Mark 14:41 - Sümi Tiqhelimi Bible

⁴¹ Aküthüu ideighi kelo, Jisü no pano küthü vilo pi, “Nongu ye itehi kutólo akulhoqhi zü aphi keshea? Kughomae! Ado hu ye ighivae. Julo! Timi Nu ye axinemiqo u lo phesüve tsüae.

BAIBEL (BSI)

⁴¹ Pano akuthuu ideghi kelo, ishi panoqo vilo pi, “Nonguye itehi kuto zuani eno nongu kulhoqhi ani kesha? Tino lumkhae, atuqhudo hu ighivae. Julo, ni Timi Nu ye axinemi ulo thechu shisuvae.

Sumi Naga CL (Re-edited) Bible (BSI)

⁴¹ Ghuthu aküthüu loye pa no ighi no panoqo vilo pi, “Nongu ye itehi kutolo züaphi keshea? Tino kughomae; ado huye ighivae. Timi Nu ye küghape axinemi u lo thechu shisüvae.

Mark 14:41 Referans Kwoze

Mark 14:35

Pa no kitila chesü wu no ayeghi lo qhoqhünhe pe ngo no tsalá shikulupu shi aghí aye atüqhüdo tipau pa lau no ikhisüwuve tsü penike inikhue.

Mark 9:31

kughengu pa ye pa khopemiqo kütsü ake. Panongu vilo pa no ishi pi, “Timi Nu ye ikhipe pesü timiqo u lo sǘve tsüní cheni. Panongu no pa pìthíve nani, eno atsala aküthüni lo pa ye xülethuve nani.”

John 17:1

Jisü no hipau pive kethiu pa no kungugha küdau jupuku no inikhu: “Apùo, ado hu ye ighivae. O Nu juküvü shitsülo, tishianguno O Nu pelo O juküvü shi tsülu pe kepu shi.

Apostolmi 7:52

Nongu pù-asüqo no pishi-pujumo keu tungkupumi lakhimu akeshea? Panongu ye khunoqo no Amikuchomi Lakhi ighi nani ipi pichho keno tipaqo ghí heqhipithíve ke. Eno itehi ye nongu no pa jechuve eno ghiqhi pithivae—

John 12:27

“Itehi ye I mloküsa shivae, eno ni ye kiu pìní kea? ‘Apùo, asüchedo hipau lono I xalulo ipini keshea’? Moe, ni ye asüchedo hipau ghenguno ighike.

John 12:23

Ikelo Jisü no khochile, “Timi nu juküvüpu shini keu tüqhüdo ighivae.

John 8:20

Atsa hipaqo ye achineki khala lo akümlaghoqo süche keu phivilo kütsü ake lono pikeqo ke. Ikemu pa do ighimo no akehu timi khumu pa küghamoe.

John 7:30

Tishi akelo panongu no Jisü kügha niye shi, ikemu pa do ighimo no ake ghenguno timi lakhimu pa shou au bepukumoe.

Mark 14:18

Panongu no aghulhu lipa lo chu akelo, Jisü no pi, “Kuchou no I no nongu vilo pìní, nongu lakhi no I pesü thechu shive nanie.”

Mark 14:10

Ikelo Judas Iscariot khuu chighikini dolo lakhi keno, pa ye Jisü pesü thechu shive niye achinetomiqo lau wuve.

Mark 7:9

Eno Jisü no kibe ghi pi, “Nongu ye nolikhi no kukhuayeqo pape anike ghenguno Alhou zakütsüqo ye akivishi ghakütsü pesü akou qhive anie!

MATTHEW 26:2

“Nongu no ithi akeu toi, Hechekulu ghulhu shini keu atsala kini likhivea eno Timi Nu küghape yeda pìthíve penike ikhiphe pe tsüve nani.”

Mark 14:40

Kughou Jisü no pano küthü lau ideighi keno, panongu ye itaghi zü aghí khave, kughengu panongu ye anhethimu tsükho müla no zümamai ake. Eno panongu ye pa vilo kiu pi kepu keno mtha no ae.

Mark 14:42

Ithulo! Ningu wuveni shilo. I küghape thechu shive niye akeu hu ye hi ighivae.”