Luke 8:1 - Sümi Tiqhelimi Bible

¹ Tipathiu, Jisü ye Alhou kükaphu sütsa kiviu pesü asheshu ghi mishiphu eno aphu lakhi lono lakhi lo kicheghüzü shisü wu. Apostolmi chighikini ye pa gholo che,

BAIBEL (BSI)

¹ Tipa thiu Jisu no Alhou yehkipe sutsakiviu vekupha ghi aphughiqolo eno aphuqolo wue. Akhopemi chighikini ghi pa sasu che,

Sumi Naga CL (Re-edited) Bible (BSI)

¹ Tithiu Jisü no Alhou yekipe tsakiviu sheshusü mishighüna eno aphuqo lo wu. Akhopemi chighikini no pa gholo wu,

Luke 8:1 Referans Kwoze

MATTHEW 4:23

Jisü ye Galilee qha kümtsü lo wu no synagogqo lo kütsü, akükaphu sütsa kiviu pesü asheshu eno küsükinimi ngò aküsǜ jeli kümtsü shipivi ae.

Rommi 10:15

Eno khukhumu puwumo kelo ye kíshi no akükütsü sütsa pikülhani kea? Kuchoyesü lo ishi yèpüa keu toi: “Atsakiviu pesü ighi chekemi pukhu ye kiutoi akümzapushi jukivi kela!”

Apostolmi 13:32

“Ningu no nongu vilo atsakiviu piani: Alhou no ni pù-asüqo lau kiu piqhipüa akeno

Apostolmi 10:38

Nongu ye Alhou no kíshi Nazareth nó ghami Jisü shou Aghungu Kimthe eno aküka vechewo nukishelu keno ithi ani. Jisü no akümlà kivi shisü iqho-iqi eno tüghami küká lo qhasü pe akemi kümtsü shipivi ke, kughengu Alhou no pa gholo ae.

Luke 4:18

“Ampeu Ghungu I shou ani, kughengu atsakiviu pe kumlhomi lau asheshu peniye pa no ni nukishelu ke. Akughumi lau khakiqhi kütüghü peniye eno anhethi kighichemi pelo ithulu kithe peniye, neda-qoda püa kemi phepuwu peniye

Mark 1:39

Ikehu pa no Galilee qha kümtsü lo Synagogqo lo kütsü eno tüghaküsaqo haphe ghi kicheghüzü shi.

MATTHEW 13:19

Khukhumu akükaphu kükütsü sütsa ghili chilu no tipau vethalumove kelo, küsaküghau no ighino kiu amlo lo xusü püani keno süxa pesü wuve cheni. Hiye apitì alaphe lo xusüve keu kiqi ke.

MATTHEW 11:1

Jisü no pa khopemi chighikini vilo akivishi piputove kethiu, pa ye tile no Galilee lo mishiphuqo lo kütsü eno shika niye wuve.

MATTHEW 9:35

Jisü ye mishiphu eno aphuqo kümtsü lo wu no synagogqo lo kütsü, akükaphu sütsa kiviu pesü asheshu eno küsükinimi ngò aküsǜ jeli kümtsü shipivi ae.

Luke 1:80

John ye mutotoi thuwuve eno aghungu küxü lo mutotoive; eno pa ye Israelmi aqha zülo pephe-piyemo ke tsalà kutólo küghünamokeu-a lo xüache.

Luke 9:6

Ike panongu no alà cheve no aphu lakhi lono lakhi lo wu no atsakiviu pesü asheshu eno aqha kümtsü lo timiqo shipivie.

Luke 20:1

Ghulo lakhi Jisü no achineki khalau timiqo kütsü eno atsakiviu pesü asheshu akelo achinetomi ngò ayeza kükütsümi, eno kichimiqo küqha no pa lau ighie.