechewo ningu qhoqhüe.”

Apostolmi 10:46

Kughengu panongu mili lono pi aghí keu eno Alhou sheqhe aghí keu panongu no chilu ke. Tile Peter no pi,

John 14:12

Kuchou no I no nongu vilo pìní, khukhumu I shou pülü kemi ye I no shi chekeu kümlàqo shi nani, eno panongu ye hipaqo nguno akijeu kümlà ghí shi nani, kughengu ni ye Apù lau wucheni ke.

Apostolmi 19:6

Eno kughou Paul no pa u pesü panongu shou be keno Aghungu Kimthe no panongu shou ighi, eno panongu no amili kithe lono atsa pi eno tungkupu tsa pie.

1 Kor. 14:2

Kughengu timi khuu no amili kithé lono piani keno pa ye timi pütsa anike kumoe ikemu Alhou pütsa anike. Kuchou lo ye, timi khunomu panongu no piakeu vethalu chemoe; panongu ye Aghungu vechewo Alhou’w tuqhouqo piqhi cheni.

1 Kor. 12:30

Panongu kümtsü no shikipivi ghò ani keshea? Panongu kümtsü no amili kithé lono pi cheni keshea? Panongu kümtsü no amili kithé lono pikeu pebidelu cheni keshea?

1 Kor. 13:1

Ni ye timi mili momu kungumi mili lono atsa pi aghiluvi, ikemu kikimiye küha aye ni ye ayì kihe ghügha lakhi paphi ke momu küghapayi pesü kügha keu ghügha lakhi paphi ke.

Apostolmi 16:18

Li no ghulo atsütsǜ hitoi shiauve. Ikehu Paul ye azüzüve no tsüghüwo aghawu vilo pi, “Jisü Khristo je lono O pelo li qhive no ipeve penike I no azah O tsü anie!” Tipa mtsa aghawu no li qhive no wuve.

Mark 9:38

John no ishi pi, “Akükütsüu, timi khami no O je lono tüghaküsaqo haphe aghí keu ningu no ithulu ke ikemu pa ye niqomi kumo ke ghenguno pa lakhave ke.”

Apostolmi 2:33

Pa süqhe pesü Alhou u ajeu qhi eno Apù lau no tushoqhi püakeu toi Aghungu Kimthe ithulu püzü nongu no itehi ithulu eno chilu akeu toi lepuku tsüke.