Mark 12:17 - Sümi Tiqhelimi Bible

¹⁷ Ikelo Jisü no panongu vilo pi, “Kiu no Caesar’w keno Caesar tsüchilelo eno kiu no Alhou’w keno Alhou tsülo.” Ikelo panongu ye pa ju pesü akümzave.

BAIBEL (BSI)

¹⁷ Jisu no panoqo vilo pi, “Kaisar wuno kiu keno pesu Kaisar tsulo, eno Alhou wuno kiu keno pesu Alhou tsulo.” Tile panonguye pano ti pikeulo akichiqhive.

Sumi Naga CL (Re-edited) Bible (BSI)

¹⁷ Jisü no panoqo vilo pi, “Caesarw pesü Caesar tsülo, eno Alhouw pesü Alhou tsülo.” Ikelo panongu ye pa jupe akümzave.

Mark 12:17 Referans Kwoze

Rommi 13:7

Nono api pù akemi kümtsü lau kiu tsü kepu ani keno tsülo: Zame tsü kepu shi aghí aye, zame tsülo; yepeka lau asüqha jeli tsü moayesa kepu shi aghí aye, tsülo; qhoqhü moayesa kepu shi aghí aye, qhoqhü lo; gihu moayesa kepu aghí aye, agigihu tsülo.

1 Peter 2:17

Kümtsü lau agigihu achipi shi pìyelo, athiküzümi eno achelimi küpülümiqo kimiye lo, Alhou sümsa lo, qhasükükau gihu lo.

Rommi 6:13

Nongu phi-au lakhimu pesü küsaküghaw küghaküsü shi ghi axiné lau ikhiphe tsü kevilo, ikemu tishini ke züqhulo akithí lono aküxü shive kemiqo toi O likhi O küxü pesü Alhou lau ikhiphe pe tsülo; eno O phi-au eno O mlo kükümsü kümtsü pesü achipiumikucho küghaküsü lakhi toi ikhiphe pe pa tsülo.

Rommi 12:1

Tighenguno athiküzümi eno achelimiqo, Alhou’w kimiyekini vechewo I no nongu qhüiniju ani: nongu phimpi pesü aküxü no mülá keu kümlagho shi akimthe eno Alhou pulou lono ikhiphe pe tsülo. Alhou mülá nikeu lo hino kuchou eno achipiu ke.

MATTHEW 22:46

Timi khuu nomu atsa lakhimu khochile mülave, eno tipau tsalà lono pa vilo iniju nikeu lo timi kümtsü no ighüve.

MATTHEW 22:22

Kughou panongu no ti chilu keno, panongu ye akichiqhive. Ikehu panongu ye pa qhive no chesü wuve.

Mark 12:30

O mlo, O ngulho, O kükümsü, eno O kumto kümtsü pesü O Mpeu O Lhou kimiye lo.’

MATTHEW 22:33

Kughou panongu no ti chilu keno, aqokitikhi timiqo ye Jisü kükütsü ini pesü apuchopungove.

MATTHEW 8:10

Kughou Jisü no hi chilu keno pa ye akichiqhive eno pa pape chekemiqo vilo pi, “Kuchou no I no nongu vilo pìní, ni ye Israel lo aküpülü kuloghi hitoi kemi lakhimu phu müla aphie.

MATTHEW 22:21

“Rommi kükau ke,” ipi panongu no khochile. Tisheno pa no panongu vilo pi, “Imaye Caesar’w kiu keno pa tsüchilelo eno Alhou’w kiu keno Alhou tsüchilelo.”

Mark 12:16

Panongu no ghükayi peighi, ikelo pa no panoqo vilo iniju, “Hiye khuu julho kea? Eno khiu shisü püani kea?” “Caesar’w,” ipi panongu no khochile.

Luke 20:25

Ikehu pa no panongu vilo pi, “Tishiaye kiu no Caesar’w keno Caesar tsüchilelo eno kiu no Alhou’w keno Alhou tsülo.”