Biblia Todo Logo
Bib sou entènèt

- Piblisite -




Luke 9:48 - Sümi Tiqhelimi Bible

48 Tisheno panongu vilo pi: “Khukhumu I je lono itimi hitoi keu sasüni keno ni sasü anie, eno khuno no ni ikhiluni keno I puwu akeu ikhilu ani. Kughengu nongu gholo khuu no akitilau keno pa no kümtsü nguno akijeu ke.”

Gade chapit la Kopi

BAIBEL (BSI)

48 eno panongu vilo pi: “Khunono ije lono itimi hipau ikhilu keno ni ikhilu anie, eno khunono ni ikhiluni keno ipuwu akeu ghi ikhilu ani. Kughengu nongu gholo khuuno akitilau keno pano akijeue.”

Gade chapit la Kopi

Sumi Naga CL (Re-edited) Bible (BSI)

48 eno panongu vilo pi, “Khukhumu I je lono itimi hitoi kemi ikhilu keu ye ni ikhilu ani, eno ni ikhilu keu ye khuu I puwu keno, Pa ikhilu ani. Kughengu nongu gholo khuu no aghulou keno, pa no akijeue.”

Gade chapit la Kopi




Luke 9:48
23 Referans Kwoze  

Kughengu khuno no alikhi ampi pesü süqhe cheni keno kuchunuve nani eno khuno no alikhi ampi pesü kuchunu cheni keno süqheve nani.”


Tighenguno, nongu ye Alhou kumto u qholo nolikhi nongu pesü akuchunumi shilo, tishianguno pa no pa dokivi lono nongu sünheqhe nani ke.


Ikemu nongu ye tishi kepu kumoe. Tishini ke züqhulo nongu gholo akijeu no akitilau toi moayesa, eno khuu no ayè pe ani keno pa ye aqeu toive moayesae.


Kuchou no I no nongu vilo pìní, khukhumu I no puwu keu ikhilu keu ye ni ikhilu ani; eno khukhumu ni ikhilu keu ye I puwu akeu ikhilu ani.”


“Khukhumu nongu tsa ini akeu ye I tsa ini anie, eno khukhumu nongu milive akeu ye I milive anie; ikemu khukhumu I mili kemi ye I no puwu akemi milive anie.”


Khuu no tokuluu keno, I no tokulu shilu no I pù gholo pa küká lakhü lo iqa keu toi I no pa pelo I gholo I küká lakhü lo iqa pe nani.


Tighenguno, khukhumu hipau shikakütsü milive keu ye timi milive anike kumoe ikemu Alhou khuu no pa Ghungu Kimthe pesü nongu tsü keno pa milive anie.


I yezaqo ikhilu eno pelu chekemiqo ye I kimiye cheni. I kimiye chekemiqo ye I pù no pa kimiye nani, eno ni ghí panoqo kimiye eno panongu lau I likhi I pìye nani.”


tishianguno nongu ye I kükaphu lo I gholo kümtsa chu-sho nani, eno aküka lakhü lo iqa no Israel lagha chighikini shou xakütha shi nani.


I no nongu vilo piani, totimi no punú kemiqo dolo khunomu John nguno akijeu kühae; ikemu Alhou kükaphu lo khuu no aghulou keno pa ye John nguno akijeu ke.”


“Timi khuu no I je lono itimi hitoi keu sasüni keno ni sasü anie, eno khuu no ni sasüni keno pa ye I sasǘ anike kumoe ikemu I puwu akeu sasǘ anike.”


“Pa no khochile nani, ‘Kuchou no I no nongu vilo pìní, nongu no akitilau hipaqo lau kiu mülàmove keno, tiye I lau mülàmo keu ke.’


“Akükau no khochile nani, ‘Kuchou no I no nongu vilo pìní, nongu no I thiküzümi eno I chelimi hipaqo gholo akitilau lau kiu shitsü keno tiye I lau mülà ke.’


Jisü no panongu vilo pi, “Kuchou no I no nongu vilo pìní, thowkha kümtsü akithé shikitheve kelo, eno kughou Timi Nu no pa juküvü küká lakhü lo iqani keno, nongu I pape chekemiqo ghí aküka lakhü chighikini lo iqa no Israelmi lagha chighikini shou xaküthau shi nani.


Tihutoi nongu Papù kungugha lo akeu ye hipaqo kititi gholo lakhimu pühave penishimoe.


“Nongu ye mthamini hipaqo kititi gholo lakhimu jukünatha kepu kumoe, kughengu I no nongu vilo pi anike, kungugha lo panonguw kungumiqo ye pülhapuju I pù gi ithulu achenie.


Akimthe Mishighüna aliwo kuputu ye aboqha-tu chighikini ae, eno aboqha-tu tipaqo lo Ambeti’w apostolmi chighikini je yèpüae.


Swiv nou:

Piblisite


Piblisite