Luke 8:15 - Sümi Tiqhelimi Bible

¹⁵ Ikemu ayeghi kivi lo apitì vesülu keu ye xüpivi chekemi eno amlo kivimiqo, panongu ye Alhou tsa chilu no ikhilu kemiqo, eno akumto shikeu vechewo athi kutomo pithílu kemiqo ke.

BAIBEL (BSI)

¹⁵ Ayeghi kivilo apiti vesu lukeuye khunoqono atsa chilu eno aghokulu ngo amlo kivi xapusu kutuuno ikhilu keu lono athi pithi peghilu cheni.

Sumi Naga CL (Re-edited) Bible (BSI)

¹⁵ Ikemu khikhi ayeghi kivi lo ilolu keno, tipaqo ye Atsa chilu püzü panow kuchou eno akivi mlo lo tsatsai qhiluve chekemi, ikehu pano ye kheakulu shikeu lono axathi pithilu cheni.

Luke 8:15 Referans Kwoze

IBRIMI 10:36

Nongu ye tsükhoi shini keu avehupu shi ani, tishianguno kughou nono Alhou pulou shini keno no ye kiu piqhipüa keno tipau ithulu nani.

Luke 6:45

Timi kivimi no pa mlo lo akivi pekütsüpüa keu lono akivi pephe cheni, eno küsaküghami no pa mlo lo küsakügha pekütsüpüa keu lono küsakügha pephe cheni. Kughengu amlo lo kiu pekütsüpüani keno akichi lono piphe cheni.

1 John 2:3

Ningu no pa zakütsüqo pelu aye ningu ye pa ithivea kepi mütsüqheilu anike.

Kolosiami 1:10

tishianguno nongu pelo Ampeu no pulo keu aküzüpu küxü xülu no alaghi thowkha lono pa pulou shilu peniye ke. Eno akivi kümlà kümtsü lo axathi pithílu, Alhou kighithi lono thuwulu,

Kolosiami 1:6

lajupu hipau ghili chiluvea ke. Tihutoi, nongu no atsakiviu ghili chilu no kuchou no Alhou’w küpükini vethalu keu tsalà lono nongu gholo mülà ake toi, atsakiviu ye ayeghiqha kuchopu lo axathi pithí eno thuwu anie.

John 14:15

“Nongu no I kimiye cheni aye, I zakütsüqo pelulo.

Luke 11:28

Jisü no khochile, “Khunoqo no Alhou tsa chilu eno tipau ghokulu shini keno tipaqou no akümghapue.”

FILIPIAMI 1:11

Jisü Khristo lau no ighi keu achipiumikucho xathi no shepichhilu peniye ke—kughengu hino Alhou jekipipu eno shekiqhepu shilu nani.

Rommi 7:4

Ikehu, I thiküzümi eno I chelimiqo, nongu ghí Khristo phimpi vechewo ayeza küdau ye thivea ke, tishi keu vechewo nongu ye khuu akithí lono xüputhuvea keno pa laumi shilu peniye ke, tishianguno ningu pelo Alhou ghenguno athi pithílu peniye ke.

Rommi 6:22

Ikemu itehi ye nongu ye axiné lono kuqhopheve no Alhou qüaxemiqo shivae, nongu no alá shilu keu hu no akimthe lo sawu cheni, eno ashekha lo tiye lhokta küxü ithulu cheni.

John 15:10

I no I pù zakütsüqo pape no paw kikimiye gholo kimepeke toi nongu no I zakütsüqo pape aye nongu ye iw kikimiye gholo kimepe anani.

MATTHEW 24:13

ikemu khuno no ashekha kutólo mutotoi puthugho aghíni keno xaluve nani.

IBRIMI 2:1

Ningu fupe wuve pemo nike ghenguno ningu no kiu chiluvea keno tipau lo ningu ye ighono amlotsüqhiyi moayesae.

Ephesiami 2:8

Kughengu nongu ye küpükini lono aküpülü vechewo xaluvae—eno hiye nongu likhi nongu no shilu ke kumoe, hiye Alhou’w aghò ke—

1 Kor. 7:19

Aphighüyiko ghave keu na ghamo keu namu akhoto kumoe. Alhou zakütsüqo papelu keu hu no akhotou ke.

Rommi 7:18

Kughengu I no ithi akeu no I lolo I xiné lhoaye lo pa kutoshi no akivi achemoe. Kughengu ni ye kiu no akivi keno tipau shinishiqhiyi acheni, ikemu ni ye tipau shilu chemoe.

Rommi 2:7

Khunoqo no tamo no akümlà kivi shikeu lono ajuküvü, agigihu eno khilemu thivemo nikeu phu cheni keno, Alhou no lhokta küxü tsü nani.

James 1:4

Tsükhoi keu pelo tipau kümlà kishekhave pelo tishianguno nongu pelo kiumu tomo keu shimo no alaye eno kupukülailu peniye ke.

Luke 8:14

Apitì asahu gholo ikiqi ilove keu kiqi ye Alhou tsa chiluve kemiqo, ikemu aküxü lo mloküsa, kinikülü lo amlo tsü eno ashi pulou shikeu vechewo panongu ye thuwu mülave no ghüsüve keu kiqi ke.

Luke 8:16

“Khunomu akulu küqü pesü ayeghi lì lakhi no küsüpe qhive chemoe momu alipa qholo qhive chemoe. Ikemu, akibepu lo be cheni, tishianguno aki lo iloghi kemi pelo aküvü ithulu peniye ke.

Rommi 8:25

Ikemu ningu no ithumla no akeu shou lajupu qhi aye, ningu ye kutuukulu shi tipau ngokhe acheni.