Mark 15:43 - Sümi Tiqhelimi Bible

⁴³ Arimathea nó ghami Joseph no amlo kumto shi Pilate lau wu püzü Jisü sükumo khue. Joseph ye Mijetsümi mqo lo akhotomi lakhi eno pa ye Alhou kükaphu ighi nikeu ngokhe acheke.

BAIBEL (BSI)

⁴³ Ike Arimathia noghami Josef no ighi. Paye Judami Hoho lo kihikusumi lakhi eno kutamino qhoqhughi achekemi eno pa ghi Alhou yehkipe ighinikeu juachekemi, ikehu pano amlo kuloghishi puzu Pilat lau wuno Jisu sukumo khu.

Sumi Naga CL (Re-edited) Bible (BSI)

⁴³ Arimatheami lakhi, hoho mpemi agigihu küami khuu ampi no Alhou yekipe ghi laju chekeno, Joseph ipikeu no amlo kuloghi shi püzü Pilate lau wuno Jisü sükumo khu.

Mark 15:43 Referans Kwoze

Luke 2:38

Tipau tüqhüdo lo, li no Simeon ngò Mary eno Joseph noqo lau ighino Alhou shikimthi eno Jerusalem xachile luni ke khe akemiqo kümtsü lau anu ghili pesü pitsü.

Luke 2:25

Jerusalem lo timi amikuchomi eno Alhou sükümsami lakhi Simeon ipikeu ache. Aghungu Kimthe no pa shou ache eno pa ye Alhou no Israel lokughuno tsü nikeu khekulhoshi acheke.

Luke 23:51

pa ye aqo-aho no kiu xakütha shi püzü kiu mülave keno tipau lo puloküqhamo kemi ke. Pa ye Judea lo mishiphu Arimathea lono ighi kemi, eno pa ampi ghí Alhou kükaphu ngokhe ache kemi ke.

Apostolmi 17:12

Tishikehu, kutomo no pülüluve, Greek totimi akimchimiqo ngò Greek kipitimiqo kutomo ishi no pülüluve.

John 19:38

Tipathiu Arimathea nó ghami Joseph no Pilate vilo Jisü sükumo khu. Joseph ye Jisü khopemi lakhi kemu Jewmi sakiphemiqo msà keu ghenguno pa ye tuqhou no Jisü pape che. Ike Pilate’w puloza pesü pa no ighino Jisü sükumo pewuve.

MATTHEW 27:57

Avelau shive kelo, Arimathea lono ighi kemi kiními lakhi Joseph ipikeu ighi. Pa ghí Jisü papeluve kemi lakhi ke.

FILIPIAMI 1:14

Eno I no akughuki lo akeu ghenguno athiküzümi eno achelimiqo akichiù no Ampeu shou pülükibe qhiluvea eno akümsa küha no atsakiviu pesü asheshu nikeu lo alau amlo kumto shiluvae.

Apostolmi 13:50

Ikemu Jewmi sakiphemiqo no Alhou sükümsami totimi aqo-aho lo ampemi eno mishighüna lo ajekipi sakiphemi kipitimiqo xukuthove. Panongu no Paul ngò Barnabas pama pishi-puju nikeu xukutho no tipa qha lono hapheve penike panongu xukuthoe.

Mark 14:54

Peter ye putou no achinetomiqo shou atou ki khalau kutólo Jisü papesü ighi. Tilehi pa ye aghükhemiqo gholo iqa no pa likhi pa vapülü ghi ami pügha ae.

MATTHEW 20:16

“Ikehu ashekhami no atüghimi shive nani, eno tihutoi atüghimi no ashekhami shive nani.”

MATTHEW 19:30

Ikemu atüghimi kutomo no ashekhami shive nani eno ashekhami kutomo no atüghimi shive nani.”

Mark 15:44

Pilate ye Jisü thiva pikeu chilu no akümzave. Ike pa no aqhe shou zatsüu ku no pa vilo Jisü ye thivea keshea ipi iniju.

Luke 23:50

Ike tile timi lakhi Joseph ipikeu ae, pa ye Jewmi Hoho lo kihimpemi, akivimi eno achipiu shi chekemi,