Luke 9:35 - Sümi Tiqhelimi Bible

³⁵ Khüngküsü lono asütsa lakhi ighino ishi pi, “Hiye I nu, I no kisheluve keu ke; pa tsa inilo.”

BAIBEL (BSI)

³⁵ Khungkusu lono asutsa lakhi ighi, “Hiye iNu ino Kishelukeu; pa tsa inilo!”

Sumi Naga CL (Re-edited) Bible (BSI)

³⁵ Tileno asütsa lakhi khüngküsü lono ipeghi, “Hi ye Iw kishekipheu, I Nue; Pa tsa inilo!”

Luke 9:35 Referans Kwoze

Luke 3:22

eno Aghungu Kimthe ampi no miqhedu lakhi toi ighino pa shou iku ngove. Eno kungugha lono asütsa lakhi ighi: “No ye I no qhuivü chekeu, I nu ke; O shou I mlokiqi achenie.”

MATTHEW 3:17

Eno kungugha lono asütsa lakhi ishi pi, “Hiye I no qhuivü chekeu I nu ke; ni ye pa shou I mlokiqi achenie.”

IBRIMI 5:9

eno ghuthu lakhi kupukülai shive tsü kethiu, pa ye pa gholu chekemi kümtsü ghenguno alhokupuju xakulupu ipekighiu shive ke

IBRIMI 3:15

Hitoi pipüa keu toi: “Ishí tsalà lo nongu no pa sütsa ini aye nongu no hekibide lo shi ketoi nongu mlo shikümka kevilo.”

IBRIMI 2:3

tsalá ningu no xakulu kijè hikithipu phimo aye ningu ye kíshi no pokajolu nani kea? Xakulu hipau khikhi Ampeu no atüghishi shuphe keno tiye timi khunoqo pa tsa chilu keno panongu no ningu lau ithitoi shitsü ke.

John 3:16

Alhou no ayeghilomi kimiyekütü keu ghenguno pa Nu lakhi likhi akeu pesü tsüke, tighenguno khukhumu pa shou pülübelu keu ye pühavemo nani ikemu lhokta küxü ithulu nani.

MATTHEW 12:18

“Hiye khuu I no kishelu keno I qeu ke, I no kimiye chekeu, pa shou I mlokiqi acheni; I no I ghungu pa shou puku nani, eno pa no achipiu xakütha pesü shiyeqo lau asheshu nani.

Mark 1:11

Eno kungugha lono asütsa lakhi ishi pi: “No ye I nu, I no qhuivü chekeu ke; O shou I mlokiqi achenie.”

Luke 9:34

Pa no atsa piaphi lono khüngküsü ighino panongu küzüpholuve; eno panongu ye khüngküsü lo ilove kelo msàve.

John 12:28

Apùo, O jekipipu shipelo!” Ikelo kungugha lono asütsa lakhi ighi, “Ni ye tipau juküvüpu shivae, eno itaghi tipau juküvü shitsü nanie.”