Luke 9:50 - Sümi Tiqhelimi Bible

⁵⁰ Ikemu Jisü no pi, “Pa lakha kevilo; kughengu khukhumu nongu lachilemo kemi ye nolaumi ke.”

BAIBEL (BSI)

⁵⁰ Ikemu Jisu no Johan ngo akhopemi vilo pi, “Pa lakha kevilo; kughengu khuno nongu sasu kichekiyi shimono aghini keno tiye nolaumike.”

Sumi Naga CL (Re-edited) Bible (BSI)

⁵⁰ Ikemu Jisü no pa vilo pi, “Pa lakha kevilo, kughengu khuu no nongu külamo keno pa ye no ngulami ke.”

Luke 9:50 Referans Kwoze

Luke 11:23

“Khunoqo no I gholo chemo keno I mujochile ani, eno khunoqo no I gholo hekütsümoni keno panapaghaive nani.

MATTHEW 12:30

“Khunoqo no I gholo chemo keno I mujochile ani, eno khunoqo no I gholo hekütsümoni keno panapaghaive nani.

1 Kor. 12:3

Tighenguno I no nongu pelo ithi penishi akeu ye khukhumu Alhou Ghungu vechewo piche kemi ye, “Jisü ye müsüinivea,” kepi pimo nani, eno Aghungu Kimthe vechewo likhi no kumo aye khunomu, “Jisü ye Ampeu,” kepi pimla nani.

Luke 16:13

“Timi khumu ampeu kini qüaxemi shimlae. No ye lakhi mithive no lakhiu kimiye nani, momu no ye lakhi qhoqhü püzü lakhiu phimo nani. No ye Alhou eno küakini küma kinikujo qüaxeu ye shimlae.”

Mark 9:41

Kuchou no I no nongu vilo piani, nongu no Messiah papemi shi aghí keu vechewo timi khuu no azü ajikhu lakhi likhimu nongu piyéni keno panongu ye khilemu panow qesaxu pühamo nani.

MATTHEW 17:26

“Kütamiqo lau noe,” ipi Peter no khochile. Ikelo Jisü no pa vilo pi. “Tishiaye anuliqo ye tsü pemo kepue.”

MATTHEW 17:24

Kughou Jisü ngò pa khopemiqo no Capernaum lo ighi keno, achineki zame ghükayi kini qha chekemiqo no Peter lau ighi eno pa vilo iniju, “Nongu kükütsüu ye achineki süqha tsüchemo keshea?”

Mark 9:38

John no ishi pi, “Akükütsüu, timi khami no O je lono tüghaküsaqo haphe aghí keu ningu no ithulu ke ikemu pa ye niqomi kumo ke ghenguno pa lakhave ke.”